احمد علي مڱريو

[احمد علي مڱريو]

دوستو منهنجو نالو احمد علي مڱريو آهي۔ مون آئي بي سکر مان ايم بي اي ڪئي آهي۔ خوشحالي بينڪ ۽ نادرا شهدادڪوٽ ۽ لاڙڪاڻي ۾ ڪم ڪرڻ کان بعد اڄڪلهه اسلاميه ڪاليج سکر ۾ ليڪچراري ڪري رهيو آهيان۔گهر جي نوڪري جي ڪري واندو وقت گهڻو هوندو آهي. تهنڪري پٺئين سال مائٽ عزيز مڱرئي sindhicomputing.org ٺاهڻ جو ڪم ڏنو جيڪو مڙئي جيڪو ٿي سگهيو ڪيوسين. جنهنکان پوءِ پنهنجي ڪاليج جي ويب سائيٽ iacc.edu.pk ٺاهيم. اڄڪلهه سنڌي بلاگ ايگريگيٽر (sba.iacc.edu.pk) تي ڪم ڪري رهيو آهيان. ۽ هي تعارف سڌي ڳالهه آهي سائين رشيد سمون جي بلاگ ايگريگيٽر ۽ سنڌي ڪمپيوٽنگ متعلق هڪ ڊگهي ڪال کانپو لکي رهيو آهيان۔​

 

[رشيد سمون]

دوست احمد علي منڱريو جا لک ٿورا جن وقت ڪڍي سنڌ سلامت جو ڦيرو ڀريو ۽ پنهنجو تعارف سنگت سان ڪرايو۔۔۔
هڪ دفعي مون کي ڪنهن نمبر تان ڪال ڪري چيو هو ته ۔۔”توهان رشيد سمون پيا ڳالهايو۔۔۔ “ مون هاڪاري جواب کان اڳ سندس تفصيل پڇڻ گهريا ته ڳالهه ڪندڙ ڪجهه گهٻرائيندي پنهنجو تعارف ڪرايو ۽ وري ساڳيو سوال دهرايو۔۔ هن دفعي مون کيس کلي کيڪاريو ۽ ساڻس گفتگو ڪئي۔۔۔
گفتگو جي آخر ۾ انهن چيو ته منهنجي ذهن ۾ خواه مخواه اها الجهن هئي ته ادا رشيد سمون مغرور هوندو جو ان جي خيال ۾ جيڪي ڪمپيوٽر جا ڄاڻو هوندا آهن اهي ذري گهٽ مغرور ئي هوندا آهن۔۔
لڳ ڀڳ ان دوست وانگر منهنجا خيال به ادا احمد مڱريو لاءِ ساڳيا هئا۔۔ پر ساڻس ٿيل گفتگو کانپوءِ نه صرف خيال تبديل ٿيا پر سنڌي ڪمپيوٽنگ تي مفصل گفتگو ڪندي مان ساڻس جو فين بڻجي ويس۔۔
سنڌي بلاگنگ کي تي خاص ۽ طويل ڪم ڪندي پاڻ سٺو تجربو رکڻ سان گڏ سنڌي ڪمپيوٽنگ جي سست رفتاري جو دل ۾ درد رکندڙ آهن۔۔۔ سندن خيال آهي ته ٻين ٻولين جي مقابلي ۾ اسان ڪافي سستيء سان سفر ڪري رهيا آهيون۔۔۔ اهو ئي سبب آهي جو هر وقت ان جي ڀلي لاءِ جستجو ۾ رڌل رهندا آهن۔۔۔
تازو جڏهن بلاگ ايگريگيشن متعلق سنڌي ڪمپيوٽنگ تي پنهنجا مفصل تفصيل ڏيندي ڪم ڪرڻ جو ذڪر ڪيو ته وقت گهٽ هجڻ باوجود مون کي پڻ ڪم ڪرڻ جو جذبو اڀريو۔۔۔ ۽ سنڌ سلامت پلانيٽ جي تخليق ڪري ڇڏي۔۔۔ ۽ هاڻي جستجو آهي ته ان کي ڪهڙي طرح لاڀائتو بڻائجي۔۔۔
خير منهنجي ڪال ڪرڻ سان فورم تي ڪهي اچڻ تي سرهائي ٿي۔۔۔ ۽ هاڻي اميد رکجي ته پاڻ پنهنجي معلومات کي سنڌ سلامت جي دوستن سان ونڊ ڪندا رهندا ته جيئن دوست فائدو حاصل ڪري سگهن۔۔۔

