تعليمي آڊيو گيت

[رشيد سمون]

ڪجهه ڏينهن اڳ اسان جي دوست محترم ايس ايم درس هڪ غير سرڪاري تنظيم ڪميونٽي ڊيولپمينٽ نيٽورڪ ملير جو تعارف پيش ڪيو هو۔۔۔ تنظيم جو جتي مختلف تعليمي سرگرمين سان شاگردن ۾ شعور پيدا ڪرڻ آهي اتي مختلف پروگرامن ذريعي شاگردن ۾ تعليمي جاڳرتا مهم جاڳائڻ به آهي۔۔۔
تنظيم هيٺ لڳ ڀڳ 18 اسڪول ۽ هڪ ڪمپيوٽر سينٽر آهي جتي سنڌي ڇوڪرن سان گڏ ڇوڪرين ۾ پڻ حڪومت جي تعاون سان مفت تعليم ڏني ويندي آهي۔۔۔ سندن پروگرامن ۾ ڪجهه ڏينهن اڳ مختلف شاعرن جا گيت آڊيو جي صورت ۾ ريڪارڊ ڪرايا ويا ۔۔ گيت ڳائيندڙ جتي استاد هئا اتي شاگرد ۽ شاگردياڻيون به پڻ هيون۔۔
دوست ايس ايم درس جي تعاون سان سندن اسڪولن طرفان ريڪارڊ ڪرايل گيتن کي سنڌ سلامت تي لفظن ۽ آڊيو جي صورت ۾ پيش ڪجي ٿو ۔۔۔

 

[رشيد سمون]

پهريون گيت​

شان سنڌ جو​

(شاعر: مرزا اجمل ابن شمس العلماءَ مرزا قليچ بيگ)​

​

شان آھي ھن جھان ۾ شايان سنڌ جو​

ڪيڏو ڪشادو ڪيو دامان سنڌ جو​

آباد و شاد سنڌ کي ھر دم ڪيو خدا​

سر سبز وادي ان جي ۽ ميدان سنڌ جو​

ڄاواسين ۽ پلياسين ۽ نپياسين سنڌ ۾​

لاھي ڪڏھن نه سگھنداسين احسان سنڌ جو​

ھيءُ صوفين ولين ۽ فقيرن جو آستان​

ٿيو ان ڪري به خدا نگھبان سنڌ جو​

اجمل ڪفن ۽ خاڪ ڏيو سنڌ جي مون کي​

وجھجھوم قبر تي گل ريحان سنڌ جو​

​

[gmp3]fileden.com/files/2008/11/25/2199844/01%20Track%201.mp3[/gmp3]​

 

[رشيد سمون]

ٻيو گيت​

ٽرئفڪ سگنل​

(شاعر: شمشير الحيدري)​

​

​

ڳاڙھي بتي ڳاڙھي بتي​

ڇا تي چوين تون​

​

مان ٿي چوان، مان ٿي چوان​

بيھُه ، بيھُه ، بيھُه​

جيسين اچي ھيڊي بتي​

بيھُه ، بيھُه ، بيھُه ..........​

ھيڊي بتي، ھيڊي بتي​

ڇا ٿي چوين تون؟​

​

مان ٿي چوان ، مان ٿي چوان​

ترسُ، ترسُ ، ترسُ ........​

​

جيسين اچي سائي بتي،​

ترسُ، ترسُ ، ترسُ ........​

​

سائي بتي، سائي بتي​

ڇا ٿي چوين تون؟​

​

مان ٿي چوان ، مان ٿي چوان​

ھاڻي ھل ، ھاڻي ھل​

​

گاڏي کي ھلاءِ ڀلي،​

سائيڪل کي ڊوڙائي ڀلي​

ڌيان سان ھلجئين تون پل پل​

​

مھرباني ، مھرباني​

ڳاڙي ، سائي ، ھيڊي بتي!​

ھاڻي سمجھيم، ھاڻي سمجھيم​

ٽرئفڪ جو سنگنل​

​

ٽرئفڪ جو سنگنل​

واه واه ٽرئفڪ جو سنگنل​

ٽرئفڪ جو سنگنل​

واه واه ٽرئفڪ جو سنگنل​

​

ٽرئفڪ جو سنگنل​

واه واه ٽرئفڪ جو سنگنل​

ٽرئفڪ جو سنگنل​

واه واه ٽرئفڪ جو سنگنل​

​

[gmp3]fileden.com/files/2008/11/25/2199844/02%20Track%202.mp3[/gmp3]​

 

