هوئن ته مارڪيٽ ۾ يوليڊ مووي ميڪر سميت انيڪ سافٽويئر ملندا جيڪا مووي بنائڻ لاءِ استعمال ڪيا ويندا آهن پر اڄ به ڪافي ماڻهون مائڪروسافٽ جو مووي ميڪر سافٽويئر ان ڪري استعمال ڪندا آهن جو هو هلڪو ۽ استعمال ۾ آسان هجڻ سان گڏو گڏ ونڊوز ايڪس پي انسٽال ڪرڻ سان گڏو گڏ پاڻمرادو انسٽال ٿي ويندو آهي۔۔۔ مطلب عليحده ڪا ڊسڪ وٺڻ جي ضرورت ئي نه پوندي آهي۔۔۔ تازوئي مائڪرو سافٽ وارن هن سافٽويئر جو نئون اپڊيٽ ورجن متعارف ڪرايو آهي جنهن جي ڌُم ٻڌڻ ۾ پئي اچي۔۔۔ هڪ جهلڪ هن سڪرين شاٽ کي ڏسو۔۔۔ هي ورجن دراصل مائڪرو سافٽ مووي ميڪر اسينشل جو اپڊيٽ ڪيل ورجن آهي۔۔۔ جنهن جي انٽرفيس کي خوبصورت بنائڻ لاءِ هن ۾ ڪافي تبديليون آنديون ويون آهن۔۔۔ مووي کي آساني سان ايڊيٽنگ ڪرڻ لاءِ ٽولز کي سجايو ويو آهي۔۔۔ هاڻي توهان پنهنجي بڻايل مووي جي ڪهڙي به حصي ۾ ٽائيٽل، موسيقي ۽ افيڪٽ ڏئي سگهو ٿا۔۔۔۔ هتي هڪ وڊيو پڻ ڳنڍي رهيو آهيان جنهن کي ڏسي توهان سافٽويئر جي خوبصورتي جو اندازو لڳائي سگهو ٿا۔۔۔ http://www.youtube.com/watch?v=94lYVLPBXpg هن سافٽويئر جي بُري ڳالهه اها آهي ته هي ونڊوز ايڪس پي لاءِ نه آهي ۔۔۔ صرف ونڊوز وستا ۽ ونڊوز 7 ۾ هن کي استعمال ڪري سگهجي ٿو۔۔۔۔ ٿي سگهي ٿو اڳتي هلي ونڊوز ايڪس پي لاءِ ڪو ڪمپيٽيبل ورجن اچي ۔۔۔ ونڊوز وستا ۽ ونڊوز 7 استعمال ڪندڙ هتي ڪلڪ ڪري سافٽويئر ڊائونلوڊ ڪري سگهن ٿا۔۔۔۔۔
ادا اسان سڀ ته ونڊوز ايڪس پي جا سِڪايل آهيون، باقي ونڊوز سيون ڳري هُجڻ جي ڪري في الحال ته انسٽال نه ٿا ڪري سگهون۔۔۔ پر مائڪروسافٽ جو تمام بهترين قدم آهي۔۔۔
