باهه به ناهي، ساهه به ساڙي - اهو ئي ته آهي عشق الاڙي! جنهن کي تاڙي چرخي چاڙهي - اهو ئي ته آهي عشق الاڙي! سوچو عاشق چِپ هي ڇاهي! شينهن به ناهي، بگهڙ به ناهي، تڏهن به تن ٿو چيري، ڦاڙي - اهو ئي ته آهي عشق الاڙي! سُونهين سمجهي سِير ٽپي ٿو، ڪاٺي وانگي ڪوهه ڪپي ٿو، لوڙهي وانگر باه لتاڙي - اهو ئي ته آهي عشق الاڙي! تن ۾ سوگهي تاڻ لڪائي، ڪيڏو پنهنجو پاڻ لڪائي، پوءِ به پچارون آڙي پاڙي - اهو ئي ته آهي عشق الاڙي! اکڙيون ڳاڙهيون ڄڻ ته اماڙيون، ساهَه وڃن سامُهين کي ساڙيون، توکي ڏسبو اهڙي ڏهاڙي - اهو ئي ته آهي عشق الاڙي! عشق سان منهنجي گهاٽي ياري، جوڀن کان استاد بخاري، پهرا جاري پهر اجاڙي - اهو ئي ته آهي عشق الاڙي! استاد بخاري
عشق سان منهنجي گهاٽي ياري، جوڀن کان استاد بخاري، پهرا جاري پهر اجاڙي - اهو ئي ته آهي عشق الاڙي! واهه بخاري واهه ۔۔۔۔ اهوئي ته عشق آهي۔
