هڪ نئون اينٽي وائرس جنهن سان سسٽم فائل کي نارمل فائل جي صورت ۾ آڻيو

[عبدالرحيم]

اسلام عليڪم سنڌي ڀائرو،​

گهڻي وقت کان پوءِ آئون توهان لائي هڪ نئون سافٽويئر کڻي آيو آهيان.​

ڪلهه هڪ دوست جي يو ايس بي ۾ ڪو اهڙو وائرس اچي ويو هيو جو هن جي يو ايس بي مان سڀ فائلون ۽ فولڊر ڊليٽ ٿي ويا هيا. هو مون وٽ يو ايس بي کڻي آيو ۽ پنهنجو مسئلي جي حل لاءِ چيائين. سڀ کان پهرين مون هن جي يو ايس بي کي ايواسٽ اينٽي وائرس سان اسڪين ڪيو ۽ پوئي ان جي ميموري چيڪ ڪئي ته برابر ان ۾ مواد پيل هو ڊليٽ نه ٿيو هيو بس نظر نه اچي رهيو هيو. پوءِ مون هِڊن فائلس کي شو ڪيو فولڊر آپشن منجهان پر پوئي به ڪا فائل نظر نه آئي. وري مون فولڊر آپشن مان سسٽم فائل کي به شو ڪرايو ته دوست جون سڀ فائلون نظر اچي ويون. مسئلو ته حل ٿيو پر مون سوچيو ته انهن فائل کي پنهنجي اصلي حالت ۾ آڻڻ کپي، بار بار سسٽم فائلس شو ڪرڻ ڏکيو ٿي پوندو. پوءِ مون گوگل جي ويب سائيٽ کولي ۽ سسٽم فائلس کي نارمل فائلس ۾ ڪنورٽ ڪرڻ جو طريقو سرچ ڪرڻ لڳس ڪافي طريقا مليا جيڪي ڊاس ۾ هلندا هئا، اهي سڀ طريقا آزمايم پر حل نه نڪتو. آخر ۾ هڪ ويب سائيٽ جي لنڪ ملي جنهن ۾ هڪ اينٽي وائرس جو ذڪر هو. ان لنڪ کي کوليم ته ان ۾ انهي مسئلي جو حل هو جنهن جي مون ڳولا پي ڪئي. ان لنڪ مان هڪ انٽي وائرس مليو جنهن جو نالو آهي سماڊيو.​

اهو هڪ فري اينٽي وائرس آهي ۽ ان جو ڪم اهو آهي ته جيڪي فائلس ڪنهن وائرس جي ڪري هِڊن ٿي ويون آهن يا سسٽم فائل ٿي ويون آهن انهن کي هي اينٽي وائرس درست ڪندو آهي.​

پوءِ مون ان اينٽي وائرس کي هن لنڪ تان ڊائونلوڊ ڪيو​

​

۽ پوءِ انسٽال ڪري پنهنجي دوست جي يو ايس بي کي اسڪين ڪيو ۽ پوءِ ان جا ايرر فڪس ڪيا.​

ان کان پوءِ مون سسٽم فائلس هِڊن ڪري وري يو ايس بي کي کولي ڏٺو ته سڀ فائل ۽ فولڊر نظر اچي رهيا هئا.​

جڏهن منهنجو اهو مسئلو حل ٿي ويو ته سوچيم ته هاڻ سنڌي ڀائرن کي به اهو تجربو ونڊ ٿو ڪريان.​

سنڌ سلامت ساٿ سلامت​

 

[عبدالحفيظ لغاري]

تمام سٺو۔ اڪثر اهڙا مسئال ايندا رهن ٿا ۽ هي سافٽ ويئر انهن لاءِ ڪارائتو ٿو لڳي۔
يونس ملڪاڻي کي ته هاڻي ئي ڊائونلوڊ ڪرڻ کپي۔

 

[عبدالرحيم]

ادا عبدالحفيظ پسند ڪرڻ لاءِ مهربانيون

 

[سليمان وساڻ]

