اڄوڪو ڏينهن پهرين جنوري تاريخ جي دري مان

سليمان وساڻ

مينيجنگ ايڊيٽر
انتظامي رڪن
لائيبريرين
اڄوڪي ڏينهن پهرين جنوري تي جنم وٺندڙ ۽ وڇڙندڙ مشهورشخصيتون

جنم ڏينهن:

1 جنوري 1888ع تي اعليٰ درجي جو عالم، مفتي ۽ شاعر، محمد قاسم ڳڙهي ياسيني ضلعي شڪارپور ۾ جنم ورتو.
1 جنوري 1901ع مذهبي اسڪالر مولانا عبدالله مري جي پيدائش ٿي.
1 جنوري 1901ع مزاحمتي شاعر عبدالڪريم گدائي جي پيدائش جو ڏينهن آهي.
1 جنوري 1902ع شاعر قاضي احمد ابڙو حاجن جو جنم ڏينهن آهي.
1 جنوري 1904ع تي پاڪستان جي اڳوڻي صدر چوڌري فضل الاهي جو جنم ڏينھن آهي.
1 جنوري 1914ع سگهڙ محمد خان ڪٽوهر جو جنم ڏينهن آهي.
1 جنوري 1915ع تي ليکڪ ۽ تاريخدان تاج بانو براهوئي ڳوٺ دين پور شريف تعلقي ۽ ضلعي شڪارپور ۾ علامه حاجي براهوئي دينپوري جي گهر ۾ جنم ورتو.
1 جنوري 1919ع شاعر ۽ تعليمدان ڊاڪٽر عطا محمد حامي جنم ڏينهن آهي.
1 جنوري 1921ع قانوندان، اديب، دانشور، سياسي ۽ سماجي شخصيت عبدالغفور ڀرڳڙي جو جنم ڏينهن آهي.
1 جنوري 1921ع لاڙڪاڻي جي اسڪالر، اديب ۽ محقق سيد محمود شاھ بخاري جو جنم ڏينهن آهي.
1 جنوري 1922ع مفتي محمد صالح ڀٽو جو جنم ڏينهن آهي.
1 جنوري 1924ع شاعر مولا بخش ساگر جو جنم ڏينهن آهي.
1 جنوري 1924ع ڪوٽڏجي جي مير عطا حسين ٽالپر جو جنم ڏينهن آهي.
1 جنوري 1925ع جيڪب آباد جي صحافي ۽ فريڊم فائيٽر رسول بخش شيخ جو جنم ڏينهن آهي.
1 جنوري 1925ع ليکڪ پروفيسر اڪرم انصاري جو جنم ڏينهن آهي.
1 جنوري 1925ع نامور عالم دين، مترجم، مصنف، مفڪر، اعليٰ پائي جي مقرر، فلسفي ۽ موٽيويشنل دانشور مولانا وحيد الدين خان جو جنم ڏينهن آهي.
1 جنوري 1925ع سياستدان مولانا جان محمد عباسي جو جنم ڏينهن آهي.
1 جنوري 1928ع تي شاعر سيد سردار علي شاھ ”ذاڪر“ ولد جعفر شاهه بخاري ڳوٺ ٻيرڙي تعلقي گهوٽڪي ۾ پيدا ٿيو.
1 جنوري 1930ع نامياري محقق، تاريخدان ۽ ماھر لسانيات ڊاڪٽر ميمڻ عبدالمجيد سنڌي جو جنم ڏينهن آهي.
1 جنوري 1933ع سنڌ جو ڪھنہ مشق شاعر شعبان بخت اصل نالو الله بخش ولد رسول بخش منگي جي ولادت ڪشمور ۾ ٿي.
1 جنوري 1934ع شاعر گل حسن گوپانگ شاد جو جنم ڏينهن آهي.
