سنڌ سلامت جي منتظم اعلي ادا ذيشان رشيد کي جنم ڏينهن مبارڪ

مان ڪڏنهن ڪڏنهن پاڻ کي خوشنصيب سمجهندو آهيان ته اللله تعالي مون کي رشِيد جهڙو دوست ڏنو دوست کان وڌيڪ جي هڪ سهيلي چوان ته به وڌاء نه ٿيندو ڇو ته مون کي ڪڏنهن ڪڏنهن راز جو ڳالهيون رشيد سان ڪرڻ وقت اهو لڳندو آهي ته مان مرد نه پر مائي هجان اسان دوست نه پر سهيليون آهيون جيڪي هڪ ٻي سان سرباٽن ۾ ڪچهريون ڪنديون آهيون پر اهو احساس تڏنهن ختم ٿيندو آهي جڏنهن رشيد دڙڪو ڏيندي چوندو آهي ته ڀلا جي نٿي وڻئي مهنجي ڳاله ته مٿو نه کاء گهڻو منهنجو .............. تڏنهن احساس ٿيندو آهي ته مان ڪنهن مرد سان ڪچهري ڪري رهيو آهيان ۽ مان به هڪ مرد آهيان ههههههه جي ڪا ڳالهه مون کي ادي سليمان وساڻ تائين پهچائڻي هوندي آهي ته به هي ئي سهيلي مهنجي ڪم ايندي آهي مطلب ته هڪ سهيلي وارو ئي نه پر هڪ ماء وارو ڪردار به ادا ڪري ويندو آهي ته جيئن ڪا شرميلي نياڻي (جيئن آءن ههه) پهنجي ڪنهن ڀاء يا پهنجي ڪنهن عزيز کي ڪا فرمايش ڪرڻ چاهيندي هجي ۽ اها ڊاريڪٽ نه چئي سگهندي هجي ۽ پهنجي سهيلي يا ماء جي وسيلي سان ڳاله پهچائيندي آهي ائين ئي ڪڏنهن ڪڏنهن ادا رشيد مهنجي ڳاله به مهنجي پياري دوستن تائين پهچائيندو آهي ( پوء هاڻي عرس پريو ان کي ڪهڙو به نالو ڏي اها عرس جي مرضي آهي هههه )خير دوستن سان نڀائڻ وارو دوست رشيد سمون منهنجي جڏهن پهريون دفعو ڪراچي ۾ رشيد سان ملاقات ٿي هئي ان وقت مون ئي مون کي محسوس ٿيو هو ته هي يار پهنجي ياري جي لائق آهي ان سان ياري سٺي ڄمندي پر هن جي ڳاله وانگر يار سڏائي هر ڪو پر ياري کان وڌيڪ جي مان دنيا ۾ ڪنهن ماڻهون تي ٽرسٽ ڪندو آهيان ته به اهو رشيد سمون ئي آهي جنهن وٽ مهنجي اي ميلز اڪاونٽن جا پاس ورڊن کان وٺي مهنجو لکين رپيا به مان ان دوست جي بينڪ اڪاونٽ ۾ رکندو آهيان ۽ اهو ئي سبب آهي ته مان الله جو شڪر ادا ڪندو آهيان ته رب پاڪ مون کي رشيد جهڙو دوست ڏنو اهي جنهن تي مان اکيون ٻوٺي اعبار ڪندو آهيان ۽ جنهن مهل به مان اداس هوندو آهيان ۽ گارين ڏيڻ ۽ کائڻ جو موڊ هوندو آهي ته به رشيد جو ئي در کڙڪائيندو آهيان ۽ هي يار دل سان سليمان وساڻ جي ڳاله وانگر ڪلاسيڪل دڙڪا ڏيندو به آهي ته برداشت به ڪندو آهي جادوگر جي نالي سان هي دوست مشهور آهي جنهن جا جادو جا ڪرتب اوهان سنڌ سلامت تي ڏسي چڪا آهيو ادا رشيد جون سنڌي ٻولي لاء خدمتون خاص ڪري سنڌ سلامت جي دوستن کان ڳجهيون نه آهين منهنجي دعا آهي ته اسان جو هي دوست پهنجي زندگي جا هزارين سال ڏسي شال آباد هجي ۽ خوش هجي ​

​

 

