آخر سياستدانن جو اليڪشن مهم جو ساڳيو طريقو ڪيسيتائين هلندو؟

[رشيد سمون]

ڪجهه ڏينهن اڳ اسان جي محترم دوست سليمان وساڻ وٽ پيپلز پارٽي جو مشهور پر پنجن سالن تائين گم سياستدان سندن 2 سال اڳ وفات ڪري ويل والد صاحب جي تعزيت ڪرڻ آيو هو۔۔۔ ڏيکاء تعزيت ۽ مقصد ڪجهه ٻيو۔۔۔
ساڳئي سلسلي مطابق پيپلز پارٽي جو سابقه سينيئر وزير پير مظهر الحق ڪجهه ڏينهن اڳ ئي منهنجي ڳوٺ ”ٽڳا“ آيل هو۔۔ هن دفعي به ساڳيو طريقي ڪار رکيل هو۔۔ پير مظهر الحق سنڌ سلامت جي قابل ۽ محترم رڪن سائين عتيق الرحمان جي والدِ محترم محمد عثمان ٽڳو جيڪي ڳوٺ جي انتهائي معتبر ۽ محترم شخصيت هيا ۽ لڳ ڀڳ ڏيڍ سال اڳ هن دنياءِ فاني مان لاڏاڻو ڪري ويا هئا۔۔ جن جي تعزيت ڪرڻ پهتا هئا۔۔
حقيقت ته اها آهي ته وفات جي ايتري عرصي گذرڻ باوجود به سياستدان اهو به نه پيا ڏسن ته ڳوٺ ۾ پوئنر موجود به آهن يا اهي ڪنهن ٻئي هنڌ لڏي ويا آهن۔۔۔

ڪاوش جي نظر ۾ اها خبر ڪجهه هن طرح هئي۔۔۔
2457 اٽيچمينٽ ڏسو


دوستن کي تفصيل پڙهي موضوع جي عنوان تي تبصرو ڪرڻ جي درخواست ڪجي ٿي۔۔۔

 

[منظور ڪلهوڙو]

سائين مون اها خبر ان ڏينهن پڙهي هُئي ان ڏينهن مان ڳوٺ ئي هيس، انهن ڏينهن ۾ مان به ڪنهن فوتگي جي سلسلي ۾ ڳوٺ ئي ويل هيس خبر پئي ته اسان جي تڏي تي مير نادر مگسي اچي رهيو آهي، اصل ۾ اسان جي ڳوٺ جي هڪ معزز شخصيت جي والده ماجده ڪجهه هفته اڳ لاڏاڻو ڪري وئي هُئي سو مير نادر مگسي کي ڏاڍو جلد خبر پئجي وئي ته هن به سانباهو ڪيو ته ٻيلي تعذيت ڪري اچجي۔۔ان سان گڏ گڏ خبر پيس ته ٻيلي ٻي به هڪ تازي فوتگي ٿي وئي آهي سو اها ئي مهل آهي ٿي اچجي۔۔هاڻ اسان نه ڪڏهن مير نادر مگسي کي سڃاڻو نه ئي اسان جي ڪي وڏا ان کي سڃاڻن پر خير سنڌين جي ثقافت آهي تڏي تي آيل کي مان ڏبو آهي، اهڙي ريت دعا ايثال ثواب کانپو ڳاليهون ٻولهيون نڪتيون، تنهن تي مير نادر مگسي اهو اعتراف ڪيو ته واقعي اسان گهڻي غلطي ڪئي آهي جنهن جو هاڻ احساس ٿي رهيو آهي، تنهن تي اسان جي هڪ باشعور دوست جواب ڏنس ته سائين ڏاڍو دير سان احساس ٿيو اٿو هاڻ ڪجهه ڪين ورندو، اوهان سڀني جيڪي سور ڏيڻا هيا سي ڏنا اٿو۔۔توهان جنهن رستي کان لنهگي نصيرآباد کان اسان جي ڳوٺ واسو ڪلهوڙو تائين آيا هوندا اهو رستو مان ننڍو آهيان جو ڀڄي ڀُري ويو آهي ان سموري 30 سالن جي عرصي ۾ مون ته ڪڏهن ان کي ٺهندي نه ڏٺو آهي ته اوهان پنج سالن ۾ ڇا ڪري سگهو ها۔۔ منهنجي جواني ۾ ته ڪڏهن منهنجي ڳوٺ گئس نه ٿي اڇي سگهي پر خبر ناهه ڪي منهنجا پونيئر اهو ڏينهن ڏسن اڃا اهي ڪهڙا اسان جا حڪمران ايندا جيڪي اسان جي پٽن تي پها رکن۔۔تنهن تي مير نادر مگسي اٿڻ م ئي پنهنجي ڀلائي سمجهي ۽ 12 ڊبل ڊور گاڏين جو قافلو ۽ هر هڪ گاڏي تي چار ڇار ڪلاشنڪوفن وارا ٻٽون ٻڌل ڌاڙيل نما هٿيار بند ويٺل هئا جيڪي پو ڌوڙ اڏائيندا اسان جي ڳوٺ کان نڪري ويا۔۔۔اهڙي ريت مونکي پير مظهر الحق به محسوس ٿيو ته اڙي حيف هجيو توهان جي حياتي تي۔۔پر شابس ڏيو ان سنڌڏي قوم کي جيڪا تڏي تي آيل کي مان ڏيندي آهي نه ته صفا چڻا پنا ڪرڻ جهڙا آهن اهي سڀئي اليڪشني فقير۔