تمام سٺي شيئرنگ ۔۔۔ اڪثر دوست اهو سوال ڪندا رهندا آهن۔

 

[فاروق سومرو]

تمام سٺو سائين لک قرب

 

[رحيم بخش]

تمام سٺو سافٽويئر آهي ۔اهو به ٻڌايو ته رجسٽرڊ آهي يا ان رجسٽرڊ ته مهرباني ٿيندي۔ توهان جي ڏنل لنڪ هن وقت کلي نه پئي ان لاء ٻيا دوست چيڪ ڪن ته اهو مسئلو مون سان آهي يا واقعي لنڪ ۾ ڪو مسئلو آهي۔

 

[فاروق سومرو]

تمام سٺو سافٽويئر آهي ۔اهو به ٻڌايو ته رجسٽرڊ آهي يا ان رجسٽرڊ ته مهرباني ٿيندي۔ توهان جي ڏنل لنڪ هن وقت کلي نه پئي ان لاء ٻيا دوست چيڪ ڪن ته اهو مسئلو مون سان آهي يا واقعي لنڪ ۾ ڪو مسئلو آهي۔

واقعي سائين لنڪ صحيح نه آهي۔
ادا رحيم لنڪ کي درست ڪندا

 

[عبدالرحيم]

تمام سٺو سافٽويئر آهي ۔اهو به ٻڌايو ته رجسٽرڊ آهي يا ان رجسٽرڊ ته مهرباني ٿيندي۔ توهان جي ڏنل لنڪ هن وقت کلي نه پئي ان لاء ٻيا دوست چيڪ ڪن ته اهو مسئلو مون سان آهي يا واقعي لنڪ ۾ ڪو مسئلو آهي۔

ادا رحيم بخش هي سافٽويئر فري ۾ آهي ۽ ان کي رجسٽر ڪرڻ جي ضرورت به نه آهي۔
ناقي لنڪ هي به ڏسو https://docs.google.com/open?id=0B0riZHoFtnWAODN3WWNaNnhzTHc

 

[يونس ملڪاڻي]

ادا لنڪ ڪم نه پيو ڪري

 

[رحيم بخش]

ادا عبدالرحيم بهتر ائين آهي ته هي سافٽوئير توهان فورشيئرڊ تي اپلوڊ ڪري پو ان جو لنڪ شيئر ڪيو ته سنگت کي ڊائون لوڊنگ ۾ آساني ٿيندي۔

 

[رحيم بخش]

دوستن لا هي لنڪ حاضر آهي اگر ڪم ٿئي ته ٻڌائجو
http://www.4shared.com/rar/x4MUNUm6/smadav91.html?

 

[رحيم بخش]

لڳي ٿو دوستن کي مٿي لنڪ به ڪم نه ڏنو۔

 

[نثارناز]

پيارا ڀا عبدالرحيم اسان آئي ٽِي ۾ اڱوٺي ڇاپ ماڻهن لا ته تو انتهائي ڪارائتي سافٽ ويئر جو ڏس پتو ڏنو آهي الله سائين جو نالو وٺي ڪريونس ٿا ڊائون لوڊ ڀلا اهو ٻُڌايو جيڪو اسان وٽ مفت جو مال اينٽي وائرس اي وي جي لڳل آهي ان تي ته ڪو اثر ڪونه وجهندو نه۔ اسان لفظن جي رانديڪن ٺاهڻ وارن شاعرن ۽ ليکڪن کي آئي ٽِي جون ڳالهيون مڙئي گهٽ سمجهه ۾ اينديون آهن اهو سائين عبدالرشيد سمون جيڪو سنڌ سلامت ۾ انتظامي طور هڊن آهي پر نئون نالو سائين ذيشان رشيد اوپن آهي اسان جهڙن ڄٽن کي هروڀرون وڏو پٽڪو اڃان تائين ٻڌايو ويٺو آهي ۔ کيس ڀلي ريت خبر آهي ته ڪمپيوٽر جي الف بي کان به هي جهونو واقف ڪونهي ۔ ڪو نوجوان ڳولهي وڏي پٽڪي لا جيڪو ڪمپيوٽر يا ٻي لفظن ۾ آئي ٽي واري شعبي کان واقف هُجي باقي اسان جهڙا جهونا ٽي درجي وارا شاعر هاڻي انهي وڏي پٽڪي جي قطئي لائق ڪونه آهيون ۔ توکي جس هُجي ادا جو اهڙي بهترين سافٽ ويئر جو ڏس پتو ڏئي سموري سنڌ واسين تي مون سميت وڏا وڙ ڪيا آهن ۔

