سائنسزمين ڇڏي انسان ڪيڏانهن وڃي سگهي ٿو!؟ 1655 اٽيچمينٽ ڏسو 1655 اٽيچمينٽ ڏسو 1655 اٽيچمينٽ ڏسو 1656 اٽيچمينٽ ڏسو 1654 اٽيچمينٽ ڏسو زمين تي رهي ڪري اوهان پنهنجي ڀرپاسي جيڪي ڪجهه ڏسي رهيا آهيو، اهو سڀ ڪجهه ڪائنات ناهي. اسان جي ڪائنات اسان جي خيال ۽ سوچ کان به وڏي آهي.سائنس ٻڌائي ٿي ته ايندڙ ڪائنات ان ڪل ڪائنات جو هڪ حصو آهي، جنهن بابت اڄ جو انسان ڪجهه نٿو ڄاڻي. اسان جي ڌرتي ته ان ڪائنات ۾ هڪ ننڍو ذرو آهي. اوهين جيڪي ستارا ڏسو ٿا، چنڊ ۽ سج به ڏسو ٿا سي سڀ اسان جي ڪائنات جو حصو آهن.اسان جي ڪائنات ۾ ڪي ستارا، اهڙا به آهن، جن کي پنهنجي روشني آهي ۽ اهي پنهنجي روشني جي ڪري رات جو نظر اچن ٿا پر اصل ۾ اهي ستارا ڏينهن جو به چمڪندا آهن. اسان کي ڏينهن جو چمڪندي ان ڪري نظر نه ايندا آهن جو سج جيڪو پڻ هڪ ستارو آهي، پنهنجي تيز روشني سان سڄي دنيا کي منور ڪري ٿو ۽ آسمان ۾ چمڪندڙ ٻيا ستارا چمڪندي نظر نهن ٿا اچن.اسان جي شمسي نظام ۾ ڪل نو سيارا آهن، جي پنهنجي دائري تي اصولن ۽ ضابطن جي تحت چڪر هڻي رهيا آهن. ڪي سيارا هڪ ٻئي جي چوڌاري پڻ چڪر هڻن ٿا.شمسي نظام جي انهن نون سيارن جهڙا ٻيا لکين شمسي نظام هن ڪائنات ۾ موجود آهن.اسان جي پنهنجي شمسي نظام ۾ هر سياري جي پنهنجي حقيقت آهي ڪي سيارا نهايت گرم ته وري ڪي نهايت ٿڌا آهن. ڪن سيارن وٽ هڪ ڏينهن زمين جي 50 ڏينهن جي برابر آهي ته ڪن جي هڪ رات زمين جي 15 راتين جي برابر آهي.سوال اهو ٿو پئدا ٿئي ته انسان انهن سڀني سيارن مان رڳو زمين تي ڇو وجود ورتو. دراصل ڳالهه هي آهي ته انسان کي رهڻ لاءِ آڪسيجن گرمي (مناسب) ۽ پاڻي گهرجي. هيل تائين ڪل تحقيق مان ثابت ٿيو آهي ته زمين اهو واحد سيارو آهي، جنهن تي مناسب گرمي، پاڻي ۽ آڪسيجن موجود آهي جنهن جي ڪري اسان جو گهر به ان جي ڀيٽ ۾ ٻين سيارن تي يا ته گهڻي گرمي هئڻ آهي يا وري گهڻي سردي ۽ رات جي ڊگهي هئڻ ۽ ڏينهن جي مها ڊگهي هئڻ جو به هڪ عنصر آهي.زمين تي رهڻ جي باوجود به اوهان ڏٺو هوندو ته سائنسدان ٻين سيارن تي ڪروڙين رپيا خرچ ڪري وڃي رهيا آهن. ان جو سبب هي آهي ته آبادي ۾ واڌ جي ڪري زمين جي معدنيات ختم ٿي رهي آهي. ڪاربان ۾ واڌ ۽ آڪسيجن ۾ کوٽ به اچي رهي آهي. خيال آهي ته مستقبل ۾ انسان کي هي ڌرتي ڇڏڻي پوندي، تنهن جي ڪري سائنسدان ڪنهن اهڙي سيارن جي ڳولا ڪري رهيا آهن جتي انسان جي رهڻ لاءِ مناسب ماحول هجي. تحقيق مان پتو پوي ٿو ته وينس ۽ مارس ٻه اهڙا سيارا آهن جتي رهڻ لائق ڪي حالتون آهن. تحقيق جاري آهي ڏسون ته اڳتي ڇا ٿو ٿئي.
سهڻو ليک ۔۔۔ ڪاش ڪو اهي ڳالهيون سمجهي۔ مان جڏهن ننڍو هوس ۽ ڳوٺ ۾ هوندو هوس ته صاف پاڻي مهيا هوندو هو، جيڪو مٺو، تازو ۽ شفاف هوندو هو پر اڄ اهو ساڳيو جر سنکيي جهڙي زهريلي مادي سان ملي ويو آهي۔ صاف پاڻي هاڻي هاڃيڪار بڻجي ويو آهي ۽ سٺو پاڻي ملڻ مشڪل ٿي ويو آهي۔۔۔ ساڳي حالت ٻين قدرتي نعمتن جي به ٿي رهي آهي۔ ڀاڄين تي ڪيميڪل ڦوهارو، اناج تي ڦوهارو ۽ مختلف ڀاڻ ۔۔۔۔ بس ڇا ڪجي۔۔۔۔ انسان ته نه پاڻ لاء ٿو سوچي نه ٻين لاء۔
ادا هڪ ڳاله سمجهه ۾ نه آئي اٿم روز اسڪول ۾ چارٽ ڏسي سوچيندي هيس پر اڄ تائين ڪنهن جواب نه ڏنو. ادا اگر ڌرتي تي انساني مخلوق آهي ته پو۽ ٻين سيارن ۾ ڇا آهي؟؟؟؟؟؟؟
خداوندِ متعال مسبب السباب آهي پريشاني ناهي ته هتي آڪسيجن جو ضروري مقدار گهٽجي ويندو بس ضرورت آهي ته هن دنيا کي گناهن سان آلوده نه ڪيو وڃي ته جيئن هي دنيا انسان لاءِ هاڇيڪار نه بڻجي باقي انسان جي ذات ۾ ڪنهن شي جي ڳولا جو تسلسل آهي جنهن ڪري روزانانه نيون ايجادات پيون ٿين هي نظام الاهي جو سلسلو آهي سو پيو هلندو ڪيئي تحقيقون آيون ڪئي انهن مان غلت ثابت ٿيون اهو سلسلو پيو هلندو. بس ان امر جي ضرورت آهي ته غير فطري زندگي کان انسان پاسو ڪري ته جيئن فطرتي نظام تباه نه ٿئي بهترين معلومات جزاڪ الله. وسلام
