حضور اڪرم (صه) جن سڄي دنيا لاء نيڪي ۽ بلائي جا سرچشما آهن۔ پاڻ سڳورن جي سچائي ۽ ديانتداري جو اعتراف سندن ڪٽر دشمنن به ڪيو آهي۔ پاڻ سڳورا سمورڳ انسان ذات لاء هڪ مثال هئا پاڻ همنشهه سچ ڳالهئندا هئا پاڻ نهايت مهربان ۽ ٻاجهارا رحمدل ۽ سخي هئا پاڻ پنهنجو سمورو ڪم پنهنجن هٿن مبارڪن سان ڪندا هئا ڦاٽل ڪپڙن کي چتيون هڻڻ جتي ڳنڍڻ ٻڪرٿون ڏهن جو ڪم پاڻ سڳورا پنهنجن برڪت ڀرين هٿن سان ڪندا هئا ۔ پاڻ سڳورن جن جي غريبن سان هلت چلت اهڙي هوندي هئي جو انهن کي پنهنجي غربت تي احساس ڪمتري ڪونه ٿيندي هئي۔ پاڙو نبين کي به پيارو آهي۔ سنڌي ۾ اها چوڻي به پاڻ ڪريم (صه) جن جي اخلاق مبارڪ مان ورتل آهي۔ پاڻ سڳورا پاڙيسرين جي سار سنڀال لهندا هئا ۽ انهن جي حقن پور ن ڪرڻ جي تاڪيد ڪندا هئا۔ حضور جن بيمارن کي پڇڻ ويندا هئا ۽ کين آٿت ڏيندا هئا، ان ڏس ۾ دوست توڙي دشمن مومن توڙي ڪافر سان هڪجهڙو هلندا هئا۔ پاڻ سڳورا جنهن گس تان لگهندا هئا ته هڪڙي ڪافرياڻي ان تي ڪنڊا وڇائي ڇڏيندي هئي ۽ ڪن ڪچرو ڇڏيندي هئي هڪ ڀيري گس تي ڪنڊا ۽ ڪچرو پيل نه هو، پاڻ سڳورن کي جڏهن خبر پئي ته اها مائي بيمار آهي تڏهن ان کي پڇڻ ويا ۽ پاڻ سڳورن جو اخلاق ڏسي مائي مسلمان ٿي وئي
حضور اڪرم (صه) جن جا اخلاق مبارڪ ڪڏهن کٽي نٿا سگهن اگر هڪ انسان پاڻ سڳورن جا اخلاق لکڻ تي اچي ته اهو انسان ڏهه ڪتاب به لکي سگهي ٿو۔