1949 اٽيچمينٽ ڏسو
(هي تصوير ڏسي اندازو لڳايو ته نيٽ سان ڪيترو چاهه اٿس۔ واءِ ٽرائب، ايوو، ڊي ايس ايل ۽ سامسنگ گيليڪسي۔ مطلب ڪو به چانس ناهي ته نيٽ نه هُجي۔)


ذيشان رشيد هڪ نه ٽُٽندڙ عزم جو ٻيو ناءُ

​

انهي وقت آئون به سنڌ سلامت جي ان وقت جي (۽ هاڻي به) کوڙ سارن گوسڙو ميمبرس وانگي ايندو ويندو رهيس. پر رشيد جي ڪا خبر نه هئي.
پر جيئن ئي سنڌ سلامت کي وڌيڪ وقت ڏنو ته رشيد سمون نالي واري همراهه ۽ هڪ جادوگر جي اوتار سان ظاهر ٿيندڙ فورم جي انتظامي لڏي جي سردار جا ليک ۽ انهيءَ کان وڌيڪ موضوعن تي جواب وڻڻ لڳا.. . . . گهڻا وڻڻ لڳا ۽ ديوانگي جي حد تائين وڻڻ لڳا. پر الاءِ ڇو سندس باري ۾ پهرين راءِ ڪُجهه اهڙي قائم ٿي جو ساڻس ملڻ کان لنوائڻ لڳس. سنڌ سلامت پاران الطاف شيخ جي شان ۾ ملهايل سچل ڳوٺ واري شام ۾ سندس شرڪت جي خبر پئي پر پوءِ آئون حقير هو عظيم وارو احساس برقرار رهيو ۽ ساڻس ملي نه سگهيس.
سندس ليک پڙهڻ ۽ سندس رايا ڏسڻ نه ڇڏيم نه وري سندس باري ۾ سليمان وساڻ کان پُڇڻ ڇڏيم. سليمان تڏنهن به ايئن ڪندو هو ۽ اڄ به ڪندو آهي جو پر پُٺ کيس پيار مان مٺيون ويٺو ڏيندو. صدقو گهور پيو ويندو پر سامهون يا فون تي هن معصوم سان اهڙي ڪندو جو وڃي ٿيا ست خير. سو جيستائين هن سان نه مليس سليمان پاران هن جي واکاڻ سندس عزت اڃان وڌئي ڇڏي.
نيٺ هڪ ڏينهن آئون رول ڄامشورو کان رُلندو جو اچي سچل ڳوٺ پُهچان ته سليمان ٻُڌايو ته رشيد آيل آهي. دير ئي نه ڪيم وڃي مليس. پر سليمان جي ٻٽي معيار (رشيد لاءِ روبرو ۽ پر پُٺ) جيان رشيد جون ٻه مختلف (پر صفا ڪاٽو واڌو جهڙيون) شخصيتون آهن. هڪ اُها جنهن ۾ اوهان کيس فيس بوڪ تي ننڍڙن احساسن کي بيان ڪندڙ ڪمال انتخاب سان تصويرون اپلوڊ ڪندڙ رشيد، سنڌ سلامت تي روز ڪنهن نه ڪنهن حوالي سان ڪو نئون ڪم ڪرڻ جي جستجو ۾ لڳل ۽ سنڌ ۽ سنڌي ٻولي لاءِ پنهنجي اولاد جيان فڪرمند رشيد. جنهن لاءِ اوهان آساني سان وڏي ماڻهو هجڻ جي راءِ قائم ڪري سگهو ٿا.
پر ٻيو رشيد آهي اوهان جي سامهون. اهو رشيد صفا مختلف آهي. وڏائي يا ٺٺ ته هن جي پاسي مان به ناهن گذريا. پاڻ پڏائڻ واري ڳالهه به ڪڏهن نه. بس مقصد ۽ مقصد جي پورائي لاءِ ڪم. پوءِ ڪير ڪري ٿو؟ نالو ڪنهن جو اچي ٿو؟ انهيءَ سان رشيد کي ڪو غرض ناهي. ها جي رشيد کي فڪر آهي ته اها ته ڪٿي ڪا چُڪ ته نه رهجي وئي؟ ڪٿي ايئن ته نه ٿيو جو بهتري جي گنجائش هوندي به ڪا ڪمي رهجي وئي. ڪنهن جو وقت يا پئسو انهيءَ ڪم ايئن ته نه لڳو جو هُن جي ذاتي زندگي تي ڪو اثر پيو هُجي. رشيد کي سدائين نيڪ مقصد ۽ ڪنهن کي گهٽ کان گهٽ زحمت ڏيندي ڪرڻ سُٺا لڳن ٿا. باقي همراهه ايترو آپٽيمسٽ آهي جو وٽس لفظ ”نه“ ته آهي ئي نه۔ جيڪو ڪم چئو چوندو ها ڇو نه ٿيندو؟ ايستائين جو سندس بلاگ به اميدون نالي سان آهي۔ جنهن تي لکي ٿو اميدون جيڪي مرڻيون ناهين
