آئون ڄاڻان ٿو ته هن کي سکڻو آهي ته سڀ ماڻهو سچا ۽ سهڻا ناهن هوندا، پر هن کي اهو به سيکارجو ته هر بيڪار ۽ بي اصول ماڻهو به هيرو ٿي سگھندو آهي ، هر خود غرض سياستدان به مخلص ۽ سچو ٿي سگھندو آهي. آئون ڄاڻان ٿو ته ان ۾ وقت لڳندو، پر توهان هن کي سيکارجو جيڪڏهن توهان هن کي سيکاري سگھو ٿا ته پنج روپيه لڀڻ کان هڪ روپيو ڪمائڻ وڌيڪ قيمتي آهي. هن کي اصول تي رهي هارائڻ سيکاريو ۽ کٽڻ جي خوشي جو مزو وٺڻ سيکاريو. هن کي حسد ڪرڻ کان پاسو ڪرايو ۽ هن کي هڪ خاموش ٽهڪ جو راز سيکارجو. جيڪڏهن توهان هن کي سيکاري سگھو ٿا ته هن کي ڪتابن جي دنيا جا اسرار رموز سيکارجو. هن کي آسمان ۾ اڏرندڙ پکين ۽ پهاڙن ۽ وادين ۾ ٽڙيل گلن جي ازلي راز کي سمجھڻ لاءِ اڪيلائي ۽ خاموشي به ڏيو. ڪوشش ڪري منهنجي پٽ کي اهڙي طاقت ڏيو ته هو جاهلن جي هجوم جي پويان نه وڃي ۽ ان سٽ تي عمل ڪري ته ”جي لوڪ وَهي لَهوار، تَه تُون وَهُه اوڀَار“. هن کي سيکارجو ته سڀني ماڻهن کي ڪن ڏئي ٻڌي پر ان سان گڏو گڏ هن کي اهو به سيکارجو ته هو پنهنجي سمجھ جي ڇاڻيءَ ۾ ڪوڙ ڇاڻي ڇڏي ۽ باقي سچ کي پاڻ وٽ سرمائي وانگر رکي. هن کي اسڪول ۾ سيکارجو ته نقل ڪرڻ کان وڏيڪ عزت ۽ احترام ناپاس ٿيڻ ۾ هوندو آهي“. هن کي سيکارجو ته پنهنجي خيالن ۽ سوچن تي قائم رهي پوءِ ڀلي سڀ ماڻهو هن کي غلط ڇو نه سمجھن. هن کي سيکارجو ته ڏاڍن ماڻهن سان ڏاڍو ۽ محبتي ماڻهن سان محبتي ٿئي. جيڪڏهن توهان هن کي سيکاري سگھو ٿا ته هن کي سيکارجو ته ڏک ۾ ٽهڪ ڪيئن ڏبو آهي. هن کي سيکارجو ته ڳوڙها ڳاڙڻ ۾ شرم محسوس نه ڪري. هن کي سيکارجو ته تمام گھڻي عياشي، مزي ۽ مٺاڻ کان خبردار رهي. هن کي ڀلي اهو به سيکارجو ته پنهنجو ذهن ۽ پنهنجو مضبوط جسم ڪنهن وڏي قيمت تي وڪڻي پر دل ۽ روح ڪنهن به قيمت ۾ نه وڪڻي. هن کي سيکارجو ته رڙيون ڪندڙ هجوم آڏو پنهنجا ڪن بند ڪري ڇڏي ۽ جنهن ڳالهه کي هو صحيح ٿو سمجھي ان تي مڙس ماڻهو ٿي بيهي ۽ ان لاءِ وڙهي. هن سان پيار سان هلجو پر هن کي ٻارن وانگر ڀاڪر پائي گھڻو لاڏلو نه ڪجو ڇو ته باهه مان گذرڻ کانپوءِ ئي سٺو لوهه ٺهندو آهي. هن کي بهادر ٿيڻ لاءِ صبر ڏجو. هن کي اهو هميشه سيکارجو ته پنهنجو پاڻ تي ڀرپور اعتماد رکي ڇو ته فقط ان ئي صورت ۾ هن کي انسان ذات تي ڀرپور اعتماد ٿي سگھندو. هي منهنجون وڏيون فرمائشون ۽ حڪم ناما آهن پر ڏسجو توهان جيڪو ڪجھ ڪري سگھو ته ڪجو. هي منهنجو روح منهنجو ٻچو ڏاڍو ڀلو ماڻهو اٿو
توهان هن کي سيکاري سگھو ٿا ته پنج روپيه لڀڻ کان هڪ روپيو ڪمائڻ وڌيڪ قيمتي آهي عظيم ماڻهن جي سوچ ۽ ڳالهيون به عظيم هونديون آهن ۔۔۔۔ پر اڄڪلهه الائي ڇو اسان شارٽ ڪٽ جي چڪر ۾ اچي سڀ ڪجهه وڃائي رهيا آهيون ۽ محنت ڪرڻ ڇڏي ڏني آهي۔
هن کي سيکارجو ته ڏاڍن ماڻهن سان ڏاڍو ۽ محبتي ماڻهن سان محبتي ٿئي. اِهو سبق جنهن ٻار کي سيکاريو ته اُن جو ٻار دنيا جي عظيم شخصيت بڻجي سگهي ٿو شڪست اُن جي ويجهو بي نه ايندي
جيڪڏهن توهان هڪ هڪ ڊالر پاڻ ۾ تبديل ڪندو، ته توهان ٻنهي وٽ هڪ هڪ ڊالر ئي هوندو۔۔پر جيڪڏهن توهان ٻئي هڪ هڪ خوبصورت سوچ کي تبديل ڪندو ته توهان ٻنهين وٽ ٻه خوبصورت سوچون هونديون۔۔۔!!! (ابراهم لنڪن)
