گوگل طرفان ليڊي ادا لَوليس کي خراج

[سجاد علي چنا]

اڄ صبح گوگل سرچ انجڻ کولي ڏٺم ته گوگل وارن جو ڊوڊل (doodle) * نظر آيو جيڪو گوگل طرفان ليڊي ادا لَوليس Lady Ada Lovelace کي سندس سالگره تي خراج طور پيش ڪيو ويو.

اڄ کان تقريبن 2 صديون پهريان ڊسمبر 10، 1815 تي جنم وٺندڙ ليڊي ادا لَوليس Lady Ada Lovelace دنيا جي پهرين ڪمپيوٽر پروگرامر جي طور تي سڃاتي وڃي ٿي۔ 1843 ۾ هن چارلس بيبيج جي تجزياتي انجڻ لاء پهريون الگوردم (algorithm)** شايع ڪرايو۔ يعني پهرين ڪمپيوٽر جي وجود ۾ اچڻ کان هڪ صدي پهريان هن محترمه ڏيکاري ڇڏيو ته مستقبل ۾ بيشمار ڪم هڪ مشين پروگرامرن جي تخليق جي زور تي اُڪلائيندي۔

وڌيڪ تفصيل ڄاڻڻ جو تجسس رکو ٿا ته هن گوگل جي بلاگ تي هيٺين لنڪ تي وڃو...
http://goo.gl/zL9Ar

------

* گوگل جي ويب سائيٽ تي گوگل جي logo جي جاءِ تي ڪڏهن ڪڏهن دلچسپ تصويرون نظر اينديون آهن. انهن کي گوگل ڊوڊل چئجي ٿو. جيئن هن پوسٽ جي شروع ۾ تصوير ڏني وئي آهي۔

** الگوردم algorithm : ڪمپيوٽر پروگرام ٺاهڻ لاءِ ڪيل حساب ۽ عمل

 

[عبدالحفيظ لغاري]

اسان اڪثر ڪري شين کي نظر انداز ڪري ويندا آهيون يا ڪي ڪي شيون ته فضول به لڳنديون آهن (مثال طور اڪائونٽ وغيره ٺاهڻ وقت اميج ۾ ٽيڙها سيڙها اکر هيٺ لکڻ لاءِ چوڻ) پر انهن جي اهميت هوندي ضرور آهي۔ گوگل تي اهو ڪم به ايئن ئي ڏسبو آهي پر ايئن هوندو ناهي۔

بهترين ونڊ

 

[سليمان وساڻ]

تمام سٺو جو اوهان اها قيمتي ڄاڻ مهيا ڪئي۔

اسان ته بس گوگل تي تبديل ٿيندڙ تصويرون ڏسي به پنهنجي ڪم کي لڳي ويندا آهيون۔