[رشيد سمون]

ٽيون گيت​

ڪونج کي نه مار​

​

(شاعر: شمشير الحيدري)​

​

ڪونج کي نه مار ڀاءُ ڪونج کي نه مار​

ڪونج ويچاري ويٺي درياءِ جي ھن پار​

​

نٿ نه ٿي کپي نٿ تون نه آڻ​

نٿ جي پئسن لي تون ڪونج کي نه مار​

ڪونج ويچاري ويٺي درياءِ جي ھن پار​

​

چوڙيون نه ٿيون کپن تون چوڙيون نه آڻ​

چوڙين جي ڪري ڪونج کي نه مار​

ڪونج ويچاري ويٺي درياءِ جي ھن پار​

​

رئو تون نه آڻ مون لي رئو تون نه آڻ​

رئو وٺڻ لي تون ڪونج کي نه مار​

ڪونج ويچاري ويٺي درياءِ جي ھن پار​

[gmp3]fileden.com/files/2008/11/25/2199844/03%20Track%203.mp3[/gmp3]​

 

[رشيد سمون]

چوٿون گيت​

سنڌو جي ٻڌ ڪھاڻي​

(شاعر: شمشير الحيدري)​

​

اي منھنجا پيارا پٽڙا​

اي منھنجي پياري نياڻي​

اچ مان ٻڌايان سنڌوءَ جي ڪھاڻي​

سنڌوءَ جي ٻڌ ڪھاڻي، سنڌوءَ جي ٻڌ ڪھاڻي​

مشھور آھي جيڪا جڳ ۾ ندين جي راڻي​

صدين کان آھي قائم ھن ڏيھه جي ڌياڻي​

تھذيب کان به جھوني تاريخ کان به پراڻي​

سنڌوءَ جي ٻڌ ڪھاڻي​

سنڌوءَ جي سير ۾ ڏس، ڪيمياگريءَ جي قدرت​

مٽي به سون آھي، پاڻي به آھي امرت​

ڄائي ھماليا جي آھي ڪيڏي نه سياڻي​

سنڌوءَ جي ٻڌ ڪھاڻي​

برفن جي شاھزادي ڪيلاش ۾ ڪڏي ٿي​

جھرڻن ۾ ڪئن ٿي جھومي، جبلن کي ڪئن ٿڏي ٿي​

ھونئن مانسروور ۾ ڪيڏي نه ھئي نماڻي​

سنڌوءَ جي ٻڌ ڪھاڻي​

لداخ کي لتاڙي، گگلت کان آئي ھنزا​

جبلن جي جان جھوري، پٿر ڪيائين پرزا​

بيحد بلندين تان، ڪشمير ڏانھن اڏاڻي​

سنڌوءَ جي ٻڌ ڪھاڻي​

ڪشمير کان جو نڪتي، پنجاب ڏي اڏامي​

پنجن ندين ادب سان ڊوڙي ڏني سلامي​

ھاڻي ھلي ٿي سنڌ ڏي، ڇا ٽور آ شھاڻي​

سنڌوءَ جي ٻڌ ڪھاڻي​

ڌرتيءَ جي ساري خوشبو سنڌوءَ ۾ جا سمائي​

قدمن ۾ سنڌ جي سا آڻي انھيءَ پڄائي​

ھر جيءَ ۾ جان آئي، ھر ساھ سگھه ماڻي​

سنڌوءَ جي ٻڌ ڪھاڻي​

ڪشمور کان ڪراچي، سنڌوءَ جي موج مستي​

ساگر اندر اچيو ٿي پنھنجي وڃائي ھستي​

ھيڏي سڄي سفر جي ٿي خير سان پڄاڻي​

سنڌوءَ جي ٻڌ ڪھاڻي​

​

[gmp3]fileden.com/files/2008/11/25/2199844/04%20Track%204.mp3[/gmp3]​

 

