ديس ڏني دلداري دل کي(قومي نغمو)

[شيرين]

ديس ڏني دلداري دل کي،​

ديس ڏني دلداري۔​

​

ڏور ٿيا سڀ ڏک ڏولاوا،​

سک جي ٿي سرداري۔۔۔دل کي،​

ديس ڏني دلداري۔​

​

مينهن وٺا ۽ ٿيون گلزاريون،​

هر جا آهن ناغ نهاريون،​

خوش ڏسجن ٿا هاري۔۔۔دل کي ديس ڏني دلداري​

۔​

مارو مرد متارا مانجهي،​

محنت موکن صبح ۽ سانجهي،​

بار کڻن ٿا باري۔۔۔۔دل کي ديس ڏني دلداري۔​

​

ديس جي پکڙيل پڌر پٽن ۾،​

جهنگلن جبلن ٿرن برن ۾،​

لعل لڌا لاشاري۔۔۔۔دل کي ديس ڏني دلداري۔​

(رشيد احمد لاشاري)​