بلاگر تي بلاگ ٺاهڻ (حصو پهريون)

حيرت آهي ته توهان پنهنجو بلاگ ان وقت ۾ ئي جوڙي ورتو هو جنهن وقت گهٽ ۾ گهٽ اسان کي ته توهان انٽرنيٽ تي ايترو فعال ئي نه مليا هئا۔۔۔۔۔ ۽ وري ڪوشش پيو ڏسان ته اها به واه جي ٿي لڳي۔۔۔

توهانجي سوال جو جواب ۾ جيسين اسانجو استاد جواب ڏئي مان اڳ ئي ڏئي توهان ۽ ان جي نظرن ۾ سرخرو ٿيڻ گهرندس۔۔ جي ها بلڪل توهان ائين ڪري سگهو ٿا۔۔۔
ان سڀ کان پهريان توهان بلاگ جي ڊيش بورڊ تي اچو ۽ کاٻي پاسي موجود Posts تي ڪلڪ ڪريو۔۔۔ هاڻي يا ته نئين پوسٽ موڪليو يا وري جيڪا پوسٽ توهان اڳ ئي بڻائي چڪا آهيو ان کي ايڊيٽ ڪريو۔۔۔

1107 اٽيچمينٽ ڏسو ​

جڏهن توهان جي تيار ڪيل پوسٽ سامهون کلي اچي ته ان جي ساڄي پاسي موجود پوسٽ سيٽنگ سيڪشن منجهان ليبل جي هيٺان موجود پبلش آن يا ان جي ڀرسان گهڙي نما آئڪان تي ڪلڪ ڪريو۔۔۔

1108 اٽيچمينٽ ڏسو ​

جنهن سان توهان اڳيان مڪمل ڪيلينڊر کُلي ايندو۔۔۔ توهان پنهنجي مطلوبا تاريخ ۽ وقت سيٽ ڪريو۔۔۔ ۽ هيٺ موجود Done بٽڻ تي ڪلڪ ڪريو۔۔۔ جنهن کان پوءِ مٿي پوسٽ عنوان ڀرسان Update بٽڻ تي ڪلڪ ڪري ڇڏيو۔۔۔

1109 اٽيچمينٽ ڏسو ​

 

دوستو توهان سوچيو يا نه سوچيو پر سائين رحيم بخش سوچي سگهن ٿا ته آ کين ته پنهنجو بلاگ ڏيکارڻ جو زور ڀري رهيو آهيان پر پنهنجو ٺاهيل بلاگ ڪونه پيو ڏيکاريان۔۔۔

حاضر آهي منهنجو بلاگ​

​

1110 اٽيچمينٽ ڏسو ​

​

​

دوستو پنهنجي بلاگ ڏيکارڻ کان پوءِ مان دوستن کي ڪجهه گذارشون ڪرڻ چاهيندس۔۔۔
ڪنهن به قسم جو بلاگ ٺاهڻ جو تجربو مون کي بلڪل به ناهي۔۔
ڪجهه ڏينهن اڳ ادا احمد علي مڱريو جي صلاحڻ سان هڪ خيال آيو ته سنڌ سلامت پلانيٽ جوڙي ورتم۔۔۔
سنڌ سلامت پلانيٽ ورڊ پريس جي اسڪرپٽ تي تيار ڪيل بلاگ آهي ۔۔ جڏهن ته بلاگ اسپاٽ تي بلاگ ٺاهڻ جو مون کي تجربو نه هو۔۔۔
جيڪڏهن منهنجي بلاگ ۾ خاميون هجن ته ان کي درست ڪرڻ جي صلاحن کي کلين ذهن سان قبول ڪيو ويندو۔۔۔
۽ آخر ۾ اهو ته جيڪڏهن منهنجو تيار ٿيل بلاگ يا ان جون ڪي خوبيون توهان کي پسند اچن۔۔ ۽ توهان سوچيندا هجو ته اهڙيون توهان کان ڪونه ٺهي سگهنديون ته آ اهو ٻڌايان ته اهو بلڪل به مشڪل نه آهي۔۔۔ بس دوستو همت ڪريو ۽ ڪجهه ڪرڻ جو جذبو سامهون رکو۔۔۔ ۽ ان سلسلي ۾ پنهنجي سوالن کي واضح ڪري لکو جو سچ چيو ويو آهي ته ”پڇڻا نه منجهڻا“ ته جئين توهان جي مدد ڪندي سنڌي ٻولي کي انٽرنيٽ پنن تي عام ڪيو وڃي۔۔۔

 

واهه واهه ۔۔۔۔ تمام سهڻو ، خوبصورت رنگن ۽ سهڻن فونٽن سان سجايل بلاگ آهي۔

هاڻي اسانکي اڳتي به سيکاريو، يا هفتيوار ايگزيڪيٽو ڪلاس هلندا ۔۔۔۔؟؟

 

يار ذيشان رشيد ڇا لکجي واري سوال پريشان ڪري وِڌو آهي! اوهان ڪڏنهن ڪڏنهن اهڙا ڪم ڪريو وڃو ۽ اهڙا لفظ لکيو وڃو جو انهي کان پوءِ پنهنجو هر اکر ٻاراڻو لڳندو آهي۔ مون پنهنجو بلاگ ڇهه مهينا اڳ ۾ ٺاهيو هو پر آئون ته نه ان وقت انهن خفن ۾ فعال هئس نه وري هاڻي آهيان۔ ۽ اوهان جهڙن ڪاريگرن جي نظر ۾ فعال ته شايد ڪڏنهن به نه سگهان۔ باقي اوهان جا قرب جو مون کي اها ٽِپ ڏنئو۔ هاڻي پنهنجو پراڻو مواد هُتي سهيڙبو۔

