ماءُ جي پيرن هيٺان جنت ڇو آهي؟منهنجي هڪ نياڻي اڃان ٻن مهينن جي مس هئي تي کيس پيڇش جي بيماري ٿي پئي، ڏينهن سمورو الٽيون ۽ دست ڪندي رهي ۽ ماءُ جو ٿڃ پيئڻ به بند ڪري ڇڏيائين، رات ٿي ته ڪافي دير تائين ورتل دوا ۽ مختلف طريقن سان ڪوشش ڪئي سون ته هوءَ ٺيڪ ٿي وڃي ... پر ان ڪوشش دوران آءُ ڪيترائي ڀيرا ننڊ ڪري پئي ورتي پر جڏهن به اک کلي ته سندس ماءُ ويٺي خدمت ڪري ۽ ڪوشش ۾ لڳي پئي هئي ته هوءَ کير پيئي يا ڪجهه پاڻي پيئي .... ۽ سندس اکين مان ڳوڙها وهي رهيا هجن ... ائين سموري رات هوءَ جاڳندي رهي ۽ روئيندي رهي ... پر آءُ ڪيترائي ڀيرا ننڊ جا سوپا ڪري اٿيس !!!
ماء ماء آهي ۔۔۔ ٻچڙن ۾ ته سندس ساهه اٽڪيل هوندو آهي۔ ڪجهه وقت اڳ شايد مائرن جي ڏينهن تي هڪ مضمون لکيو هيم ياد ٿو اچي ۔۔ ماءُ : ڪائنات جي خوبصورت ترين هستي
