سنڌ سلامت جي جهوني نثارناز جي نڪور شاعري

[نثارناز]

ساٿيو السلام عليڪم جيئي سنڌ
ڪافي ڏينهن کان مونکان مُنهنجي رُسڻي محبوبه (ڏات جي ديوي) رُسي وئي هُئي پٽڪا پلاند پوتيون، ٽوپيون لاهڻ کان پو اجهو هن ريت پرچي منهنجي حال ڀائِي ٿي آهي، رُسڻي محبوبه جيئن ئي مون سان حال ڀائي ٿِي آهي تيئن مان ڀي توهان سان حال ڀائي ٿيان پيو هڪڙو غزل ڇير نه تون ڇمڪا سَکِي ڙِي ۽ هڪڙو آزاد نظم ناتا رشتا توهان سان ونڊ پيو ڪريان، ائين سمجهو پنهنجا نمبر پيو وڌايان هاڻي اهو توهان ڀائرن ۽ ڀينر تي منحصر آهي ، ته منهنجي هن شاعري کي ڪيئن ٿا سمجهو۔ مهربانيون توهان سڀني جون ۔

ڇير نه تُون ڇمڪا سَکِي ڙِي۔۔۔!!​

ميت نه ڪنهنکي ڀا سَکِي ڙِي​

ڪير به ڪنهنجو ناههِ سَکِي ڙِي​

​

پير جَهلي ڇڏ پنهنجا پيارِي​

ڇير نه تُون ڇَمڪا سَکِي ڙِي​

​

خُود غَرِِضِي جي طُوفان آڏو،​

دل کي رکجان جا سَکِي ڙِي​

​

وحشت واري راڄ ۾ هر پل،​

دل کي رکجان جا سَکِي ڙِي​

​

”ناز“ پٿر جِي مورت اڳيان،​

ڪڏهن نه ڪنڌ جُهڪا سَکِي ڙِي​

نثاراحمدناز​

آزاد نظم: ناتا رشتا۔۔۔۔۔۔!!​

توهان جا اصول ،​

توهان کي پرتا،​

اسان جو خُلوص، اسانجو ساٿِي،​

آهي وڙ توهان جو ،​

ڀَلي مُنهن سُڄايو،​

ڏَئِي مُنهن کي موڙا !​

اسان کان سچايون ڇِنِي ڪونه سگهندا،​

اسان نينهن جا پيا،​

نعرا هڻون ٿا،​

وفائن تي پنهنجي خوش ٿِي کلون ٿا،​

توهان ڪُوڙ تي جي،​

سندو ٻَڌو ٿا،​

جَلِي کامِي بلڪل جلو ٿا،​

اسان جُون وفائون ،​

لِڪِي ڪونه سگهنديون،​

اسان جا بڻايل سڀئي ناتا رشتا،​

قرآن ، گيتا ۽ انجيل جهڙا،​

سڀئي پاڪ پويتر،​

سڀئِي ڏاڍا سُندر،​

اسان جا سي ناتا۔۔۔۔!​

اسان جا سي رشتا ۔۔۔۔!​

نثاراحمدناز​

 

[خليل جبران]

مزو اچي ويو۔نثار ناز صاحب جي شاعري ته تمام سٺي آهي، الائي ڇو هو هن فورم تي پنهنجي شاعري گهٽ پوسٽ ٿاڪن۔ اسن انهن کي چواندسين ته پنهنجي وڌ ۾ وڌ شاعري هت پوسٽ ڪن۔

 

[سليمان وساڻ]

ناز پٿر جي مورت اڳيان
ڪڏهن نه ڪنڌ جهڪاء سکي ڙي۔

واهه واهه ٿي وئي ۔۔۔ اسان ته سوچيو هو ته ڏات ديوي اوهان وٽ قيد آهي ۽ جڏهن چاهيو ته سهڻي شاعري پيش ڪري وٺو ۔۔۔ پر ڏات ديوي جو اوهان کان به رسي وڃڻ ڪجهه عجيب لڳو۔

هڪ عرض ڪبو ته ڊزائن سان گڏ ٽيڪسٽ به ڏيندا ڪيو، ڇو ته گوگل سرچ ۾ سنڌ سلامت جو سمورو ٽيڪسٽ شامل آهي ۽ جڏهن به ڪو شاعريء جي ڪا هڪ سٽ به سرچ ڪندو ته اوهان جي شاعريء تائين سولائيء سان پهچندو۔

 

[سجاد علي چنا]

اسان ته تعريف ڪرڻ لاءِ به لفظن جا قيدي آهيون۔۔ کٽل آهيون۔۔ واه ئي چئي سگهون ٿا۔۔ واه

 

[سجاد علي چنا]

