منظور ڪلهوڙو
سينيئر رڪن
صبح سان آفيس پهتم، جڏهن ڪاوش ۾ هي خبر پڙهيم، هنيا جهري پيو، لڱ ڪانڊارجي ويا۔۔هن معصوم گلڙي جو ڪهڙو ڏوهه آهي، الله پاڪ جي شل مار پوندي اهڙن ڪهري قاتلن تي۔۔لعنت بيشمار اهڙن وحشين تي جن هن گلاب جي گل جيان معصوم کي مروڙي ڇڏيو۔
خيرپور ناٿن شاهه (رپورٽ:مختيار چانڊيو) ڪي اين شاهه ويجهو لڱ ڪانڊاريندڙ واقعو، ظالمن گلن جهڙي 3 مهينن جي معصوم ٻارڙي کي ڏينهن ڏٺي جو تيز ڌار اوزار سان ڪهي ڇڏيو، رپورٽ موجب خيرپور ناٿن شاهه کان 12 ڪلوميٽر پري ڪاڇي واري علائقي جي ڳوٺ آڍو کونهارو ۾ڏينهن ڏٺي جو نامعلوم جوابدار تيز ڌار اوزار سان گهر جي ڪمري ۾ ستل 3 مهينن جي معصوم ٻارڙي ساجن پٽ سڄڻ کوهاري جو ڳلو ڪپي قتل ڪري ڇڏيو، اهڙي خبر پوڻ تي ڳوٺ ۽ علائقي ۾ سخت خوف ۽ هراس پکڙجي ويو، اطلاع تي گوزو پوليس موقعي تي پهچي لاش کي پنهنجي تحويل ۾ ورتو، جيڪو تعلقي اسپتال آندو جن لاش پوسٽ مارٽم بعد وارثن حوالي ڪيو ويو، هوڏانهن مارجي ويل مرحوم ساجن کونهارو جي ڏاڏي محمد اشرف کوهاري صحافين کي ٻڌايو ته گهر جا سڀ ڀاتي ڊليوري جي سلسلي ۾ ٻاهر ويل گهر ۾ صرف معصوم ساجن جي امڙ روزينه کونهارو موجود هئي جيڪا پڻ گهر جي ڀرسان نلڪي تي ڪپڙا ڌوئڻ وئي هئي، معصوم ڪمري ۾ هو ڪنهن ظالم اچي اهو ظلم ڪيو آهي، هن ٻڌايو ته اسان جي ڪنهن سان به ڪا دشمني ناهي، الله ظالمن کي معاف نه ڪندو، ٻارڙي ساجن کوهاري جي قتل بابت ايس ايڇ او خيرپور ناٿن شاهه غلام سرور زرداري ٻڌايو ته اسان جاچ ڪيون پيا ته اهو ايڏو دل ڏکائيندڙ واقعو ڪيئن ٿيو اڄ تائين خبر پئجي ويندي، ڇاڪاڻ ته اسان کي اهو واقعو گهرو اڻبڻت جو لڳي ٿو، معصوم جي وارثن جو چوڻ آهي ته هن جي ماءُ گهر جي ڀرسان نلڪتي تي ڪپڙا ڌوئي پئي ۽ 15-20 منٽن بعد واپس آئي ته ٻارڙي جو ڳلو ڪپيل هو ۽ فوت ٿي چڪو هو ان ڪري ٻاهران ڪير اچي ها ته ضرور ڪنهن جي نظر ته اهو ماڻهو اچي ها، واقعو گهر جو آهي، هڪ ڏينهن ۾ جوابدارن جي خبر پئجي ويندي، انهن کي معاف نه ڪبو، خيرپور ناٿن شاهه جي تاريخ ۾ اهو تمام وڏو ڏکائيندڙ واقعو آهي، جنهن جي خبر پوڻ تي ڳوٺ توڙي شهر جي ماڻهن ۾ ڏک جي لهر ڇائنجي وئي، معصوم ٻارڙي جي واقعي جو ٻڌي ڪيترائي ماڻهو اسپتال پهتا ۽ اهي پنهنجا ڳوڙها روڪي نه سگهيا، سڄاڻ ڌرين چيو ته سنڌ جي ماڻهن ۾ خدا ترسي ۽ خدا جو خوف ختم ٿي ويو، ماڻهو وحشي ٿي ويا آهن، هاڻ ته معصوم ٻارڙن کي به معاف نه ٿا ڪن، هنن مطالبو ڪيو ته معصوم ٻارڙي ساجن کوهاري جا قاتل گرفتار ڪري انهن کي سخت سزا ڏني وڃي، ڳوٺ آڍو کونهارو خيرپور ناٿن شاهه کان اولهه طرف ڪاڇي جي پاسي آهي جتي اڪثريت ماڻهن جي هارپو ۽ مزدوري ڪندا آهن، قتل ٿي ويل ساجن جو پيءُ سڄڻ کونهارو به هارپو ڪندو آهي، ڳوٺ ۾ 10-15 گهر آهن جن کي ٻاهران صرف هڪ لوڙهو پناهه لاءِ ڏنل آهي باقي سڀ گهرن ۾ اندر آهن، ٻارڙي جو پوسٽ مارٽم ڪندڙ ڊاڪٽر عبدالحميد شيخ ٻڌايو ته ٻارڙي جو ڳلو تيز ڌار اوزار سان ڪٽيل آهي، ٻارڙو وڌيڪ رت وهڻ جي ڪري فوت ٿيو آهي.