1 جنوري 1934ع سياستدان ۽ سنڌ جي اڳوڻي وزير اعلى سيد غوث علي شاھ جو جنم ڏينهن آهي.
1 جنوري 1935ع بدين جي مشهور اديب، شاعر، محقق ۽ نقاد محمد سومار شيخ جنم ڏينهن آهي.
1 جنوري 1935ع پيرڳوٺ جي شاعر، نقاد ۽ مترجم منير سولنگي جو جنم ڏينهن آهي.
1 جنوري 1936ع سنڌي ٻوليءَ جي وڏي ليکڪ لعل پشپ جو جنم ڏينهن آهي.
1 جنوري 1936ع نالي وارو شاعر گل حسن گل ٻرڙو، ولد محمد صالح ٻرڙو ڳوٺ بگودڙو ضلعي لاڙڪاڻي ۾ جنم ورتو.
1 جنوري 1937ع تعليمدان، عالم ۽ اديب حبيب الله صديقي پاٽائي جو جنم ڏينهن آهي.
1 جنوري 1937ع ليکڪ، شاعر ۽ اداڪار ڀڳوان ٽلواڻي جو جنم ڏينهن آهي.
1 جنوري 1937ع عبدالحق ابڙو ولد محمد خان ابڙو حيدرآباد ۾ ڄائو ادبي خدمتون اسٽيج، ريڊيو، ٽيليويزن ۽ فلم جو تمام وڏو اداڪار، صداڪار، سنڌي علم ادب، ثقافت ۽ موسيقي جو ڄاڻو هو.
1 جنوري 1940ع عالم ۽ اديب امام بخش شمس جو جنم ڏينهن آهي.
1 جنوري 1940ع خوبصورت شاعر غلام نبي غازي ولد رحيم ڏنو ميمڻ شھر ميرپور ٻرڙو تعلقي ٺل، ضلعي جيڪب آباد ۾ پيدا ٿيو.
1 جنوري 1942ع سياستدان علي نواز شاھ جو جنم ڏينهن آهي.
1 جنوري 1943ع تي شاعر سالڪ سولنگي اصل نالو محمد بخش ولد رسول بخش سولنگي لاڙڪاڻي ۾ جنم ورتو.
1 جنوري 1944ع سياستدان ظفر الله خان جمالي جو جنم ڏينهن آهي.
1 جنوري 1944ع نامور محقق جيئل اوڏ جو جنم ڏينهن آهي.
1 جنوري 1944ع مشھور فنڪار ۽ شاعر اداسي الھبچايو زنئور جو جنم ڏينهن آهي.
1 جنوري 1945ع صوفي شاعر فقير غلام صديق ابڙو ڳوٺ اگھم تعلقي رتوديرو ۾ جنم ورتو.
1 جنوري 1946ع اسٽيج فنڪار استاد قلندر بخش ڪلو ولد دوست محمد سيال لاڙڪاڻي شھر ۾ جنم ورتو.
1 جنوري 1949ع فنڪار استاد انور علي سانگي جو جنم ڏينهن آهي.
1 جنوري 1949ع سياستدان ارباب حاجي عبد الله جو جنم ڏينهن آهي.
1 جنوري 1950ع سياستدان عبدالسلام ٿهيم جو جنم ڏينهن آهي.
1جنوري 1950ع تي مقبول شاعر عبدالخالق عبد ڳوٺ شورڻ ضلعي ڪڇي ۾ پيدا ٿيو.
1جنوري 1950ع اردو جي نامور شاعر راحت اندوري جو جنم ڏينهن آهي.
1 جنوري 1951ع باليووڊ اداڪار نانا پاٽيڪر جو جنم ڏينهن آهي.
1 جنوري 1951ع باليووڊ ڪهاڻيڪار ۽ ناول نگار ملڪ آگاڻي جو جنم ڏينهن آهي.
