دوستن جي خواهش تي مون سائين احمد مخدوم صاحب کي عرض ڪيو هو ته پاڻ پنهنجو تعرف ڪرائن ... اڄ صبح سان سندن هڪ ميل ملي آهي جنهن ۾ پاڻ سنڌي نه لکي سگهڻ جي مجبوري ڏيکاري اٿن ۽ هڪ مختصر تعرف انگريزيءَ ۾ موڪليو اٿن ... جنهنکي آءُ ڪوشش ڪري سنڌيءَ ۾ پيش ڪريان ٿو ... نالو؛ ڊاڪٽر احمد مخدوم پيءُ جو نالو؛ عبد الولي مخدوم ڄم جي تاريخ؛ 14 آڪٽوبر 1945 ع (عمر 63 ورهيه) پيدائشي هنڌ؛ درٻيلو، ضلع نوشهروفيروز سنڌ رزق جو وسيلو؛ تعليم ۽ تربيت ڪم؛ پروفيسر، سامونڊي علم ۽ تحقيق، سفري علم ۽ وسيلن جي کوجنا هنڌ؛ سنگاپور ۽ مليشيا منهنجو نعرو؛ انسانيت، سنڌيت، وحدانيت منهنجا شوق؛ تحقيق، سفر، صوفيت، عقيدن تي بحث، قومي شخصيتن جو مطالعو، سنڌ ۽ سنڌيت بابت هر شئي جو مطالعو، قديم تهذيبن جو مطالعو، انساني حقن جي پاسداري، غربت خلاف جهاد، عورتن جا حق ... منهنجو نظريو؛ خوشحال، صحتمند ۽ طاقتور سنڌ
سائين اسان محترم احمد مخدوم صاحب کي سنڌ سلامت ۾ دل جي گهراين سان ڀليڪار چئون ٿا۔۔۔ ٻيو ته منهنجي لاءِ وڏي فخر جي ڳالهه آهي ته مان به بنيادي طور تي انهيءَ ڳوٺ درٻيلو جو آهيان، جتي سائين جن پيدا ٿيا۔۔ درٻيلو ۾ مخدوم خاندان واقعي هڪ منفرد حيثيت رکي ٿو، علم ۽ ادب لاءِ سندن خدمتون ڪنهن کان به ڳجهيون نه آهن۔۔۔
ادا اسد مير جت عرف ڄامشورائي، اڄ اوهانجو تعرف پڙهيوسون، خوشي ٿي ته اوهان جهڙا علمي ۽ هنري دوست اسانجي ساٿ ۾ آهن ... دولتمند ماڻهون اهو آهي جنهن جا دوست سٺا هجن ۽ اهڙا دوست هجن جي علمي ۽ عقلي کوٽ کي پورو ڪندا هجن ته ان جهڙا قيمتي دوست ته ڪي ٿيندا ئي ڪونه ... اوهان جهڙن دوستن مان پڻ اها ئي اميد آهي ته اسانجي علمي کوٽ ۾ واڌارو ڪندا ۽ عقلي دولت ۾ اضافي جو سبب ٿيندا ... رب العالمين اوهانکي پنهنجي پناه ۾ رکي ۽ اوهانجون منزلون آسان ڪري ... آمين
سائين توهان جهڙن سينيئر شخصيتن جا اسين ٿورائتا آهيون، جنهن جي ڪري اسين سنڌ واسي دنيا جي ڪنڊ ڪڙڇ مان ايندڙ پنهنجي سنڌي ڀائرن سان ملي سگهون ٿا۔۔۔ سچ پڇو ته هن فورم واقعي به آن لائن سنڌي اوطاق جي لفظ کي حقيقت جو روپ بخشيو آهي۔۔۔ جتي اسين سمورا سنڌي هڪ ٻئي سان ڏک سک ونڊي سگهون ٿا ۽ هڪ ٻئي سان ڪيتريون ئي قيمتي ڳالهيون ونڊ ڪري سگهون ٿا ۽ ٻيو ته ڪيتريون ئي نيون شيون هتي سکڻ لاءِ ملن ٿيون۔
ڀلا ڀاڳ اسان جا جو سائين احمد مخدوم صاحب جن اسان جي سٿ ۾ شامل ٿيا آهن۔۔۔ سائين نثار صاحب هاڻي سائين جن کي ڪو آسان ۽ تڪڙو طريقو ٻڌايو ته جيئن اسان به سائين جي آندل لکڻين مان لاڀ حاصل ڪري سگهون ۔۔۔۔ مهرباني
