سنڌ مشهور ليکڪ شاعر ڊاڪٽر زوالفقار سيال جي شاعري جي ڪتاب اُجرا ماڻهو رستا ميرا جي حيدرآباد ۾ مهورت

سنڌ مشهور ليکڪ ڊاڪٽر ذوالفقار سيال جي ڪتاب اُجرا ماڻهو رستا ميرا جي مهورت سنڌي ادبي سنگت شاخ حيدرآباد پاران سنڌي لينگويج اٿارٽي هال حيدرآباد ۾ ٿي گُذري جنهن جي صدارتي پينل ۾ مانوارو سنڌي ليکڪ محترم تاج بلوچ، لاهور پنجاب کان ڪهي آيل ليکڪه رخشنده نويد، آپا مهرالنساءِ لاڙڪ، نياز پنهور هُئا. جڏهن ته ٻيا کوڙ سارا اديب ليکڪ ڏات دڻي سول سوسائٽي جا ڪافي خواتين ۽ حضرات هن ۾ شريڪ ٿيا..
دوستن کي سُڌُ ڏيندو هلان ته هن ڪتاب جي تصويري مهورت جي ڪوريج سنڌ سلامت جي ڊاٽ ڪام پاران ڪئي وئي آهي ۽ شايد ان کانپوءِ نثاراحمد ناز هاڻي ڪنهن به ادبي سماجي ۽ سياسي تقريب جي تصويري ڪوريج ڪڏهن به ڪونه ڪندو، مجبوري آهي.. هتي اسان جي سنڌي ادبي سماجي ۽ سياسي تقريبات جي تصويري ڪوريج ۽ شيئرنگ ڪرڻ جو منهنجو مقصد صرف اهو هوندو هو ته اهي اسان جا سنڌي ڀائر يا ڀينرون پنهنجي روزگار، پنهنجي پڙهائي جي سلسلي يا ڪنهن ٻي سبب جي ڪري مُلڪ کان ٻاهر يا سنڌ ۾ پروگرام واري هنڌ کان ڪافي پري رهندڙ سنڌي ڀائر ۽ ڀينرون انهن ادبي ، سماجي، شو بز وران پروگرام ۾ شريڪ ٿي نه ٿا سگهن انهن سمورن سنڌين کي فائدو ڏئي کين پاڻ سان گڏ شامل ڪري انهي پروگرامن ۾ تصويري ڪوريج ذريعي سئو فيصد شامل ڪري سگهجي. انهن کي ائين محسوس ٿئي جو هو هنن پروگرامن ۾ پاڻ ذاتي طور شريڪ آهن پر منهنجي انهي قومي ڪم کي به ڪافي دوست ناپسند ڪن ٿا. ۽ جڏهن مان عمر جي هن 53 هين سال ۾ سفر جون تڪليفون سهي انهن سمورن خوبصورت پروگرامن جي فوٽو گرافي سنڌ، سنڌي ماڻهن ۽ سنڌي ٻوليءَ جي واڌاري يا هٿي وٺائڻ لاءِ ئي ڪندو آهيان ته انهن پروگرامن ۾ تصويري ڪوريج ڪرڻ دوران ڪُجهه ماڻهو مون سان انتهائي بدتميزي سان پيش ايندا آهن. خير مونکي خود ڏُک پيو ٿئي ته منهنجا سنڌ ۾ يا سنڌ کان ٻاهر رهندڙ سنڌي ڀائر ۽ ڀينرون هاڻي منهنجي تصويري ڪوريج کي ڪڏهن ڪونه ڏسي سگهندا. دوستو جيجل سنڌ، سنڌي ماڻهن ۽ سنڌي ٻوليءَ سان منهنجو اُڻٽُٽ رشتو آهي تصويري ڪوريج به منهنجي ڌرتيءَ سان عشق جو هڪڙو عملي اظهار جو نمونو هوندو هو پر پر پر ....... .!!! مونکي اميد آهي ته منهنجا دوست منهنجي هن قومي ڪم کي تياڳڻ تي مونکي معاف ڪري ڇڏيندا. الله توهان کي سلامت رکي ، شال آباد هُجو آمين ثم آمين.
رپورٽ ۽ تصويرون : نثاراحمدناز سنڌ سلامت جو جهونو (سيڪريٽري سنڌي ادبي سنگت شاخ ٽنڊو محمد خان) سنڌي لينگويج اٿارٽي حيدرآباد سنڌ 30 ڊسمبر 2012 رات جا 11.
پيش آهن هي منهنجي هن تصويري ڪوريج جو فائنل تصويرون ڪوشش ڪندس ته ڊاڪٽر ذوالفقار سيل جي جي ڪتاب اُجرا ماڻهو رستا ميرا جو ڪوريج ٿيل سموريون تصويرون توهان سان ونڊ ڪري ڇڏيان

 

وڌيڪ تصويرون​

​

سنڌ سلامت جو جهونو نثاراحمدناز سنڌي ادبي سنگت مرڪز جي جوائينٽ سيڪريٽري آپا مهرالنسا لاڙڪ سان گڏ بيٺو آهي​

​

سنڌ سلامت جو جهونو نثارناز ڪتاب اُجرا ماڻهو رستا ميرا جي تخليق ڪار سائين ڊاڪٽر ذوالفقار سيال سان گڏ بيٺو آهي​