 

[عتيق الرحمان]

دوستو منهنجو نالو احمد علي مڱريو آهي۔ مون آئي بي سکر مان ايم بي اي ڪئي آهي۔ خوشحالي بينڪ ۽ نادرا شهدادڪوٽ ۽ لاڙڪاڻي ۾ ڪم ڪرڻ کان بعد اڄڪلهه اسلاميه ڪاليج سکر ۾ ليڪچراري ڪري رهيو آهيان۔گهر جي نوڪري جي ڪري واندو وقت گهڻو هوندو آهي. تهنڪري پٺئين سال مائٽ عزيز مڱرئي sindhicomputing.org ٺاهڻ جو ڪم ڏنو جيڪو مڙئي جيڪو ٿي سگهيو ڪيوسين. جنهنکان پوءِ پنهنجي ڪاليج جي ويب سائيٽ iacc.edu.pk ٺاهيم. اڄڪلهه سنڌي بلاگ ايگريگيٽر (sba.iacc.edu.pk) تي ڪم ڪري رهيو آهيان. ۽ هي تعارف سڌي ڳالهه آهي سائين رشيد سمون جي بلاگ ايگريگيٽر ۽ سنڌي ڪمپيوٽنگ متعلق هڪ ڊگهي ڪال کانپو لکي رهيو آهيان۔​

مهترم سائين احمد علي مڱريو صاحب اسلام عليڪم ،سائين سڀ کان پهريائين هن اڱڻ تي اوهان کي ڀليڪار چئجي ٿو،
سائين سچ پڇيو ته اوهان جي تعارف سان منهجي دل ته باغ بهار ٿي پئي آهي ،يقين ٿيڻ لڳو آهي ته جيڪو اجايو وقت مون وڃايو آهي اهو واپس ته وري ڪو نه سگهندو پر وڌيڪ وقت وڃائڻ کي بند ضرور ٻڌجي ويندو،اوهان جهڙا سڄڻ سائين اسان جي رهنمائي ڪندڙ هجن ته يقينن اسان لاڀائتا ٿي وينداسين ،۽ اسان تي جيڪو نشان لڳي ويو آهي ته اسان نڪما ۽ ٽوٽي آهيون سو مٽجڻ جا آثار نظر اچڻ لڳا آهن، سائين اميد ته اسان تي به ٿوري محنت ڪندا ۽ هنن سنڌ جي اڻ پڙهيل سپاهين کي جديد اوزارن جي ڄاڻ سان مستفيد ڪندا جيئن اسان به هن جنگ ۾ بارود بنجي سگهون
اوهان جي رهنمائي جو محتاج
الله پاڪ اوهان کي پنهجي حفظ و امان ۾ رکي اسان جي مٿان اوهان جي ڇانو قائم رکي اوهان جي علم ۾ واڌارو ڪري ۽ اسان کي اوهان جي علم مان لاڀ وارو ڪري اوهان اوهان کي دنيا و آخرت جي ڪاميابي عطا فرمائي آمين

 

[رحيم بخش]

محترم احمد علي مڱِريو جن کي هن پيار ڀرئي اڱڻ تي ڀلي ڪار اميد ته سائين جن اسان جي ساٿ ۾ هوندا ته اسان سنڌيت جي پرچار ۾ مزيد مثبت قدم کڻڻ ۾ ڪامياب ٿينداسين۔

 

[سليمان وساڻ]

