منهنجو نالو شيرين آهي آئون ضلعي سانگهڙ جي هڪ ننڍڙي شهر جهول ۾ رهندي آهيان منهنجي پيدائش صبح جي وقت 1 جولائي 1998ع تي جهول شهر ۾ ٿي هن وقت مان نائين ڪلاس ۾ آهيان منهنجي فيملي ۾ ماشا الله 6 ڀاتي آهن مان سڀ کان ننڍي آهيان، هن ڪري گهڻو پيار مونکي ملندو آهي، ۽ اهو چوڻ چاهيندس ته مونکي سنڌ سلامت ۾ اچي ڏاڍي خوشي ٿي مونکي اميد نه هئي ته مان هڪ اهڙي ويب سائٽ به ڏسندس تمام خوش آهيان جو پنهنجا خيال مان پاڻ سنڌ سلامت ۾ لکي سگهان ٿي ۽ پنهنجو آواز کڻي سگهان ٿي اميد آهي ته سنڌ سلامت هميشه قائم ۽ دائم رهندي ۽ مان گهڻو ڪجهه سکي ۽ سمجهي سگهندس، مونکي پنهنجي سڌ سان تمام پيار اهي مان فخر ٿي محسوس ڪيان جو مان سنڌي آهيان منهنجي ٻولي مونکي تمام گهڻي پياري آهي اميد آهي ته هر سنڌي سنڌسلامت ۾ اچي پنهنجا خيالات ظاهر ڪري، ۽ پنهنجي پاڻ کي سنڌي ثابت ڪري ڏيکاري،
ڀيڻ توهان اسان سڀني ڀائرن جي به ننڍڙي ۽ پياري ڀيڻ آهين۔ سنڌ سلامت جي پوري سٿ جنهن ۾ انتظاميه، رڪن سڀني پاران توهان کي هر وقت پيار ملندو۔ توهان محنت ڪري پڙهو۔ سنڌ سلامت توهان جي پنهنجي سائيڊ آهي۔
ڀيڻ هڪ دفعو ٻيهر اوهان کي ڀليڪار ڪجي ٿو۔ سنڌ سلامت جو فورم سنڌين لاء ئي آهي ۽ هي فورم ڪنهن هڪ جو نه پر سڀني سنڌين جو گڏيل فورم آهي۔ هر ميمبر سنڌ سلامت آهي۔ سنڌ سلامت جي سونهن سڀني ميمبرن جي ڪري آهي۔ سنڌ سلامت جي ٻيڙي جڏهن شروع ٿي ته ان ۾ ڪي چار ڄڻا سوار هيا ۽ پوء وقت جي رفتار سان گڏ سنڌ سلامت جو سفر به هلندو رهيو، هن سفر ۾ ڪي رستي تي ساٿ ڇڏي ويا، ڪن جي منزل اچي وئي، ڪي اڃان هلندا رهن ٿا ۽ ڪي نوان مسافر ان ۾ سوار ٿيندا رهن ٿا۔ اوهان کي عرض ته اوهان پنهنجا خيال وڌ کان وڌ شيئر ڪيو ۽ ان سان گڏ مختلف موضوع ۽ ڪتاب به پڙهندا رهو جيئن اوهان جو مشاهدو وڌي۔ بهتر ليکڪ يا شاعر اهوئي ٿي سگهي ٿو جنهن جو علم ۽ ڄاڻ وسيع هجي۔ ان سان گڏ اوهان کي پهرين ترجيح پنهنجي درسي ڪتابن ۽ درسي تعليم کي ڏيڻي پوندي جيئن اوهان پنهنجي منزل ماڻي سگهو۔ اوهان لاء دعائون ۔۔۔۔ سنڌ سلامت ساٿ سلامت
اميد ته اسانجي ڀيڻ ٻين ڀيڻ ڀائرن جي سٿ ساڻ ملي اسان جي بدنصيب ۽ اونداهين ،جهالت ۾ گهيريل قوم کي ٻاهر ڪڍڻ ۾ مدد ڪندي ۔
ننڍڙي پياري ۽ سهڻي ڌي شيرين سنڌ سلامت جي گلدستي ۾ هڪ تمام سهڻي ۽ انمول گل جو اضافو آهي ۔۔۔ سندس پسند، لکڻيون ۽ موٽ ڏاهپ ڀريون آهن، جنهن مان اندازو ڪري سگهجي ٿو ته نائين درجي ۾ پڙهندڙ هي اسانجي نياڻي ڪيترين صلاحيتن جي مالڪ آهي ۔۔۔ ڇونه هجي جنهنجو والد بزرگوار شاعر هجي، سنڌ سان محبت ڪندڙ هجي ته انجي رڳن ۾ به ته ساڳيو رت آهي ۔۔۔ سلامت هجي اسانجي هي نياڻي۔ سچ پڇو ته فخر کان ڪنڌ مٿي ٿي ويو آهيان ته اسانجون ڌيئرون ايتريون، محب وطن ۽ سنڌ سان پيار ڪرڻ واريون آهن ۔۔۔ ذات ناهي ڏات جو وهي سو لهي ۔۔۔ هن دنيا کي کٽڻ جو هڪ ئي هٿيار آهي ته پنهنجي ڏاهپ ۽ اهليت کي ايترو وڌائجي جو ڪامياب اچي پيرن ۾ پوي ۔۔۔ منهنجي پياري ڌي شيرين، اوهان سنڌ سلامت سان گڏ پنهنجي تعليمي ۽ ادبي واڌ تي گهڻي کان گهڻو توجهه ڏيندا، خاص ڪري مئٽرڪ ۽ انٽر هڪ شاگرد لا سون جي کاڻ جيئان آهن، جيڪڏهن ڪنهن شاگرد انهن چئن سالن کي پنهنجو ڪري ورتو ته سمجهو تعليمي لحاظ کان هو وڏي کان وڏا معرڪا سرانجام ڏئي سگهندو۔ اميد ڪريونٿا ته مستقبل ۾ ڌي شيرين خاصخيلي هڪ ڏاهي ۽ ڪارائتي انسان جي روپ ۾ سنڌ جي خدمت ڪندي نظر ايندي۔ اسانجون دعائون، پيار ۽ خلوص اوهان سان گڏ آهي ۔۔۔ سنڌ سلامت جا دوست اوهانجي هر ممڪن ۽ هر طرح جي مدد ڪرڻ لا تيار آهن۔ ڪا مشڪل ڪا تڪليف هجي ته هڪدم ٻڌائجو ته جيئن وقتائتي پهچ ٿي پوي۔ اسان طرفان پنهنجي والدين کي سلام پهتا ڪجو ۽ کين چئجو ته سنڌ سلامت اوهانکي هن ڏاهي ڌي جي وجود تي سلام پيش ڪري ٿي۔ سنڌ سلامت ساٿ سلامت
