سرمد سنڌ ۾ ۽ سنڌ هئي سرمد ۾ ....

https://www.facebook.com/video.php?v=10151311374343948

​

سرمد سنڌ ۾ ۽ سنڌ هئي سرمد ۾ ....​

ڪي ماڻهون مرندا ناهن پر جدا ٿي ويندا آهن، سرمد اسانکان جدا ٿي ويو آهي ، سندس آواز، سندس گيت ۽ سندس يادون اسان سان گڏ آهن ۽ جيستائين سهڻي سنڌ جو ادب ۽ سنگيت زنده هوندو تيستائين سرمد سنڌي به زنده رهندو ....​

​

اڄ وري سندس قومي گيت ٻڌي اکيون آليون ٿي پون ٿيون، انڪري نه ته سرمد اسانجي وچ ۾ ناهي بلڪ انڪري ته سرمد جنهن مقصد لاءِ رات ڏينهن قومي گيت ڳائي ستل قوم جي ڪنن ۾ پنهنجي آواز جا پڙاڏا ٿي ورجايا سا حالت اڃان به قائم آهي ... اڄ به سندس ڪيل جدوجهد جو سفر جاري آهي .... ۽ اڄ به سرمد جو آواز سنڌ جي ڳلين، رستن ۽ کيتن ۾ گونجندو رهي ٿو ....​

​

سرمد جي روح جي راحت ته سنڌ جي آزادي، خوشحالي ۽ ترقي آهي . ۽ . سرمد جي روح کي خوش صرف ۽ صرف سنڌي ڏئي سگهن ٿا ... سنڌ جي سورن جي نجات ئي سرمد جي نجات آهي ...​

​

اي دوست سرمد! اڄ به تنهنجا گيت اسانجي چپڙن تي آهن ۽ قوم جا سور سيني ۾ سانڍيل آهن ....​

​

اي دوست تون پڪ سان رب العالمين جي ويجهو هوندين ۽ سنڌ جي لاءِ ويٺو ٻاڌائيندو هوندين ...​

​

سلام قبول پون اي دوست!!!​

 

مونکي ٻالڪپڻي جا ڏينهن اڄ به ياد آهن جڏهن مون پنهنجي اسڪول ۾ سرمد جي گيت ” ٻالڪ ٻالڪ هاري جو، ڪائنر اک ۾ ڪنڊو آ، ننڍڙي ننڍڙي هٿڙي ۾ ڳاڙهو ڳاڙهو جهنڊو آ۔“ تي ٽيبلو پيش ڪيو هئم ۔۔۔الا الا اهي سُر ، اهي آلاپ اڄ به روح کي ريجهايو وڃن، ڄڻ ته سرمد جو آواز اڄ به سنڌ جي مست هوائن ۾ پڙاڏو بڻجي گونجي رهيو آهي ۽ سُر راڻي جي آواز ۾ اڄ به چوندي نظر ٿو اچي ته ” راڻا تنهنجي راڄ ۾ مونکي چوڏهون چنڊ ڏٺو،، نه ڪي داڻو پيٽ ۾ الا۔۔۔۔۔۔۔ نه ڪي اکين ان ڏٺووو،، وڃي راڻي کي چئجوووو۔۔۔ووو ته مومل ! رات مري وئي۔۔ هو الا ووو الاا۔۔۔

سنڌ جي هن اربيلي قومي راڳي کي عظيم ڀيٽا پيش ڪيان ٿو۔

 

سرمد هڪ سچو قومي هيرو هيو ، سنڌ جو عاشق ۽ سهڻو ڳائڻو پڻ هيو ، اسين سندس سلام پيش ڪريون ٿا

 

سائين سرمد جو آواز روح جي اونهائي منجهان ، محبوب جي سڪ، ڇڪ، ۽ ساهه جي سٽ جهڙو آهي۔ الا الا

 

واهه واهه سائين اصل قرب ڪري ڇڏيا اٿو، سرمد جي آواز ۾ مولود شريف ونڊ ڪري۔ الله پاڪ اوهان کي ان جو اجر عطا ڪندو۔