 

[عبدالغني لوهار]

تمام سٺو سافٽويئر آهي ۔اهو به ٻڌايو ته رجسٽرڊ آهي يا ان رجسٽرڊ ته مهرباني ٿيندي۔ توهان جي ڏنل لنڪ هن وقت کلي نه پئي ان لاء ٻيا دوست چيڪ ڪن ته اهو مسئلو مون سان آهي يا واقعي لنڪ ۾ ڪو مسئلو آهي۔

ادا رحيم بخش هي سافٽويئر فري ۾ آهي ۽ ان کي رجسٽر ڪرڻ جي ضرورت به نه آهي۔
ناقي لنڪ هي به ڏسو https://docs.google.com/open?id=0B0riZHoFtnWAODN3WWNaNnhzTHc

ادا اوهانجون ٻئي لنڪون درست آهن ، مون فائيل سيو ڪيو آهي

 

[عبدالرحيم]

پيارا ڀا عبدالرحيم اسان آئي ٽِي ۾ اڱوٺي ڇاپ ماڻهن لا ته تو انتهائي ڪارائتي سافٽ ويئر جو ڏس پتو ڏنو آهي الله سائين جو نالو وٺي ڪريونس ٿا ڊائون لوڊ ڀلا اهو ٻُڌايو جيڪو اسان وٽ مفت جو مال اينٽي وائرس اي وي جي لڳل آهي ان تي ته ڪو اثر ڪونه وجهندو نه۔ اسان لفظن جي رانديڪن ٺاهڻ وارن شاعرن ۽ ليکڪن کي آئي ٽِي جون ڳالهيون مڙئي گهٽ سمجهه ۾ اينديون آهن اهو سائين عبدالرشيد سمون جيڪو سنڌ سلامت ۾ انتظامي طور هڊن آهي پر نئون نالو سائين ذيشان رشيد اوپن آهي اسان جهڙن ڄٽن کي هروڀرون وڏو پٽڪو اڃان تائين ٻڌايو ويٺو آهي ۔ کيس ڀلي ريت خبر آهي ته ڪمپيوٽر جي الف بي کان به هي جهونو واقف ڪونهي ۔ ڪو نوجوان ڳولهي وڏي پٽڪي لا جيڪو ڪمپيوٽر يا ٻي لفظن ۾ آئي ٽي واري شعبي کان واقف هُجي باقي اسان جهڙا جهونا ٽي درجي وارا شاعر هاڻي انهي وڏي پٽڪي جي قطئي لائق ڪونه آهيون ۔ توکي جس هُجي ادا جو اهڙي بهترين سافٽ ويئر جو ڏس پتو ڏئي سموري سنڌ واسين تي مون سميت وڏا وڙ ڪيا آهن ۔

ادا نثار ناز، توهان جي لک لک ٿورا جو منهنجي هن ننڊي ڪوشش کي ايترو مان ڏنو آهي۔
توهان سوال ڪيو توهان وٽ جيڪو پهرين مفت وارو انٽي وائرس انسٽال ٿيل آهي ان تي ڪو اثر نه پوندي؟ جي نه ادا هي سافٽويئر ڪنهن به انسٽال ٿيل اينٽي وائرس تي اثر نه ڪندو۔
سنڌ سلامت کي توهان جهڙن ليکڪن جي سخت ضرورت آهي۔

سنڌسلامت ساٿ سلامت