ناز پٿر جي مورت اڳيان
ڪڏهن نه ڪنڌ جهڪاء سکي ڙي۔


هڪ عرض ڪبو ته ڊزائن سان گڏ ٽيڪسٽ به ڏيندا ڪيو، ڇو ته گوگل سرچ ۾ سنڌ سلامت جو سمورو ٽيڪسٽ شامل آهي ۽ جڏهن به ڪو شاعريء جي ڪا هڪ سٽ به سرچ ڪندو ته اوهان جي شاعريء تائين سولائيء سان پهچندو۔

ساڳيو ئي عرض مون طرفان پڻ۔۔ جيئن شاعري مختلف بلاگ تي، سنڌي ويبسائيٽس ونڊي سگهجي، سرچ انجڻ ۾ ڳولي سگهجي۔ مهرباني سائين

 

[نثارناز]

مزو اچي ويو۔نثار ناز صاحب جي شاعري ته تمام سٺي آهي، الائي ڇو هو هن فورم تي پنهنجي شاعري گهٽ پوسٽ ٿاڪن۔ اسن انهن کي چواندسين ته پنهنجي وڌ ۾ وڌ شاعري هت پوسٽ ڪن۔

مهربانيون خليل جبران صاحب جون ، ادا حد کان وڌيڪ مصروفيتون آهن، ذاتي مصروفيتن کان علاوه ادبي، سماجي مصروفيتن جي ڪري ڪجهه سنڌ سلامت تي ڀيرو ڀرڻ جي ڪنجوسي ڪري ويندو آهيان، پر ادا هڪري ڳالهه ذهن ۾ ضرور رکي ڇڏجو ته سنڌ سلامت آهي ته هي نثارناز جهونو سلامت آهي، سنڌ سلامت مونکي سُڃاڻپ ڏني، سنڌ سلامت منهنجو پنهنجو گهر آهي، ۽ پنهنجي گهر کان ڪير به ڏور ڪونه ويندو آهي، اسان جڏهن سنڌ سلامت جي هن محبتي گهر جو ڀيرو ڀريندا آهيون ته قسم سان اسان جا ورهين جا ٿڪ لهي پوندا آهن توهان جي مهرباني جو توهان اسان جي هن ڪچي ڦڪي شاعري کي پسند ڪيو۔ لک لائق ادا توهان جا قرب ادا توهان جا۔

 

[نثارناز]

ناز پٿر جي مورت اڳيان
ڪڏهن نه ڪنڌ جهڪاء سکي ڙي۔

واهه واهه ٿي وئي ۔۔۔ اسان ته سوچيو هو ته ڏات ديوي اوهان وٽ قيد آهي ۽ جڏهن چاهيو ته سهڻي شاعري پيش ڪري وٺو ۔۔۔ پر ڏات ديوي جو اوهان کان به رسي وڃڻ ڪجهه عجيب لڳو۔

هڪ عرض ڪبو ته ڊزائن سان گڏ ٽيڪسٽ به ڏيندا ڪيو، ڇو ته گوگل سرچ ۾ سنڌ سلامت جو سمورو ٽيڪسٽ شامل آهي ۽ جڏهن به ڪو شاعريء جي ڪا هڪ سٽ به سرچ ڪندو ته اوهان جي شاعريء تائين سولائيء سان پهچندو۔

چريا چريا او سليمان چريا، محبوبائن کي قيد ڪرڻ محبوبائن جي توهين آهي، ۽ ڏات جي ديوي کي مون رُسڻي محبوبا جو نالو ائين ته ڪونه ڏنو آهي ؟ ڏات جي ديوي اهڙي ته ريسڻي ۽ رُسڻي محبوبه آهي جو پرچي پوي ته هڪڙي ڏينهن ۾ کوڙ سارا گيت غزل نظم بيت وايون لکجي وڃن ۽ جيڪر رُسي وڃي ته سالن جا سال ڪو هڪ شعر به نه لکي سگهجي ، منهنجي خيال ۾ جيڪا ڳالهه توکي عجيب لڳي آهي اها هاڻي غريب ٿي چُڪي ،باقي توهان واهه واهه لکي مون ٽي درجي واري شاعر جي حوصلا افزائي ڪئي آهي ان جون مهربانيون لک قرب ، ٿورا سائين،

 

[علي ظفر]

واه سائين واه تمام بهترين ڏات جي ديوي کي نيت قابو ۾ ڪري ورتو پراڻا جهونا آهيو جهونن و ٽ ته هزارين گر هوندا ديوين کي قابو ڪرڻ جا اصل مزو اچي ويو واه سائين واه ۔۔۔۔۔اسان به جهونا آهيون پر اوهان ته اسان جا ابا آهيو بابا ۔۔۔۔۔جهوني هجھن جا به ڪيئي فايدا آهين جو ديوي نه پر ديويوون مهربان ٿينديون آهين ۽ سڏي پاسي ۾ ويهارينديون آهين ۽ پوء انهن جي هڪ هڪ لفظ مان غزل ٺهندو آهي آهه آهه هي حياتي ۔۔۔۔۔۔۔۔۔۔