خبر آئي ته ڪنهن مُلڪ ۾ اعلان ٿيو آهي، عورتن کي پنهنجي پسند جا ور چونڊڻ لاءِ هڪ موقعو فراهم ڪرڻ لاءِ هڪ ڪمپني پنج منزله دُڪان کوليو آهي. اعلان ڇا ٿيو ماين جا ڪٽڪ اچي لٿا. پر انهي دُڪان تان مرد خريد ڪرڻ لاءِ ڪُجهه شرط هئا. . . . . هر منزل تي هڪ خارجي رستو هوندو. هڪ منزل کان ٻي تي پُهچڻ کان پوءِ واپس هيٺين منزل تي اچڻ منع هوندي.
هڪ عورت وارو وٺي اندر اچي ٿي. پهرين منزل تي موجود مردن لاءِ هڪ وڏي نوٽس بورڊ تي لکيل آهي ته هن منزل تي جيڪي به مرد آهن سي زالن سان محبت ڪندڙ آهي. عورت سوچي ٿي ٺيڪ آهي پر وري به ڏسان سيڪنڊ فلور تي ڇا آهي؟ هو ٻي منزل تي پُهچي ٿي ته لکيل آهي هن منزل تي موجود مرد زالن سان محبت ڪندڙ ۽ ٻارن کي ڀائيندڙ آهن. عورت ڪُجهه مطمئن ٿئي ٿي پر تجسس کيس ٽين فلور تي وٺي ٿو وڃي. هتي لکيل پڙهي ٿي ته هتي موجود مرد زالن ۽ ٻارن کي ڀانئڻ سان گڏ عورتن سان گهر جي ڪم ۾ هٿ ونڊائيندڙ به آهن. هو خوش ته ٿئي ٿي پر پوءِ به چوٿين فلور تي وڃڻ کان نه ٿي مُڙي. چوٿين فلور تي ڏسي ٿي ته لکيو پيو آهي هتي موجود مرد زالن ٻارن کي ڀائيندڙ ۽ گهر جي ڪمن ۾ زالن سان هٿ ونڊائيندڙ به آهن پر خوبصورت به ڏاڍا آهن. عورت جو تجسس پوءِ کيس نه ٿو ڇڏي ۽ هو پنجين فلور تي پُهچي ٿي. هتي ڏسي سندس وايون بتال ٿيو وڃن.
.
.
.
.
.
.
لکيل آهي اوهان جي هن فلور تي اچڻ کان پوءِ هتي اچڻ وارين عورتن جو تعداد هڪ لک پنجياسي هزار ڇهه سؤ تي پُهچي ويو. اوهان جي دلچسپي لاءِ مهرباني. خارجي دروازو سامهون آهي.
(اڻڄاڻ پاران مليل اي-ميل جي ٿورن سان)