1 جنوري 1952ع مشھور ڪامورو عبدالستار ڏيرو ڳوٺ غلام حيدر ڏيرو تعلقي قنبر ضلعي لاڙڪاڻي ۾ پيدا ٿيو.
1 جنوري 1952ع شاعر صوفي بخش علي سھتو ڳوٺ لونگ خان سھتو ۾ پيدا ٿيو.
1 جنوري 1953ع تعليمدان ڊاڪٽر سيد انور علي شاھ جو جنم ڏينهن آهي.
1 جنوري 1954ع ناليواري اسڪالر ڊاڪٽر محمد قاسم ٻگهيو جو باڊهه ۾ جنم ٿيو.
1 جنوري 1957ع ڦلجي اسٽيشن سان تعلق رکندڙ شاعر، ليکڪ،صحافي ۽ سماجي ڪارڪن ڊاڪٽر قربان علي جهتيال جو جنم ڏينهن آهي.
1 جنوري 1957ع تي شاعر ۽ اديب حميد پارس. ڳوٺ گاهي خان جلباڻي لڳ خانواهڻ، تعلقي ڪنڊياري، ضلعي نوشھري فيروز ۾ جنم ورتو.
1 جنوري 1958ع سياستدان ارباب عطاء الله جو جنم ڏينهن آهي.
1 جنوري 1958ع ليکڪ، اديب، پبلشر، مترجم ۽ لطيفيات جي ماهر نور احمد ميمڻ جو جنم ڏينهن آهي.
1 جنوري 1960ع صحافي، ليکڪ ۽ ترقي پسند شبير لاشاري جو جنم ڏينهن آهي.
1 جنوري 1960ع شاعر ۽ ريڊيو ڪمپيئر ڪامل امداد جتوئي، ڳوٺ ستار ڏنو سانگي ضلعي لاڙڪاڻي ۾ جنم ورتو.
1 جنوري 1960ع سماجي ورڪر ۽ سگا جي سرگرم ميمبر اسماعيل پنهور جو جنم ڏينهن آهي.
1 جنوري 1963ع محقق ۽ اديب موهن لعل پريمي جو جنم ڏوڪري شھر ضلعي لاڙڪاڻي ۾ ٿيو.
1 جنوري 1963ع ڪالم نگار، خاڪا نويس ۽ تجزيا نگار ارشاد احمد آدرش شيخ جو جنم ڏينهن آهي.
1 جنوري 1964ع شاعر ۽ محقق احمد سلطان کوسو لاڙڪاڻي ۾ جنم ورتو.
1 جنوري 1964ع قومي شاعر زاهد شيخ اصل نالو حاڪم علي شيخ ڳوٺ شاھ لڌاڻي ضلعي خيرپور ميرس ۾ جنم ورتو.
1 جنوري 1964ع ادبي کيتر ۾ شاعر طور ضمير سھتو داخل ٿيو. هن هنڱورجه شھر جي ڏکڻ طرف ڳوٺ رڪراڻي ۾ جنم ورتو.
1 جنوري 1965ع ليکڪ انور ابڙي جو جنم ڏينهن آهي.
1 جنوري 1965ع اداڪار اسماعيل چانڊيي جو جنم ڏينهن آهي.
1 جنوري 1966ع اديب، ڊراما نگار ۽ ڪھاڻيڪار علي راز شر جو جنم ڏينهن آهي.
1 جنوري 1967ع شاعره ناياب سرڪش سنڌيءَ جو جنم ڏينهن آهي.
1 جنوري 1968ع شاعر علي حسن ولد عبدالقادر منگي ماٿيلو مومل جي ماڙي گهوٽڪي ۾ جنم ورتو.
1 جنوري 1968ع مشهور فنڪار استاد غـلام شبـيـر سمون جو جنم ڏينھن آھي.
1 جنوري 1969ع اديب، محقق، نقاد، پبلشر ۽ ايڊيٽر ڊاڪٽر دين محمد ڪلهوڙو ولد محمد پناھہ تعلقي قنبر جي ڳوٺ ڀاوند لاکا ۾ ڄائو.