خيرپور ناٿن شاهه (رپورٽ:مختيار چانڊيو) ڪي اين شاهه ويجهو لڱ ڪانڊاريندڙ واقعو، ظالمن گلن جهڙي 3 مهينن جي معصوم ٻارڙي کي ڏينهن ڏٺي جو تيز ڌار اوزار سان ڪهي ڇڏيو، رپورٽ موجب خيرپور ناٿن شاهه کان 12 ڪلوميٽر پري ڪاڇي واري علائقي جي ڳوٺ آڍو کونهارو ۾ڏينهن ڏٺي جو نامعلوم جوابدار تيز ڌار اوزار سان گهر جي ڪمري ۾ ستل 3 مهينن جي معصوم ٻارڙي ساجن پٽ سڄڻ کوهاري جو ڳلو ڪپي قتل ڪري ڇڏيو، اهڙي خبر پوڻ تي ڳوٺ ۽ علائقي ۾ سخت خوف ۽ هراس پکڙجي ويو، اطلاع تي گوزو پوليس موقعي تي پهچي لاش کي پنهنجي تحويل ۾ ورتو، جيڪو تعلقي اسپتال آندو جن لاش پوسٽ مارٽم بعد وارثن حوالي ڪيو ويو، هوڏانهن مارجي ويل مرحوم ساجن کونهارو جي ڏاڏي محمد اشرف کوهاري صحافين کي ٻڌايو ته گهر جا سڀ ڀاتي ڊليوري جي سلسلي ۾ ٻاهر ويل گهر ۾ صرف معصوم ساجن جي امڙ روزينه کونهارو موجود هئي جيڪا پڻ گهر جي ڀرسان نلڪي تي ڪپڙا ڌوئڻ وئي هئي، معصوم ڪمري ۾ هو ڪنهن ظالم اچي اهو ظلم ڪيو آهي، هن ٻڌايو ته اسان جي ڪنهن سان به ڪا دشمني ناهي، الله ظالمن کي معاف نه ڪندو، ٻارڙي ساجن کوهاري جي قتل بابت ايس ايڇ او خيرپور ناٿن شاهه غلام سرور زرداري ٻڌايو ته اسان جاچ ڪيون پيا ته اهو ايڏو دل ڏکائيندڙ واقعو ڪيئن ٿيو اڄ تائين خبر پئجي ويندي، ڇاڪاڻ ته اسان کي اهو واقعو گهرو اڻبڻت جو لڳي ٿو، معصوم جي وارثن جو چوڻ آهي ته هن جي ماءُ گهر جي ڀرسان نلڪتي تي ڪپڙا ڌوئي پئي ۽ 15-20 منٽن بعد واپس آئي ته ٻارڙي جو ڳلو ڪپيل هو ۽ فوت ٿي چڪو هو ان ڪري ٻاهران ڪير اچي ها ته ضرور ڪنهن جي نظر ته اهو ماڻهو اچي ها، واقعو گهر جو آهي، هڪ ڏينهن ۾ جوابدارن جي خبر پئجي ويندي، انهن کي معاف نه ڪبو، خيرپور ناٿن شاهه جي تاريخ ۾ اهو تمام وڏو ڏکائيندڙ واقعو آهي، جنهن جي خبر پوڻ تي ڳوٺ توڙي شهر جي ماڻهن ۾ ڏک جي لهر ڇائنجي وئي، معصوم ٻارڙي جي واقعي جو ٻڌي ڪيترائي ماڻهو اسپتال پهتا ۽ اهي پنهنجا ڳوڙها روڪي نه سگهيا، سڄاڻ ڌرين چيو ته سنڌ جي ماڻهن ۾ خدا ترسي ۽ خدا جو خوف ختم ٿي ويو، ماڻهو وحشي ٿي ويا آهن، هاڻ ته معصوم ٻارڙن کي به معاف نه ٿا ڪن، هنن مطالبو ڪيو ته معصوم ٻارڙي ساجن کوهاري جا قاتل گرفتار ڪري انهن کي سخت سزا ڏني وڃي، ڳوٺ آڍو کونهارو خيرپور ناٿن شاهه کان اولهه طرف ڪاڇي جي پاسي آهي جتي اڪثريت ماڻهن جي هارپو ۽ مزدوري ڪندا آهن، قتل ٿي ويل ساجن جو پيءُ سڄڻ کونهارو به هارپو ڪندو آهي، ڳوٺ ۾ 10-15 گهر آهن جن کي ٻاهران صرف هڪ لوڙهو پناهه لاءِ ڏنل آهي باقي سڀ گهرن ۾ اندر آهن، ٻارڙي جو پوسٽ مارٽم ڪندڙ ڊاڪٽر عبدالحميد شيخ ٻڌايو ته ٻارڙي جو ڳلو تيز ڌار اوزار سان ڪٽيل آهي، ٻارڙو وڌيڪ رت وهڻ جي ڪري فوت ٿيو آهي.
