بند اکيون

[سنڌي نور]

• اکيون بند ڪيان ٿِي ته ،
  هُن کي پاڻ سان گڏ،
  ڪينجهر جِي
  ڇولين منجهه ڏسان ٿِي.... !
  اکيون کوليان ٿِي ته ،
  پاڻ کي مڪلِيءَ جي،
  ويران قبرستانن ۾ ،
  رُلندي ڏسان ٿي.......!
  اکيون بند ڪيان ٿي ته ،
  هُن سان گڏ ڪارونجهر تي،
  مينهن جي مُندَ ۾ پُسان ٿِي ...!
  اکيون کوليان ٿِي ته،
  ٿَرَ جِي پِياسِي وارِيءَ ،
  جي ذرڙن ۾،
  پاڻ کي گُم ٿيندو ڏِسان ٿِي ...!
  اکيون بند ڪيان ٿِي ته ،
  هُن سان گڏ ڄامشورو ڪنڌِيءَ،
  المنظر تي،
  هَٿ هَٿ ۾ ڏيئِي هلان ٿِي،
  اکيون کوليان ٿِي ته ،
  پاڻ کي صحرائُن جي رِڻَ ۾،
  اپاهج ڀٽڪندو ڏِسان ٿِي.... !
  ڀٽڪندو ڏسان ٿِي.....!
  ڀٽڪندو ڏسان ٿِي ،،،!
  نور​

 

[ننگر پرويز عباسي]

تمام بهترين ۽ سهڻو نظم آهي