1جنوري 1969ع نامياري شاعر، ناول نگار ۽ ڪھاڻيڪار رسول ميمڻ جو جنم ڏينهن آهي.
1 جنوري 1971ع راڳي الطاف سمون جو جنم ڏينهن آهي.
1 جنوري 1971ع مشهور فنڪار شمن علي ميرالي جو جنم ڏينهن آهي.
1 جنوري 1972ع شاعر ۽ مترجم راج راڄپر جو جنم ڏينهن آهي.
1 جنوري 1972ع ڪمپيوٽنگ ۽ سنڌي فونٽس جو ڪم ڪندڙ شبير ڪنڀار جو جنم ڏينهن آهي.
1 جنوري 1974ع سياستدان امداد علي پتافي جو جنم ڏينهن آهي.
1 جنوري 1974ع شاعر، ڪهاڻيڪار ۽ ڪالم نگار بلوچ صحبت علي جو جنم ڏينهن آهي.
1 جنوري 1974ع قومپرست اڳواڻ، ذوالفقار ڪولاچي لاڙڪاڻي ضلعي جي شھر باڊھ ڀرسان سيهڙ اسٽيشن ڳوٺ ۾ الهڏني ڪولاچيءَ جي گهر ۾ جنم ورتو.
1 جنوري 1974ع شاعر ڪھاڻيڪار ۽ ڪالم نگار محبت علي بلوچ اصل نالو محبت علي لنڊ دادو شھر جي ڇاڻي (شاهه آباد) محلي ۾ پيدا ٿيو.
1 جنوري 1974ع شاعر گوهر شيخ اصل نالو علي گوهر شيخ محمد ايوب شيخ جي گهر گمبٽ ۾ جنم ورتو.
1 جنوري 1975ع شاعر، ليکڪ ۽ سماجي ورڪر منظور اڄڻ جو جنم ڏينهن آهي.
1 جنوري 1975ع باليووڊ اداڪاره سونالي باندري جو جنم ڏينهن آهي.
1 جنوري 1976ع سياستدان پير احمد رضا شاھ جيلاني (راڻيپور) جو جنم ڏينهن آهي.
1 جنوري 1976ع ليکڪ، ڪالم نگار ۽ پروفيسر محمد ابراهيم لاشاري ڳوٺ ميد شھيد تعلقي وارهه ۾ جنم ورتو.
1 جنوري 1978ع باليووڊ اداڪاره وديا بالن جو جنم ڏينهن آهي.
1 جنوري 1978ع ناليواري شاعر پياسي نظر چانڊيي جو جنم خيرپور ناٿن شاھ ضلعي دادو ۾ ٿيو.
1 جنوري 1978ع شاعر وفا حاڪم وساڻ ولد مستي خان وساڻ ڳوٺ نواب وساڻ ۾ جنم ورتو.
1 جنوري 1978ع شاعر ملهار سنڌي اصل نالو محمد ڇٽل ولد دودا خان بوزدار رتوديرو ۾ جنم ورتو.
1 جنوري 1978ع ليکڪ خالد آزاد، ڳوٺ مسو ڀرڳڙي ڀرسان ڳوٺ جلال وگهيي، تعلقي حيدرآباد ۾ جنم ورتو.
1 جنوري 1979ع شاعر الطاف حسين خواجا جو جنم ڏينهن آهي.
1 جنوري 1979ع شاعره عائشہ ميمڻ جو جنم ڏينهن آهي.
1 جنوري 1979ع شاعر، اديب ۽ پبلشر مور ساگر جوڻيجو جو جنم ڏينهن آهي.
1 جنوري 1986ع گلوڪاره ممتاز ڪنول جو جنم ڏينهن آهي.
1 جنوري 1988ع شاعر، ڪھاڻيڪار ۽ ڊراما نويس بابر علي جاگيراڻي جو جنم ڏينهن آهي.