 

[سليمان وساڻ]

يار رشيد سياست ۾ اهو طريقيڪار پراڻو ۽ روايتي آهي۔ اسان وٽ نه ته روايتون تبديل ٿيون آهن ۽ نه ئي سياسي رنگ ڍنگ۔

مونکي واقعي ئي حيرت ٿي هئي جڏهن مير اسماعيل بروهي اسان جي اوطاق تي آيو۔ اسان هن سان ڪچهري ڪري رهيا هئاسين، ڇو ته هو اسان جي پراڻي دوستن مان هڪ آهي۔ هڪ ڳالهه آهي ته سچل ڳوٺ ليز ڪرائڻ وقت به هن اسان سان گڏ سٺو رول ادا ڪيو هو۔ پر جڏهن هو پ پ پ ڪراچي ڊويزن جو جنرل سيڪريٽري ٿيو ته سچل ڳوٺ ڏانهن نه لڙيو ۽ نه ئي ڏيڍ سال اڳ لاڏاڻو ڪري ويل منهنجي والد صاحب جي عذر خواهي لاء آيو۔ اوچتو جڏهن هن چيو ته دعا گهرون ته مان حيران هئس ته ڇاجي دعا، پوء ماما تاج محمد چيو ته تنهنجي والد جي دعا ۔۔۔۔

مونکي سخت غصو اچي رهيو هو ۽ مان رد عمل طور ڳالهائڻ شروع ڪيو ته ماما مونکي روڪي ڇڏيو ۔۔۔۔۔ ڏک ٿيندو آهي ته اقتدار ملڻ وقت اهي ماڻهو سڀ ڪجهه وساري ٿا ويهن ۽ پوء پنهنجي مفاد وقت سڀ ياد ٿو اچين۔ ساڳيو ڪم پير مظهر به ڪيو آهي۔ سياستدان جي اهڙي عمل کي هن ڪارٽون ذريعي ڏيکاريو ويو آهي۔

 

[ممتاز قريشي]

اسان جي سياستدانن ۾ مفاد پرستي، موقعي پرستي، منافق پرستي سڀ خوبيون موجود آهن . اٻوجهه عوام کي ڪڏهن ۽ ڪهڙي دوکي جو سُرمو پارائجي اهو فن کين نسل در نسل ملندو اچي. قُصور انهن سياسي ڊرامي بازن جو ناهي، اها اسان جي پنهنجي ڪمزوري آهي جو کين هميشه ووٽ ڏئي پنهنجي اڇي ۽ ڪاري کي بدلائڻ جو حق اهڙن نيچ، دولت جي نشي ۾ مغرور بدماش ماڻهن کي ڏيو ڇڏيون. انهن مان ڪنهن ڀلائي جي اُميد رکڻ فُضول آهي. افسوس سان چوڻو ٿو پوي ته هر سنڌي ماڻهو اهو چاهي ٿو ته سنڌ جي حالت تبديل ٿيي ، پر حقيقت ۾ ايئن ٿيڻ بيحد مشڪل آهي . اسان پنهنجي سوچ ته بدلائي نٿا سگهون ، پنهنجي حالت ڪيئن تبديل ڪنداسين..!!؟؟