هو جنهن اداري سان وابسته آهي اتي ڪو ٻيو هُجي ته شايد سنڌ سلامت فورم کولڻ جي جسارت ئي نه ڪري ها پر هن ڀلي انسان نه رڳو اهو جوکم کنيو پر سنگت کي ساڻ ڪري خوب نڀايو. ۽ اڄ جڏنهن هو ٻڌي ٿو سنڌ سلامت دنيا جو سڀ کان وڏو سنڌي فورم آهي ته سندس اکين جي چمڪ اها ئي هُجي ٿي جڏنهن ڪنهن ماءُ جو ڪونڌر لائون لهي ٿو. انيڪ دفعا ايئن ٿيو جو خلافِ توقع فورم تي ڏکيا وقت آيا پر رشيد صبر ۽ تحمل جي واحد هٿيار سان سڄي سنگت کي ساڻ ڪري انهيءَ کي منهن ڏنو.
اڄ هتي موقعي جو فائدو وٺندي سندس ذاتي زندگي جي باري ۾ لکڻ چاهيندس جيڪي ڳالهيون متان سڀني کي خبر نه هُجن.
1. رشيد سنڌ سلامت جي ڪنهن پروجيڪٽ لاءِ فون ڪري ته سمجهو اوهان جو ڊنر اڄ ٺري ويو يا اوهان جي گهر وارن سزا طور اوهان لاءِ رکڻ ئي ڇڏيو. ڇوته رشيد جي ڳالهين ۾ گُم ٿيل شخص کي بُک جي خبر تڏنهن پوندي آهي جڏنهن ٻه اڍائي ڪلاڪن کان پوءِ اوهان ڪال ختم ڪندا (يا بئٽري ختم ٿي موبائيل بند ٿيندي) ۽ سڀ سُتل هوندا ۽ ماني نالي ڪا شيءِ نه هوندي. ۽ ضروري ناهي ته اوهان جي موبائيل بند ٿي وڃي ته اڳيان رشيد به بس ڪري وڃي. سندس ڳالهه هلند ي پئي. ۽ پوءِ ٻي ڏينهن پُڇا پئي ٿيندي ته يار ڪهڙي ٽائيم ڪال ڪٽجي وئي ته اڄ وري اُتان ئي شروع ڪجي.
2. سنڌ سلامتي دوست عرس ۽ رشيد جو ننڍي لاڪون پيارو ساٿ آهي. رشيد اوهان کي ڪٿي به نه لڀي ته سمجهو پڪ ڊرگ روڊ جي پاسي ۾ رهندڙ عرس وٽ چانهه جا چسڪا هڻڻ ويل آهي. رشيد، ليپٽاپ ۽ عرس جي چانهه هڪ اهڙو ميلاپ آهي جنهن سنڌسلامت جي کوڙ سارن ڪمن کي اڳتي ڪيو آهي. اوهان جيڪي سنڌ سلامت جا پروجيڪٽ ڏسو ٿا سي عرس جي چانهه جي فيول تي ٺهيل آهن. رشيد کي عرس جي چانهه جو ايترو نشو آهي جو ڪڏنهن عرس کي ناراض ڪرڻ ناهي چاهيندو. جڏهن هو يا اسان مان ڪو سندس پاران ڏنل عرس جي باري ۾ ڪا راءِ بيان ڪندو آهي ته جلدي وضاحت ڪندو ته هي ڳالهه عرس کي چوڻي آهي يا هي ڳالهه عرس کي ناهي چوڻي.
3. رات جا ٻه ٿيا هُجن ۽ رشيد ڪنهن پرجيڪٽ تي ڪم ڪندي ٿڪي ٽُٽي سمهڻ جو ارادو ڪندو هجي اوهان رڳو کيس ٿورو احساس ڏياريو ته پروجيڪٽ جي هي اينگل ته واهه جي آهي. يا هي چُڪ ته رهجي وئي. بس رشيد جي ننڊ وئي. خبر تڏنهن پوندي جڏنهن صبح جو اُٿو ته رات جي آخري پهر ۾ آيل ايس ايم ايس رشيد جو هوندو ۽ لکيل هوندو ”ادا ٿي ويو“.
4. علي سان هن جو هڪ انوکو رشتو آهي. علي جو ذڪر هُجي ۽ رشيد چپ ڀڪوڙي سندس شڪايت نه ڪري اهو ممڪن ئي ناهي. فورم جي ڪمن کي ڇڏي ڪري باقي شايد ئي ڪا ڳالهه هُجي جنهن تي هنن ٻنهي وچ ۾ ڪو اتفاقِ راءِ هُجي پر پوءِ به ياري نڀائيندا ٿا اچن. ڪڏنهن به نه وسرندو علي جو پنهنجي ئي شادي ۾ وڃائجي وڃڻ ۽ ڪنواريتن جو رشيد کان علي جو ڏس پتو پُڇڻ ۽ رشيد جو فون ڪري علي کي چوڻ اچين ته اچ نه ته حالي مان ئي وڃي ويهان سيٽ تي.

