سائين احمد مخدوم صاحب ڀلي ڪري آيا ... سنڌ سلامت جا دوستو، اسانجا ڀاڳ ڀلا جو اڄ اسانجي اڱڻ تي سائين احمد مخدوم صاحب جن ڦيرو پاتو آهي ... سندن جا لک لائق، سائين مخدوم صاحب جو سمورو خاندان سنڌ ۽ سنڌي ٻوليءَ جي واڌاري لئه پاڻ پتوڙيندو رهيو آهي ... هن خاندان جا سڀ ڀاتي ... سنڌي قوم جو سرمايو آهن ... اسين سڀ سنڌ سلامت جا دوست سندس هن ڦيري پائڻ تي لک ٿورائتو آهيون ۽ اميد ته هو اسانجي هن اوطاق تي پنهنجي قرب جا قدم پيا گهمائيندا ۽ اسانجي رهنمائي ڪندا رهندا ... ٿورا ناهن ٿورا مونتي ماروئڙن جا ... sindhsalamatsaathsal
پيارا سائين نثار ابڙو سان گڏ نثار ناز سميت سنڌ سلامت جي سموري سٿ توهان کي پنهنجي دل جِي گهرائين سان ڀليڪار چئي ٿي۔۔۔۔۔۔۔۔۔۔۔۔۽ ادا نثار ابڙو کي گُذارش آهي ته سائين جن جو تعارف ڪجهه تفصل سان ڪرائين ته سندن نوازشون ٿينديون۔۔۔۔۔۔
ادا نثار ناز سائين هونئن ته آءُ چاهيندس ته سائينءَ جن پنهنجو تعرف پاڻ ڪرائن پر تنهن هوندي به آءُ ڪافي عرصي کان سائينءَ جن کي سندس ڀاءُ خالد مخدوم جي معرفت سڃاڻان جو جڏهن آءُ سائين خالد ۽ سائين مرحوم انور پيرزادي صاحب جن سان گلشن حديد ڪراچيءَ ۾ سنڌ ۽ سنڌيت تي ڪچهريون ڪندو هوس ته سائين احمد ۽ سانئڻ ثريا مخدوم ( سنڌي ورلڊ ڪانگريس جي روح روان) جو ذڪر پيو ٿيندو هو ... سائين احمد مخدوم صاحب جن ان وقت سنگاپور ۾ رهندا هئا ... ۽ سانئڻ ثريا مخدوم صاحبه، سائين خالد ۽ احمد مخدوم جي ڀيڻ آهي ۽ هن وقت برطانيا ۾ آباد آهي ... سائين احمد مخدوم صاحب جن جي هي ليک پڙهن ته مهرباني ڪري دوستن سان پنهنجو مختصر ئي سهي تعرف ضرور ڪرائن ...
