پي ڊي ايف اسڪيپ ڪڏهن ڪڏهن ائين ٿيندو آهي ته اسان آفس يا گهر کان ٻاهر هوندا آهيون ۽ اتي اسان کي ڪمپيوٽر ۽ انٽرنيٽ استعمال ڪرڻ لاءِ ملندو آهي. اسان پنهنجي ميل چيڪ ڪندا آهيون. اي ميل ۾ جيڪڏهن ڪا پي ڊي ايف جي فائل اٽيچ ٿيل هجي ۽ اسان وٽ انهيءَ کي کولڻ لاءِ ايڪروبيٽ ريڊر يا ٻيو ڪو پي ڊي ايف ريڊر اسان وٽ ناهي، جنهن ڪري اسان اٽيچمينٽ پڙهي نه سگهون. انهيءَ صورت ۾ اسان کي پريشاني جو منهن ڏسڻو پوندو آهي. انهيءَ پريشانيءَ کان بچڻ لاءِ هي آن لائن پي ڊي ايف ريڊر توهان جي ڪم ايندو. هن ۾ نه صرف پي ڊي ايف پڙهي سگهجي ٿي. پر آن لائن پنهنجي ڪنهن کي به ڊاڪومينٽ کي پي ڊي ايف ۾ تبديل ڪري سگهجي ٿو، انهيءَ لاءِ توهان کي رجسٽر ٿيڻو پوندو، رجسٽر کان سواءِ توهان صرف هن آن لائن سافٽويئر کان ريڊنگ جو ئي ڪم وٺي سگهو ٿا.
ادا ابوزين متان نه مڃين اسان فقيرن کي۔۔۔۔ هڪڙي ملاقات ۾ جند ڇڏائي اهڙو مزيدار لنڪ ڏئي ڇڏيئي ۽ پاڻ کي آجو محسوس ڪرڻ ٿا چاهيو۔۔۔۔ نه سائين اوهان اسان جا قابلِ احترام استاد آهيو۔۔۔ اوهان کان پري رهڻ هاڻي اسان جي وس ۾ ناهي۔۔۔۔۔۔۔shal judy hujeen
تمام بهترين معلومات آهي ادا ابو زين اهڙي معلومات ونڊ ڪرڻ تي توهان جي مهرباني پر دادا آهيو ڪٿي اڄ ڪلهه يار مس ڪال کان به ويا سي ڇا ڀلا ...........
سائين عبدالوحيد سهڻا سائين ابو زين مصروف شخصيت آهن سندن جاب چلتا ڦرتا مائڪرو فون وانگر گشت ڪندو رهندو آهي ڪڏهن ڪراچي ڪڏهن حيدرآباد ته ڪڏهن اسانجي ويجهو نوابشاه مقصد ته هر آئي وقت پاڻ سفر جي تياري ۾ نظر ايندا آهن پر ان هوندي به پنهنجي ساٿ سان ناتو نڀائيندا اچن ٿا اها سندن نوازش آهي باقي اڄ ڪلهه زندگي جي ڪشتي ايتري ته طوفاني لهرن جي ور چڙهيل آهي جو ڪنهن وٽ فرصت ته نظر ئي ڪانه ٿي اچي هر ڪو لهرن جي لڙ ۾ پريشان نظر ٿو اچي ڪو بيمارين ۾ ڪو گهرو مسئلن ۾ نه ته هر مهانگائي جي موج کان ته ضرور پريشان آهي پر ان هوندي به پنهنجي ساٿ جا سڀ جوڌا جوان آهن جو وقت سر پنهنجي دوستي واري فرض کي نڀائيندا اچن ٿا الله تعالي اسان جي سڄي ساٿ کي سلامت رکي شال کين ڪوسو واء نه لڳي ان پريشانين جي ڪن مان به ان ڪريم کي سوال آهي ته پنهنجي ڪرم سان پار اڪاري۔ آمين۔
جواب: پي ڊي ايف اسڪيپ: فري آن لائن پي ايف ريڊر ۽ ايڊيٽر واه ادا واه۔۔ تمام بهترين ۔۔۔ سهڻي۔۔۔تمام ؓگهڻي مهرباني۔۔۔ (ڪم ؓگهڻو آهي ماڻهو کپن)
جواب: پي ڊي ايف اسڪيپ: فري آن لائن پي ايف ريڊر ۽ ايڊيٽر ادا ابوزين تمام بهترين شيئرنگ آهي، خاص ڪري اسان جهڙن پي ڊي ايف جي ديوانن جي لاءِ
جواب: پي ڊي ايف اسڪيپ: فري آن لائن پي ايف ريڊر ۽ ايڊيٽر ادا ابوزين بهترين ونڊ آهي، پر هي هڪ ويب سائيٽ آهي انهيءَڪري هن کي مناسب سيڪشن ۾ موڪلجي ته بهتر آهي، هاڻي ان کي ويب سائيٽ سيڪشن ۾ موڪليو پيو وڃي۔۔
جواب: پي ڊي ايف اسڪيپ: فري آن لائن پي ايف ريڊر ۽ ايڊيٽر محترم ابوزين هميشه وانگر توهان جو آندل هي موضوع به تمام بهترين آهي۔۔۔۔ مون سان اڪثر اهڙا مسئلا رهندا آهن ۔۔۔ خاص طور پنهنجي آفيشل ڪمن دوران ۽ هر وقت فليش ڊرائيو ۾ اڊوب ايڪروبيڊ ريڊر رکڻو پوندو آهي۔۔۔ ڪافي ڳولا ڪرڻ سان به نيٽ تي اهڙي سائيٽ نه ملي جيڪا پي ڊي ايف کي پنهنجي فارميٽ ۾ ڏيکاري يا وري آن لائين پي ڊي ايف فائيل کي ٽيڪسٽ جي صورت ۾ ڏيکاري۔۔۔ زياده تر اميج ۾ ڏيکاريندڙ سائيٽس آهن۔۔۔ هيءِ ڪم جي سائيٽ ڏسي اٿو ۔۔۔ يقينن هن جي ذريعي پي ڊي ايف فائيل آنلائين ڏسي ٽيڪسٽ کي ڪاپي ڪري سگهبو۔۔۔ مهرباني
