غزل

[شيرين]

غزل​

اسان جي زندگي گذري، سدائين غم گذارن ۾،​

قسم آهي خدا جو پڻ، سنڌوءَ جي صرف سارن ۾.​

اسان آ غم الم پيتو، سدا آبي حياتين جان،​

اسان جو آشيانو هو صرف،عشقي منارن ۾.​

اوهانجي پيار ۾ هر دم، روحاني راڳ پئي ڇيڙيا،​

اسان جي درد جي ويڻا، وڳي پئي آبشارن ۾.​

اوهان جي حسن تي هرکي، ڀلائي سڌ سڄي ويٺس،​

اسان لئه هئي خزان هردم، گلابي گل و خارن ۾.​

اوهانجي روپ جو جادو،به جادو ڄڻ ته طلسم هو،​

اوهان جو حسن هو وينگس، سدائين ڪششدارن ۾.​