وڇوڙو:

1 جنوري 1937ع تي مزاحيہ اداڪار رنگيلو اصل نالو محمد سعيد خان، ننگر هارا افغانستان ۾ جنم ورتو.
1 جنوري 1964ع شڪارپور سان تعلق رکندڙ مولانا الاهي بخش اعواڻ لاڏاڻو ڪري ويو.
1 جنوري 1967ع ٿرپارڪر سان تعلق رکندڙ شاعر مولانا احمد علي مجزوب لاڏاڻو ڪري ويو.
1 جنوري 1981ع شاعر مرزا علي محمد بيگ مظفر جي وفات ٿي.
1 جنوري 2019ع ناميارو اسڪالر، ترقي پسند اديب ۽ سياستدان ظفر اڄڻ وڇڙي ويو.

واقعا:

42 ق م – رومي سينٽ جوليس سيزر کي پنهنجي خدا جو درجو ڏنو۔
45 ق م – جوليان ڪيلينڊر رومي عوامي ڪيلينڊر تي اثر وجهندي 1 جنوري کي سال جو پهريون ڏينهن قرار ڏنو۔
153 ق م – رومي ڪائونسل دفترن ۾ نئين سال جو آغاز ڪيو.
1899ع – ڪيوبا تان اسپيني تسلط جو خاتمو ٿيو.
1906ع – برطانوي هندستان ۾ معياري وقت جو نفاذ عمل ۾ آيو.
1923ع – حڪومت برطانيہ علامہ اقبال کي سر جو خطاب ڏنو.
1945ع – فرانس جي گڏيل قومن جو رڪن ٿيو.
1948ع – هندستان جي ورهاڱي کان بعد ڀارت پاڪستان کي واجب الادا پنج سو پنجاھ ملين روپيا ڏيڻ کان انڪار ڪري ڇڏيو.
1949ع – آغا شورش ڪاشميري لاهور کان هفتيوار ”چٽان“ جاري ڪيو.
1956ع – سوڊان ۾ مصر ۽ برطانيہ جي گڏيل راج جو خاتمو آيو.
1960ع – اسوان بند جي تعمير جو آغاز ٿيو۔
1960ع – ڪيمرون کي آزادي ملي.
1983ع – ارپانيٽ باضابطہ طور تي انٽرنيٽ پروٽوڪول(انٽرنيٽ) ۾ تبديل ٿي.
1985ع – انٽرنيٽ جو ڊومين نالو سسٽم تخليق ڪيو ويو.
1985ع – برطانيہ ۾ موبائل فون جي پهرين ڪال ووڊا فون سان ملائي وئي.
1992ع – متحده قومي موومينٽ جي باني ۽ اڳواڻ الطاف حسين برطانيہ جي شهر لنڊن ۾ جلا وطني اختيار ڪري ورتي۔
1998ع – رفيق تارڙ پاڪستان جو صدر منتخب ٿيو۔
2007ع – بلغاريہ ۽ رومانيہ جي يورپي يونين ۾ شموليت اختيار ڪئي.
2014ع – لٽويا سرڪاري طور تي يورو ڪرنسي کي اپنايو اور ارڙهون يوروزون ملڪ بڻجي ويو.

حوالا:

ڊاڪٽر در محمد پٺاڻ
روزانہ ڪاوش
انسائيڪلوپيڊيا سنڌيانا
وڪيپيڊيا
سنڌ سلامت ڊاٽ ڪام
 
آخري ترميم:
پهرين جنوري تي 95 دوستن جي فيسبوڪ تي سالگرهه هئي، اهڙي طرح مشهور شخصيتن جي به هڪ وڏي لسٽ آهي۔ دوست ذيشان رشيد چوي ٿو ته اهو استادن جو ڪمال آهي۔
 
جي دوست سليمان بلڪل۔۔۔ پرائمري اسڪول جا استاد ٻار جي والدين کان عمر جو سرٽيفڪيٽ وٺڻ جي تڪليف ئي نه ڪندا آهن۔۔۔ بلڪه خانه پوري ڪندي نئين سال جو پهريون ڏينهن ئي جنم تاريخ لکندا آهن۔۔۔ منهنجي ننڍڙي جي به جڏهن غلط تاريخ لکين ته ان کي تبديل ڪرائڻ لاءِ مون کي ڪافي جتن ڪرڻا پيا۔۔۔ تان جو پيدائش جو سرٽيفڪيٽ يونين ڪائونسل ۽ نادرا کان وٺي ڏيڻو پيو۔۔۔
جيڪڏهن استادن جون اهڙيون مهربانيون نه هجن ها ته سنڌ سلامت تي پهرين تاريخ تي دوستن جي سالگراهن جي هيڏي لسٽ نظر ڪٿان اچي ها۔۔۔:)