رحيم بخش جي ڪم مان لڳي ٿو ته هو فعال ٿي چُڪا آهن۔ اميد ته اوهان جي ساٿ جي سائي ۾ ڪم چڱو نبرندو۔

سوال ته کوڙ آهن۔ پر انهي کان پهرين اوهان کي مبارڪباد ڏبي ته اوهان سنڌي لکي (سنڌ سلامت ايڊيٽر ڏيندي) هُتي جو هُتي ڪمينٽس پيسٽ ڪرڻ جي سهولت ڏيئي يقينن ڪمال ڪيو آهي۔

سوال هي آهن:
1۔ بلاگ جي پنهنجي ٻولي سنڌي ڪيئن ڪجي؟
2۔ ڇا سنڌ سلامت ايڊيٽر پنهنجي بلاگ تي استعمال ڪرڻ جي سڀني کي اجازت هوندي؟
3۔ ڪوئي دوست پنهنجي تحرير پراڻي تاريخ ۾ موڪلي ٿو ته اها ايگرگيٽر تي هاڻي ظاهر ٿيندي؟

سليمان وساڻ يار اوهان جي انهي سوال جي جواب ۾ هڪ انتهائي تلخ پر حقيقي سوال ته سنڌ سلامت تي هليل سکيا وارو اهڙو ڪهڙو ڪورس آهي جنهن جا سڀ سبق پورا پڙهايا ويا آهن۔ اهو سوال رڳو سجاد علي چنا کان ئي نه پر ذيشان رشيد ڦلپوٽو فقير جهڙن انتظامي رڪنن کان به آهي۔ (تمام گهڻي معذرت سان)

 

مانوارا سائين رحيم بخش، اوهان جي محنت متاثر ڪندڙ آهي۔ سنڌي ٻولي جيئن ته انگريزي جي ابتڙ ساڄي کان کاٻي طرف لکي ويندي آهي ان ڪري ڪجهه ٽيڪنيڪل ڏکيايون آهن، جيڪي حل ڪرڻ ايترو مشڪل نه آهن۔ سنڌي بلاگنگ جي نئين سلسلي ۾ ڪوشش ڪنداسين سنڌي بلاگنگ ۾ پيش ايندڙ انهن ڏکيائين کي حل ڪرڻ لاء آسان لفظن ۾ سمجهاڻي ڏجي۔ اميد ته هن سلسلي ۾ گڏ رهندئو۔

 

يار سليمان وساڻ اوهان جهڙا بي صبرا شاگرد هجن ته ٻيو ڇا کپي!
هن پوسٽ کان پوءِ ڪجهه ڏينهن جي وٿي ڄاڻي واڻي ڪئي ته جيئن وڌيڪ دوست هن پهرين قدم ڏانهن راغب ٿين۔ هاڻي لڳي ٿو ته روزانو جي حساب سان ڪلاس شروع ڪرڻا پوندا۔ بلاگر تي بلاگ ٺاهڻ جي سلسلي جو ٻيون حصو پوسٽ ڪري ڇڏيو اٿم۔ لنڪ حاضر آهي۔
(لنڪ: بلاگر تي بلاگ ٺاهڻ (حصو ٻيون) )

 

ادا عبدالحفيظ لغاري اوهان جي سوال اهميت جا حامل آهن۔
1۔ بلاگ تي سنڌي ٻولي ڪيئن ڪجي واري ڪوشش جي سلسلي ۾ هي سنڌي بلاگنگ جو سلسلو شروع ڪيو آهي، هڪ دم جيڪڏهن سيکارجي ته بلاگ جي ٻولي سنڌي ٻولي ڪيئن ڪجي ته، پڙهندڙن ۽ سکندڙن کي ٿوري ڏکيائي ٿئي متان ان ڪري بنيادي ڳالهيون ٻڌائڻ ضروري آهن۔ اول خير، بلاگر ڊاٽ ڪام تي بلاگ جي سنڌي ٻولي ڪيئن ٺاهجي، انهي باري ۾ ستت ئي سکيا جو ڌاڳو شروع ڪبو۔

2۔ هن سوال جو جواب ذيشان رشيد رشيد ئي ڏئي سگهي ٿو۔

3۔ ايگريگيٽر جي نظام موجب پهرين پيجن تي تازيون تحريرون ئي ظاهر ٿينديون، تحرير تي پراڻي تاريخ لکڻ کان پوءِ اها تحرير ايگريگيٽر (پلانيٽ) جي محفوظات (Archive) ۾ ته محفوظ ٿي ويندي پر شايد پهرين صفحن تي ظاهري نه ٿيئي۔ ايتري تائين جو شايد اصل بلاگ جي به پهرين پيجن تي ظاهر نه ٿئي۔

باقي آخري پيراگراف تي ايترو ئي چوندس ته سکيا ڪڏهن به مڪمل نه هوندي آهي۔ روزانو ڪجهه نه ڪجهه سکڻ جي گنجائش هوندي آهي۔ انت ڪونه آهي سکڻ جو ان ڪري جيڪي سلسلا پهريان اڌورا رهجي چڪا آهن، انهن کي وري جاري رکي سگهجي ٿو بس سکڻ وارا همت ڪن۔۔