دُعا آهي ته هي ڀلو شخص سدا ايڏو ئي رهي. سدا اهڙو ئي رهي. ۽ منهنجي ۽ سندس ڀاڀي کي الله اڃان صبر عطا ڪري جِن جا اڪثر حقي وقت اسان جون ڪچهريون کسي وينديون آهن. ۽ هو پوءِ به چُپ رهن ٿيون.
​

 

ادا جنم ڏينهن جو مبارڪون هجن توهان کي،
ادا عبدالحفيظ توهان ته سنڌ سلامت جي منتظم اعلى جو اڄ ديدار به ڪرائي ڇڏيو۔۔۔

 

تو جا سمجهي سِٽ، سا آهي ڪاتيءَ ڪوٺَ!
ڳائي ڳائي ڳوٺ! ڪُهندو ويو ڪينرو!

 

​

فيبروري مهينو بهار جو پيغام آڻيندو آهي ۽ ان بهار جي خوشبو سنڌ سلامت جي روح روان ۽ باني ، منتظم اعلى سائين رشيد سمون جي جنم ڏينهن سان شروع ٿئي ٿي۔ ڪي ماڻهو تاريخ ۾ ڪي اهڙا ڪم ڪندا آهن جيڪي سڄي عمر ڳايا ويندا آهن ۽ اسان جو دوست رشيد به اهڙن ئي دوستن مان آهي۔

سنڌ سلامت جي سموري سٿ پاران کيس سندس جنم ڏينهن تي واڌايون پيش ڪندي دعا ٿا ڪيون ته سنڌ جو هي موڀي پُٽ سدا خوش رهي ۽ ڊگهي ڄمار ماڻي۔

رشيد سنڌ سلامت جي پليٽ فارم تي جادوگر جي نالي سان مشهور آهي سندس اها جادوگري اها آهي جو ڪمپيوٽر ۽ انٽرنيٽ سان ڳنڍيل ڪنهن به مسئلي جو حل جادوئي انداز سان ڏئي حيرت ۾ وجهي ڇڏيندو آهي۔ سنڌ سان ازلي عشق اٿس ۽ سنڌي ٻوليء لاء ڪيل سندس ڪم لاء اوهان سنڌ سلامت سان گڏ سنڌ سلامت جي پروجيڪٽس کي ئي ڏسو ته ڪمال جو ڪم ڪيو اٿس۔

