جڏهن به لڇندڙ لاش ڏسان ٿو آهه ڀري آڪاش ڏسان ٿو هِت ڏسان جھوپن ۾ انڌيرو هت محلن منجھه پرڪاش ڏسان ٿو ڪنهنجا اڻڀا وار ڏسان ٿو ليلائيندي ڪي ٻار ڏسان ٿو ڪي جيون جون خوشيون ماڻين ڪي روئندي زارو قطار ڏسان ٿو. هيڻا هڏ مزور ڏسان ٿو تن جا سور ۽ پور ڏسان ٿو ڄڻ ڪي آهن، زندهه لاشا چنتائن ۾ چور ڏسان ٿو. هي نفرت هي پيار ڏسان ٿو سوجھي هي سنسار ڏسان ٿو پئسي سان ٿو پيار به ملي غربت ڄڻ آ گار ڏسان ٿو. ڪنهنجي چپ تي قول ڏسان ٿو خوش ڪرڻ جا ٽول ڏسان ٿو سياست آهي ڏٽو ڄڻ ڪوئي پنهنجو خالي ڪشڪول ڏسان ٿو.
