اڄوڪي ڏينهن 22 ڊسمبر تي جنم وٺندڙ معروف شخصيتون جنم ڏينهن: 22 ڊسمبر 1920ع شاعر مظفر حسين جوش (خيرپور) جي پيدائش جو ڏينهن آهي. 22 ڊسمبر 1934ع تي مشھور اديبه نشاط فاطمه جو جنم ڏينھن آهي.22 ڊسمبر 1947ع مشهور سگهڙ عبدالعزيز چانڊيو جو جنم ڏينهن آهي. 22 ڊسمبر 1949ع سگهڙ الله رکيو مغيري جو جنم ڏينهن آهي. 22 ڊسمبر 1958ع جيڪب آباد سان تعلق رکندڙ صحافي سيد قطب شاهه جو جنم ڏينهن آهي. وڇوڙو: 22 ڊسمبر 1910ع بزرگ قطب علي شاهه جهانيان جي وفات ٿي. 22 ڊسمبر 1920ع مذهبي اسڪالر مولانا احمد پيرزادو جو لاڏاڻو ٿيو. 22 ڊسمبر 1986ع اردو، سنڌي ۽ انگريزي فلمن جي مشهور اداڪار عبد اللطيف ساقي جي وفات ٿي. 22 ڊسمبر 1999ع ٻلهڙيجي سان تعلق رکندڙ ليکڪ، صحافي ۽ شاعر هدايت منگي جي وفات جو ڏينهن آهي. 22 ڊسمبر 2012ع سياستدان بشير احمد بلور خودڪش بم ڌماڪي ۾ شهيد ٿي ويو. اڄوڪي ڏينهن 22 ڊسمبر جا ڪجهه اهم واقعا 22 ڊسمبر 1966ع تي پاڪستان جي سائنسدانن پھريون دفعو ايٽم کي منتشر ڪرڻ جو ڪارنامو سرانجام ڏنو. 22 ڊسمبر 1971ع تي پاڪستان جي پھرين نائب صدر نور الامين عھدي جو حلف کنيو. حواله: ڊاڪٽر در محمد پٺاڻ روزانه ڪاوش انسائيڪلوپيڊيا سنڌيانا وڪيپيڊيا سنڌ سلامت ڊاٽ ڪام
22 ڊسمبر 2012ع تي عوامي نيشنل پارٽي جو اڳواڻ ۽ صوبائي وزير بشير احمد بلور پشاور ۾ خودڪش بم ڌماڪي ۾ شهيد ٿي ويو.
روشن سج جو غروب ٿيڻ 22 ڊسمبر 2013ع بمطابق 18 صفر المظفر1435هجري بروز آچر تقريبا صبح جو 5 بجي حيدرآباد جي اسپتال هلال احمر ۾ منهنجي زندگي ۾ چانڊوڪي ڪندڙ عظيم سج منهنجو والد بزرگوار دادن خان چانڊيو هميشه جي لاءِ غروب ٿي ويا ۽ اسان جي پوري خاندان کي روئاري اسان جي اباڻي قبرستان شيخ نوطي ۾ مٽي ماءُ حوالي ٿيا. اڄوڪي تاريخ تي اسان جي بابا جي پهرين ورسي آهي ۽ اسان هن عظيم ڏينهن کي ڪڏهن به وساري نه ٿا سگهون. پنهنجي دعائن ۾ پنهنجي نمازن ۾ ۽ پنهنجي هر نيڪ عمل ۾ پنهنجي بابا کي هميشه جي لاءِ ياد رکيو آهي ۽ رکنداسين اوهان تمام سنڌ واسين کان التماس آهي ته منهنجي بابا کي پنهنجن دعائن ۾ ياد رکندا.