ibvWB1CnoZlA6W.png
 
viewer

عبدالڪريم گدائي سنڌ جو بهترين شاعر، ڪريم آباد، تعلقي ٺل ۾ پهرين جنوري 1901ع ۾ پيدا ٿيو. گدائيءَ جي تعليم سنڌي فائنل هئي. هن دنيا ۾ روزي روٽيءَ جي بندوبست لاءِ ڪلارڪ، سپاهي ۽ صحافي جهڙا مختلف فرض سرانجام ڏانا. سندس ٽي شاديون ٿيون. اولاد ۾ ٻه پٽ ٻه نياڻيون هيون. سندس مشهور تصنفون، ”خان ڳڙهه کان جيڪب آباد تائين“، ”پيماني تي پيمانو“، ”ساڻيهه جا سور“، ”پکڙا ۽ پنهوار“ شامل آهن، ان کان علاوه ڪيئي فيچر، ڪهاڻيون ۽ اسٽيج ڊراما پڻ لکيل آهن. سندس وفات 28 جنوري 1978ع ۾ ٿي ۽ آخري آرامگاهه افضل بابا قبرستان جيڪب آباد ۾ آهي.
عبدالڪريم گدائيءَ جو گهريلو نالو ”بگو“ هو. اسڪول ۾ سندس نالو عبدالڪريم لاشاري لکرايو ويو. گدائي 1911ع ائنگلو ورنيڪيولر اسڪول ۾ داخل ٿيو ۽ 1916ع ۾ پنج درجا پاس ڪري سکر جي هاءِ اسڪول ۾ داخل ٿيو. اهڙي طرح 1920ع ۾ فائنل جو امتحان ٺل جي سنڌي اسڪول مان پاس ڪيائين.
سندس پهرين نوڪري پوليس ۾ ننڍي منشي واري رهي. جڏهن شاعري شروع ڪيائين ته پنهنجي لاءِ تخلص ”گدائي“ جو انتخاب ڪيائين. گدائي صاحب پنهنجي هڪ تصنيف ۾ لکي ٿو، ”جڏهن آئون 1920ع ڌاري پوسٽ آفيس شڪارپور ۾ ڪلارڪ هوس، تڏهن جليانوالا باغ جي واقعي خلاف احتجاجي ڏينهن ملهايو ويو. منهنجي دل ڪانگريس طرف ڇڪجي ويئي. گدائي شروعات ۾خلافت تحريڪ کان متاثر هو پر پوءِ جوش ۾ نوڪري ڇڏي وڃي ڪانگريس ۾ شامل ٿيو. 1925ع ڌاري سندس شاعري سنڌو ۽ ٻين هفتيوار اخبارن ۾ شايع ٿيڻ لڳي. پر سندس شاعري جو حقيقي دور هندستان جي ورهاڱي کان پوءِ شروع ٿئي ٿو. گدائي صاحب لکي ٿو، ” 1947ع کان پوءِ آزادي وارو خواب شرمندءِ تعبير رهجي ويو، اسين سنڌي پنهنجي ئي وطن ۾ بي وطن ٿي وياسون. امنگون ۽ اميدون پائمال ٿي ويون. تڏهن کان شاعري موجوده موڙ اختيار ڪيو.“
گدائي صاحب جو شروعاتي ڪلام هفتيوار پيغام، صداقت، سنڌو، سنڌ زميندار، روزانه الوحيد ۾ شايع ٿيندو رهيو. پاڻ 1952ع ۾ سنڌ هاري ڪاميٽي ۾ شامل ٿيو. ان دوران گدائي صاحب مقامي اخبارن صبح سنڌ، ستاره سنڌ، فرنٽيئر گزيٽ، انقلاب، امروز ۽ مجاهد جو ايڊيٽر به رهيو.
گدائي جي شاعري سنڌ سان پيار ۽ انسيت جو مظهر آهي. سندس نالو سنڌ جي ترقي پسند شاعرن جي فهرست ۾ ڳڻيو وڃي ٿو.
گدائي جي شاعري مان چونڊ ٽڪرا نموني طور هيٺ ڏجن ٿا. * سفر زندگي جو ڪٺن هو گدائي بهر طور گذريو گذاري ڇڏيوسين.* خبردار هاري جو ڀوتار آيا پراڻا شڪاري کڻي ڄار آيا.
* اڄ به ساري رات، رنو ويٺي مارئي سارو ملڪ ملير جو آيو واڳن وات ڪڍي ڪوئي ڪات، ماري مانگر مڇ کي.
* نه اٽو جنهن کي، نه اجهو ميسر نه ٻارن کي چولو، نه عورت کي چادر نه پنهنجي بدن تي لنگوٽي برابر نه ڪوسيءَ ٿڌيءَ ۾ ڪو پيرن ۾ پادر.
* آ واٽ تي ڪاري ٻاٽ اگر پر پنهنجي رت جو تيل ڏيئي هر موڙ مٿان آزادي جي هڪ مشعل ٻاري وينداسين.
گدائي صاحب جي هڪ اردو غزل جو بند: * ڪب رها غافل مين تيري ياد سي افترا هي، جهوٽ هي، الزم هي.
بشڪريه وڪيپيڊيه
 

