اچو ته سڀئي گڏجي کلون هڪ گهر ۾ رهندڙ ڪرائي دار جڳهه جي مالڪ کي چيو ته ”رات جو جاءِ جي ڇت جون ڪاٺيون آواز ڪن ٿيون.“ جاءِ جي مالڪ چيو ”فڪر نه ڪريو، ڪاٺيون الله جي عبادت ڪنديون هونديون.“ ڪرائيندار چيو ”ائين نه ٿئي جو ڪاٺيون عبادت ڪندي اچي هيٺ سجدو ڪن!“ هڪ ڊاڪٽر پنهنجي دوست کان پڇيو ”ڀلا هاڻي ڀاڄائي جي طبيعت ڪيئن آهي.“ همراهه جواب ڏنو ”ويچاري گذاري ويئي.“ ڊاڪٽر جلدي ۾ چيو ”غلط بلڪل غلط، ان کي صرف گذاري وڃڻ جو وهم هو“ هڪ پروفيسر چانهه پيئڻ وقت گهر واريءَ کي چيو ته ”چانهه ته ڦڪي آهي...“ گهر واري چيس: کنڊ ته آئون آئوٽ آف اسٽاڪ آهي.“ ننڍڙي پٽ چيو”بابا اهو ڇا آهي.“ پيءُ چيو: ”پٽ ان جي معنى ته کنڊ هينئر نه آهي“ هڪ ڏينهن ان پروفيسر سان ملڻ دوست آيا. ڪال بيل وڄايائون سندس پٽ ٻاهر نڪتو ته ان کان پيءُ جو پڇيائون. ڇوڪر جواب ڏنو:”بابا هينئر آئوٽ آف اسٽاڪ آهي.“ هڪ شخص هڪ گهر ۾ ڪيترائي ڏينهن مهمان ٿي رهيو. گهر وارا تنگ ٿي پيا. مهمان کي چيائون ” تنهنجي گهر وارا ته پريشان ٿيا هوندا.“ مهمان چيو”ها سوچيان ٿو ته فون ڪري ڇڏيان ته اڃا مان هفتو کن ڪونه ايندس.“ هڪ ماڻهو جو گهوڙو بيمار ٿي پيو، سو هڪ جانورن جي ڊاڪٽر کي وٺي آڻي گهوڙو ڏيکاريائين، ڊاڪٽر ان کي هڪ اڇي دوا ڏني ۽ چيائين ته نلي کڻي اها گهوڙي جي وات ۾ ڏئي نليءَ ۾ دوا وجهي ڦوڪ ڏجانءِ ته دوا گهوڙي جي پيٽ ۾ هلي ويندي. همراهه اڃا نلي گهوڙي جي وات ۾ وجهي ڦوڪ ڏيڻ وارو هو ته گهوڙي جو ڦوهار ڪئي ته سڀ دوا همراهه جي پيٽ ۾ هلي وئي، همراهه ڊاڪٽر وٽ ڀڄندو آيو ۽ سڄي حقيقت اچي ڊاڪٽر کي ڪيائين! ڊاڪٽر چيس ته: ”بس تون به گهوڙي وانگر هڻڪار ڪر ته ٺيڪ ٿي ويندين“ . حيدرآباد شهر ۾ هڪ موالي پڪي قلعي وٽ اچي بيهي رهيو، پريان رڪشا وارو اچي سندس ڀرسان بيٺوموالي: پڪي قلعي هلرڪشي وارو: ويههموالي رڪشي ۾ ويٺو ڪجهه وقت کان پوءِ رڪشي واري چيس ”لهه پڪو قلعو اچي ويو آهي“موالي ڀاڙو ڏيندي چيو؛ ”ايترو رڪشو تيز نه هلائيندو ڪر“ هڪ ٻوڙو شخص بس ۾ چڙهيو ته ڪنڊيڪٽر ڀاڙو وٺڻ لاءِ وٽس سري آيو ڪنڊيڪٽر: سائين! ڀاڙو ڏي مسافر:ڀاڙيو آهين تون. ڪنڊيڪٽر: ڀلا ڪرايو ڏي مسافر: ”ڪيراءِ ته خبر پوي.“