ڪمپيوٽر جي ڄاڻ رکڻ سان گڏ اعلى تعليم يافته پنهنجي ڀاء احمد علي مڱريو کي سنڌ سلامت تي ڀليڪار ڪجي ٿي۔

مونکي ياد آهي ته لطيف يونيورسٽي مان ايم بي اي ڪري آء بي اي سکر ۾ هڪ سيمسٽر وزيٽنگ فيڪلٽي طور پڙهايو هوم ، اهو 1999 جو ذڪر آهي ۽ پوء 2000 ۾ سوئي گيس جوائن ڪئي هيم۔ اوهان يادون تازيون ڪري ڇڏيون۔ سچ پڇو ته پاڻ ڪمپيوٽر جي معاملي ۾ صفا ڍلا آهيون پر اوهان جهڙن ۽ رشيد جهڙن دوستن جي رهنمائي ڪري ئي مڙئي ڪم ڪڍي وڃون۔ سنڌي ڪمپيوٽنگ کي ڏسي ڏک ۽ غم جا گڏيل جذبا اڀرندا آهن۔ اسان جا سرڪاري ادار ا سنڌي ڪمپيوٽنگ لاء ڪو خاص ڪم ڪرڻ ۾ ناڪام رهيا آهن تنهن ڪري ڏک ٿيندو اٿم، پر دوستن جي ذاتي ڪوششڻ سان ڪيل ڪم ذريعي ئي سنڌي ٻولي ڪمپيوٽر تي پنهنجو پاڻ مڃائڻ ۾ ڪامياب وئي آهي اها خوشي ٿيندي اٿم۔ ان ۾ اوهان جهڙن دوستن جي قابليت، جذبي ۽ بي لوث خدمتن جو وڏو هٿ آهي۔

سنڌي ڪمپيوٽنگ ۾ اوهان سنڌي بلاگ ايگريگيٽر جي ڳالهه ڪئي ته مونکي رشيد سمون جو ڪم ياد آيو جيڪو ان تي ڪم ته ڪري رهيو هو پر ڪجهه سستي سان، جيڪو اوهان جي ڪري جلدي ٿي ويو۔ اميد ته سنڌ سلامت ۽ اوهان جو گڏيل ساٿ سنڌي ڪمپيوٽنگ لاء ڪو چڱو ڪم ڪري وٺندو۔ اوهان جي رهنمائي اسان جو حوصلو وڌايو آهي۔ سنڌ سلامت سنڌي ٻوليء جي ڪمپيوٽر تي ڊيٽا آڻڻ ۾ ڪجهه ڪامياب وئي آهي ۽ اڳتي به اهو ڪم جاري رهندو۔

مهربانيون ۽ ٻيهر ڀليڪار۔

 

[Sindhi Media]

دوست علي احمد مڱرئي کي هن فورم تي ڀليڪار ڪريون ٿا۔ ميمبر ٿيڻ شرط ڀا تي لازمي ٿي پيو آهي ته پنهنجي ٽهي کي به هي گس ڏيکارين ته جيئن ملي جلي ڪري اونداهين ۾ گهيرجي ويل سست، ڪاهل، پاڻ پڏائڻ واري قوم لا ڪو دڳ ڳولي ڪڍون ۽ پاڻ به حقيقي معنائن ۾ ٻين قومن وانگر هڪ سولائيزڊ قوم سڏجون جيڪا پاڻ پڏائي پاڻ کي ست هزار سالن جو وارث ته سمجهي ٿي پر عملي ميدان ۾ هڪ نانگ وانگر پنهنجو پاڻ پنهنجا ٻچا کائي ٿي۔ اهو سمجهڻ لا ڀا کي مُهنجو هي چُڀندڙ مضمون پڙهڻو به پوندو ۽ ٻين کي به دعوت ڏئي پڙاهڻو پوندو جنهن جي جواب جو آئون طلبگار آهيان۔

مضمون پڙهڻ لا هتي ڪلڪ ڪريو۔​