هي اهو دوست آهي جنهن لاء لطيف سائين فرمايو آهي۔

ماڻهو سڀ نه سهڻا پکي سڀ نه هنج
ڪنهن ڪنهن ماڻهوء منجه اچي بوء بهار جي
​

رشيد سان ڄاڻ سڃاڻ سنڌ سلامت يا فيسبوڪ تي نه پر سائين نثار ابڙو جي گهر تي ڪچهري سان ٿي، ۽ ايئن اها پهرين ملاقات سموري حياتي جي دوستي ۾ بدلجي وئي۔ سنڌ سلامت سان ڪاوڙ ٿي، فيسبوڪ کي ڇڏيوسين پر رشيد سان ڪڏهن به واسطو ڪونه ٽٽو۔ اسان جي موڀي دوست علي علي سان ته واهه جو رشتو اٿس، جو جڏهن غلطي سان هڪ ڏينهن سنڌ سلامت اڪائونٽ سان لاگ ان ٿيس ته سموري خبر پئي ته دوستن جي ادبي ڪچهري ڪيتري ٿيندي آهي۔

رشيد جي هڪ ڳالهه جيڪا پريشان ڪندي آهي اها آهي سندس خاموشي ۔۔۔۔۔ يا وري تمام ڊگهي گفتگو، جنهن ۾ هو چپ رهڻ جو نالو ناهي وٺندو ۽ اسان جهڙا اڻڄاڻ ها ها ڪندا رهندا آهن۔ هڪ ڏينهن ته حد ٿي وئي، سگنل ٽٽڻ ڪري ڪال ڪٽجي وئي ۽ شايد هو 10 يا 15 منٽ ڳالهائيندو رهيو ۔۔۔۔ جڏهن مون ٻيهر ڪال ڪئي ته همراهه پريشان ٿي ويو ته ڪال ڪڏهن منقطع ٿي ۽ ڪٿي ختم ٿي هئي ۔۔۔۔۔۔۔
ڪمپيوٽر ۽ نيٽ جي دنيا ۾ مونکي مليل مان جو هڪ سبب رشيد ئي آهي، جيڪو سهڻا پراجيڪٽ تيار ڪندو آهي ۽ مان اهي فيسبوڪ جي دنيا ۾ پيش ڪندو آهيان، مطلب ته ڪم ڪري رشيد ۽ واهه واهه ٿئي منهنجي۔ اها ٻي ڳالهه آهي ته رشيد جو لنگوٽيو يار عرس آهي پر سندس عزت وڌائڻ ۾ ڪا ڪسر ناهي ڇڏيندو ۽ نتيجن مونکي ئي معاملي کي ٺاهڻو يا ڊاهڻو پوندو آهي۔
دوست سدا خوش رهه ۔۔۔ اسان جون دعائون اوهان سان گڏ هن۔​

 

ها ادا عامر متا نه مڃون مطلب ته حفيظ به ڪم جو ماڻهون آهي جو اوهان کي گهٽ ۾ گهٽ ديدار ته ڪرايائين

 

دوستن جا لک قرب جن مون کي منهنجي سالگره ڏينهن تي نيڪ تمنائون ۽ دعائون ڏنيون۔۔۔ انهن دوستن جون به مهربانيون جن کوڙ ساريون واڌيون فيس بوڪ ميسيجز ۽ موبائيل ميسيجز ذريعي پهتيون ڪيون... دوستن طرفان اهي مسرتن ڏيارڻ جا احساس ڪيڏا نه ڀلا آهن جيڪي هڪ سال وڌيڪ جهونو ٿيڻ جي خوف بجاءِ دوستن طرفان مليل محبتن تحت وڌيڪ جئڻ لاء اتساهه ڏيندڙ لڳن ٿا...
هاڻي توهان طرفان جيڪا سچائي بيان ٿيل آهي۔۔ ان کي مان ناڪاري ته بلڪل نه وٺندس۔۔۔۔ ڇو ته مان انسان ئي آهيان۔۔۔ نه ڪو خامين کان پاڪ هيرو ۽ نه وري غلطين کان پاڪ فرشتو ۔۔۔ ان ڪري جو ئي آهيان سو ئي آهيان وانگر برداشت ڪرڻ لاءِ درخواست گذار آهيان۔۔۔
رهيو توهان طرفان ايتريون محبتون نڇاور ڪرڻ بابت ته سوچيان پيو ته وري اهڙن قرب ڀرين اندازن کي محسوس ڪرڻ لاءِ پورو سال انتظار ڪرڻ ڪيڏو نه ڏکيو هوندو.. :
سنگت طرفان مان ڏيڻ لاءِ هڪ دفعو وري مهرباني۔۔۔