1. سنڌ سلامت کي وڌيڪ هڪ سال هلائڻ لاءِ تعاون جي اپيل..!
    سنڌي ٻولي جي سڀ کان وڏي فورم کي وڌيڪ هڪ سال هلائڻ لاءِ سمورن دوستن ۽ احبابن کي تعاون جي گذارش ڪجي ٿي..وڌيڪ هڪ سال هلائڻ لاءِ سنڌ سلامت کي 60000 روپيه گهربل آهين ..وڌيڪ تفصيل لاءِ هن لنڪ تي اچو

    ٽارگيٽ: 60,000
    37500

اڙي ڄامشورا

'سنڌي شاعري' فورم ۾ مگسي طرفان آندل موضوعَ ‏24 اپريل 2009۔

  1. مگسي

    مگسي
    نئون رڪن

    شموليت:
    ‏17 اپريل 2009
    تحريرون:
    839
    ورتل پسنديدگيون:
    163
    ايوارڊ جون پوائينٽون:
    0
    ڌنڌو:
    IT Master
    ماڳ:
    ڪراچي

    اڙي ڄامشورا!
    اڙي ڄامشورا!
    ڪڏهن کان اسان لئه
    تو پٿر بڻيو آن.
    اسان جي حبيبن کي روئاڙي ڇڏيو اٿئي
    اسان جي ويرين کي کلائي ڇڏيو اٿئي.
    اڙي ڄامشورا!
    اڙي ڄامشورا!
    ڪڏهن کان تنهنجي پٿرن جي زبان به
    گونگي بڻي آ.
    ڪڏهن کان اسان لئه
    اذيتن جو سامان تو پيدا ڪيو آ.
    اڙي ڄامشورا!
    اڙي ڄامشورا!
    تو کي خبر آ
    تنهنجي پٿرن ۾
    ڪيئي الهڙ جوانيون
    پنهنجو جوڀن وڃائي ويون هن
    پنهنجن خوابن جا احساس،
    ۽ پنهنجي جوانين جون چاهتون
    تو مٿان واري ويون هن.
    اڙي ڄامشورا!
    اڙي ڄامشورا!
    اسان جي به من جون ڪٿائون
    جي تون ٻڌين ها،
    ته ڇا ٿي پوي ها.
    سکيء جي ٻانهن جون
    ڪچڙيون ۽ ڪومل وليون
    منهنجي تن تي جي وکريل رهن ها
    ته ڇا ٿي پوي ها .
    اڙي ڄامشورا!
    اڙي ڄامشورا!
    جي ڪنهنجي هٿن جون
    ريکائون ٿيان هان،
    ته ڇا ٿي پوي ها
    مان به ڪنهن کي جي چاهيان ها
    ۽ ڪوئي جو مون کي به چاهي ها
    ته ڇا ٿي پوي ها.
    اڙي ڄامشورا!
    اڙي ڄامشورا!
    ڪڏهن کان اسان لئه تون پٿر بڻيو آن
    ڪڏهن کان تو اسان کي
    پنهنجي هنج ۾ سمهارڻ ڇڏيو آ
    ڪڏهن کان اسان لئه تون اجنبي بڻيو آن.
    اڙي ڄامشورا!
    اڙي ڄامشورا!
     

هن صفحي کي مشهور ڪريو