اڄوڪي ڏينهن 5 فيبروري تي جنم وٺندڙ ۽ وڇڙندڙ معروف شخصيتون جنم ڏينهن: 5 فيبروري 1902ع مذهبي اسڪالر مولانا احمد چارڻ جو جنم ڏينهن آهي. 5 فيبروري 1936ع شاعر علي بخش سومرو (شڪارپور) جو جنم ڏينهن آهي. 5 فيبروري 1937ع ليکڪ ۽ اديب بيدار مورائي جو جنم ڏينهن آهي. 5 فيبروري 1948ع سائنسدان ڊاڪٽر يار محمد کهاوڙ (شهدادڪوٽ) جو جنم ڏينهن آهي. 5 فيبروري 1962ع شاعر امر ساهڙ جو جنم ڏينهن آهي. 5 فيبروري 1966ع شاعر سانوڻ سنڌي جو جنم ڏينهن آهي. 5 فيبروري 1968ع ليکڪ عبدالمبين شورو جو جنم ڏينهن آهي. 5 فيبروري 1976ع باليووڊ اداڪار اڀيشڪ بچن جو جنم ڏينهن آهي. 5 فيبروري 1977ع شاعر اياز امر شيخ (سجاول) جو جنم ڏينهن آهي. 5 فيبروري 1980ع ليکڪا خوشبو سنڌي جو جنم ڏينهن آهي. 5 فيبروري 1980ع شاعر امبر باسط جو جنم ڏينهن آهي. 5 فيبروري 1982ع ليکڪ حضور بخش مهراڻ ملڪ جو جنم ڏينهن آهي. 5 فيبروري 1984ع ليکڪ نند لال مينگهواڙ جو جنم ڏينهن آهي. 5 فيبروري 1986ع ليکڪ جعفر شاهاڻي جو جنم ڏينهن آهي. وڇوڙو: 5 فيبروري 1953ع موسيقار ۽ قومي تراني جي ڌن ٺاهيندڙاحمد ڇاڳلا جو لاڏاڻو ٿيو. 5 فيبروري 1968ع شاعر قاضي گل محمد جو انتقال ٿيو. 5 فيبروري 2001ع برک تعليمي ماهر، قانوندان ۽ ليکڪ پروفيسر بشير احمد قريشي جو انتقال ٿيو. 5 فيبروري 2016ع ناميارو شاعر بشير سيتائي لاڏاڻو ڪري ويو. _______ اڄوڪي ڏينهن 5 فيبروري جا ڪجهه اهم واقعا ڊاڪٽر در محمد پٺاڻ ۽ ڪاوش جي مهربانين سان _______
احمد جي چاڳلا: احمد. جي. چاڳلا پاڪستان جي قومي تراني جي ڌن جو خالق ۽ ممتاز موسيقار ٿي گذريو آھي، جنھن جو پورو نالو احمد غلام علي چاڳلا ھو. 1902ع ڌاري ڪراچيءَ ۾ پيدا ٿيو، سنڌ مدرسي مان تعليم حاصل ڪيائين. ڪراچيءَ جي نامياري موسيقار مھاراج سوامي داس جو شاگرد ٿيو. 1928ع ۾ ڪاروبار جي سلسلي ۾ برطانيا ويو، جتي ٽريننگ ڪاليج مان موسيقيءَ جي به تعليم ورتائين. پاڪستان ٺھڻ کان ٿورو عرصو اڳ بمبئيءَ ويو، جتي ھڪ فلم ڪمپني ’اجنتا‘ ۾ ڊائريڪٽر طور ڪم ڪيائين، ورھاڱي کان پوءِ پاڪستان جي قومي تراني جي ڌن ٺاھيائين، جنھن کي 1949ع ۾ حڪومت پاڪستان منظور ڪيو، انھيءَ ڌن کي ئي اڳيان رکندي محترم حفيظ جالنڌريءَ پاڪستان جو قومي ترانو ’پاڪ سر زمين شادباد‘ لکيو، 5 فيبروري 1953ع تي وفات ڪيائين، ڪي ڊراما به لکيائين، جن مان ’ڀوت‘ (ترجمو)، ’خزني‘ (ترجمو)، ’جيڪا تقدير‘، ’ديس جو دشمن‘ ۽ ’گڏي جو گھر‘ مشھور آھن، جنھن ھارمونيم تي قومي تراني جي ڌن ٺاھي ھئائين، اھو ۽ ان جا نوٽيشن، انسٽيٽيوٽ آف سنڌالاجي ڄامشوري جي مشاھيرن واري گئلريءَ ۾ موجود آھن.