​

ٽنڊو محمد خان جو ليکڪ ڊاڪٽر محمد علي ماڻڪ ميمڻ پنهنجو تخليق ڪيل ڪتاب چنڊ اکين اندر جي اعزازي ڪاپي سنڌ مشهور شاعره ڪتاب عڪس گل جي تخليق ڪاره گل بِي بِي شاهه صاحبه کي ڏئي رهيو آهي​

​

سنڌ مشهور شاعر آغا جان آغا سوڀ اخبار جي شعبي ڏات جي انچارج محترم ساجد سنڌي سان گڏ بيٺو آهي​

​

محترم علي اظهار محترما گل بي بي شاهه ، نثاراحمد ناز ۽ امين لاکو​

​

آپا مهرالنسا لاڙ ڪ سان گڏ اردو ادب جي مشهور شاعره لاهور پنجاب کان ڪهي آيل محترمان رخشنده نويد سان گڏ بيٺي آهي​

​

سنڌ مشهور ليکڪه نسرين الطاف، سنڌ مشهور شاعره رضيه لغاري هڪ ٻي خاتون سنڌي ليکڪه سان ساٿ ساٿ​

​

ٻه سنڌي ليکڪائون​

​

سنڌ جو مشهور اديب محترم قاضي خادم ۽ سانئڻ مهرالنسا لاڙڪ صاحبه​

​

لاهور پنجاب کان ڪهي آيل مشهور شاعره رخشنده نويد سنڌ جي کاهوڙي ليکڪه جنهن ٻِٽي نظام جي خلاف ملندڙ صدارتي ايوارڊ برا حُسن ڪارڪردگي کي ٺوڪر هڻي ٺُڪرائي ڇڏيو محترما آپا مريم مجيدي سان گڏ​

​

 

ڀائو جادوگر تنهنجي سئو ڳالهين جي هڪڙي ڳالهه ته هاڻي مونکي هڪڙي ڪُنڊ ۾ ويهي الله الله ڪرڻ گهرجي۔ سو دنيا ڏسندي ته جهونو نثار ناز اهڙو آرامي ٿيندو جو ڳولهيندي به ڪنهن کي ڪونه ملندو۔

هُونه هِن پار آ هُو نه هُن پار آ​

ناز جي ڪا خبر ۽ نڪا چار آ،​

ڪو ته ڳولهي وڃِي ڪِٿِ کُٽا ٿس قدم،​

دلبرن جا ستم ڄڻ ته جيون ختم۔۔۔۔۔!​

 

دوست محمد سليمان وساڻ جون مهربانيون جو کين اسان جي هي رپورٽنگ ۽ تصويرون پسند آيون۔ ادا مجبوري انسان کي لاچار بنائي ڇڏيندي اهي سو مان ڀي ته انسان آهيان ان ڪري لاچاري ڏيکاري اٿم۔ باقي نثارناز کي ماڻهن جي پرواهه ڪانهي مونکي سنڌ ڌرتي جي خدمت ڪرڻي آهي سنڌي ماڻهن مٿان قرب وارڻا آهن سو انشاالله جهونو پنهنجي فرضن کي ڄاڻي ٿو ۽ پنهنجا فرض ضرور نڀائيندو۔

 

ڊاڪٽر ذوالفقار سيال جي ڪتاب ماڻهو اُجرا رستا ميرا واري ڪتاب جي مهورت تي ڳالهائڻ وارا۔​

​

سنڌ ڏاهو محترم تاج بلوچ ڪتاب اُجرا ماڻهو رستا ميرا جي مهورت جي موقعي تي پنهنجا ويچار ونڊي رهيو آهي​

​

لاهور پنجاب کان ڪهي آيل مشهور اردو شاعره محترما رخشنده نويد صاحبه ڊاڪٽر ذوالفقار سيال جي شخصيت تي ڳالهائي رهي آهي​

​

ڪتاب اُجرا ماڻهو رستا ميرا جو تخليق ڪار سائين ڊاڪٽر ذوالفقار سيال پنهنجي ڪتاب جي باري ۾ ڳالهائي رهيو آهي​

​

سنڌي ادبي سنگت سنڌ جي مرڪزي جوائينٽ سيڪريٽري آپا مهرالنسا لاڙڪ ڪتاب جي باري ۾ ويچار ونڊي رهي آهي​

​

سنڌ مشهور شاعره آپا مريم مجيدي ڪتاب اُجرا ماڻهو رستا ميرا تي ڳالهائي رهي آهي​

​

ڪتاب عڪس گُل جي تخليق ڪاره محترما گل بيبي شاهه ڪتاب اُجرا ماڻهو رستا ميرا تي مقالو پڙهي رهي آهي​

​

سنڌ مشهور ليکڪ محترم جمال ابڙو جي صاحبزادي نالو وسري ويو اٿم ڪتاب اُجرا ماڻهو رستا ميرا واري ڪتاب تي روشني وجهي رهي آهي​

​

محترم نياز پنهور ڪتاب اُجرا ماڻهو رستا ميرا جي مهورت تي ڳالهائي رهيو آهي​

​

سنڌ مشهور ليکڪ سائين انعام شيخ خطاب ڪري رهيو آهي​

​

سنڌي ادبي سنگت شاخ حيدرآباد جو سيڪريٽري هن مهورت واري تقريب جو ميزبان امين لاکو مهمانن جي آجيان ڪري رهيو آهي​