8412_459586150779018_908097748_n.jpg



سائين در محمد صاحب ۽ سليمان وساڻ صاحب جي هي محنت به قابل تعريف آهي، در محمد صاحب اسان جي سنڌي ٻولي جو هڪ بهترين جاکوڙي عالم اديب آهي، جنهن جي سوانح تي ته اسان جو دوست محترم سليمان وساڻ صاحب ڪم ڪري چڪو آهي، جيڪا هيٺ پيش ڪجي ٿي،

ڊاڪٽر در محمد پٺاڻ سنڌ جي هڪ علمي، ادبي شخصيت۔محمد سليمان وساڻ
سنڌ جي ناليواري، ليکڪ، محقق، تاريخدان، شاعر، ڪهاڻيڪار، ڊرامه نگار، مترجم، ڪالم نگار ۽ تعليمدان ڊاڪٽر در محمد پٺاڻ کي سندس جنم ڏينهن تي واڌايون پيش ڪجن ٿيون.

ڊاڪٽر در محمد پٺاڻ جو جنم 25 مئي 1945 ع تي خير محمد آريجا تعلقو ڏوڪري ضلعي لاڙڪاڻي ۾ ٿيو۔ پاڻ 1971 ۾ بي ايڊ، 1972 ۾ ايم اي سنڌي ادب ۾، ۽ 1979ع ۾ سنڌ يونيورسٽي مان ”ڪراچي جو سنڌي ٻولي ۽ علم ادب جي ترقيءَ ۾ حصو “ جي عنوان تي اپي ايڇ ڊي جي ڊگري حاصل ڪئي۔۔۔۔۔۔۔۔۔۔۔۔۔۔۔۔۔۔ وڌيڪ تفصيل پڙهڻ لاء هت ڪلڪ ڪندا۔
 
مانوارو سائين ڊاڪٽر درمحمد پٺاڻ صاحب . ادا محمد سليمان وساڻ صاحب سنڌ سلامت جي دوستن جي مهرباني سان تاريخ جي دري مون پڻ پنهنجي وس آهر ڪافي شخصيتن بابت معلومات ڏيڻ جي ڪوشش ڪئي آهي. مون کي اها خبر ناهي ان مان دوستن کي چڱي ڄاڻ ملي يا نه ؟ بهرحال مون کي وڏي ڄاڻ حاصل ٿي جا فيس بڪ ء هن سائيٽ تي شيئر ڪئي آهي.
سال 2014 خير سان پورو ٿيو .
 
جي دوست سليمان بلڪل۔۔۔ پرائمري اسڪول جا استاد ٻار جي والدين کان عمر جو سرٽيفڪيٽ وٺڻ جي تڪليف ئي نه ڪندا آهن۔۔۔ بلڪه خانه پوري ڪندي نئين سال جو پهريون ڏينهن ئي جنم تاريخ لکندا آهن۔۔۔ منهنجي ننڍڙي جي به جڏهن غلط تاريخ لکين ته ان کي تبديل ڪرائڻ لاءِ مون کي ڪافي جتن ڪرڻا پيا۔۔۔ تان جو پيدائش جو سرٽيفڪيٽ يونين ڪائونسل ۽ نادرا کان وٺي ڏيڻو پيو۔۔۔
جيڪڏهن استادن جون اهڙيون مهربانيون نه هجن ها ته سنڌ سلامت تي پهرين تاريخ تي دوستن جي سالگراهن جي هيڏي لسٽ نظر ڪٿان اچي ها۔۔۔:)

ibvWB1CnoZlA6W.png
هن دفعي لسٽ ڪجهه وڌيڪ ڊگهي ٿي وئي آهي ۽ 207 ميمبرن جون سالگره آهن

iQ0VggWVDpeXe.png
 
انتظامي رڪن طرفان آخري ترميم:
Back
Top