[رشيد سمون]

پنجون گيت​

صحت جو گيت​

(شاعر: شمشير الحيدري)​

​

ٻارو رکو صحت جو خيال​

صحت بنا جيئڻ جنجال​

صبح اٿڻ سان ڏندڻ ڪريو​

وھنجي ڌوتل ڪپڙا پھريو​

وار سنواري ٿيو نھال​

نيرن کائي وڃو اسڪول​

خوب پڙھڻ ۾ ٿيو مشغول​

پاس ٿي ڏيکاريو ھر سال​

منجھند جو آرام ڪريو​

گھر جي ڪم جو ڌيان ڌريو​

شام جو کيڏو بيٽ ۽ بال​

سج لھي ته پڙھڻ تي ويھو​

ھوم ورڪ سڀ پورو ڪريو​

ڪريو پورا سڀ سوال​

​

[gmp3]fileden.com/files/2008/11/25/2199844/05%20Track%205.mp3[/gmp3]​

 

[رشيد سمون]

ڇهون گيت​

اچو ته پنھنجو ڳوٺ سڌاريون​

(شاعر: سليم ھالائي)​

​

ٻنيون ٻارا باغ سنواريون، پنھنجا گھر ۽ گھاٽ اُجاريون،​

روشن مستقبل ڏي نھاريون، اچو ته پنھنجو ڳوٺ سڌاريون​

رستن تي ڇڻڪار ڪنداسون، پاسن کان وڻڪار ڪنداسون،​

لڳي وڃن چو طرف بھاريون، اچو ته پنھنجو ڳوٺ سڌاريون​

علم ھنر ھڪ دولت آھي، جنھن کي چوريءَ جو ڊپ ناھي،​

ننڍن وڏن کي علم سيکاريون، اچو ته پنھنجو ڳوٺ سڌاريون​

گند ڪچري ۾ آ بيماري، آھي صفائي حڪمت واري​

ڳوٺن مان ڪچري کي ٻھاريون، اچو ته پنھنجو ڳوٺ سڌاريون​

موليٰ ملڪ ۾ مال وڌائي، پنھنجو سليم تي ڀالُ ڀلائي​

ڀليون ھجن شل پنھنجون ڀٽَاريون، اچو ته پنھنجو ڳوٺ سڌاريون​

​

(ڪلاس پنجون ڪورس مان کنيل پيج نمبر: 55 )​

​

[gmp3]fileden.com/files/2008/11/25/2199844/06%20Track%206.mp3[/gmp3]​

​

 

[رشيد سمون]

ستون گيت​

منھنجي امڙ​

(شاعر: ڀيرو مل غريب)​

​

مون کي ڪنھن ٿي کير پياريو، ننڍ ڦٽي مون جڏھن ٿي پيئي​

پيار منجھان ٿي گود ويھاريو، ڪنھن ٿي سمھاريو لولي ڏيئي؟​

منھنجي امڙ منھنجي امڙ​

پنڌ ڪندي جي ڌڪو کاڌم ، صبح سانجھي سار لڌائين،​

ڪنھن کڻي ٿي ڇاتي لاتم، کاڌو پيتو ڪيئن ٿي ڏنائين​

پيار منجھان ٿي ڀاڪر پاتم، مون تي پنھنجو ساھ ڇڏيائين​

منھنجي امڙ منھنجي امڙ​

تو ڪئي مون سان آھ ڀلائي، وڌي جڏھن آئون وڏو ٿيندس​

تو لئه ڪريان شُڪر سدائي، سک سوين آئون توکي ڏيندس​

مور نه وسري تنھنجي چڱائي، توتي پنھنجو ساھ ڇڏيندس​

منھنجي امڙ منھنجي امڙ​

​

(ڪلاس ٻيون ڪورس مان کنيل پيج نمبر: 18 )​

​

[gmp3]fileden.com/files/2008/11/25/2199844/07%20Track%207.mp3[/gmp3]​

 

[رشيد سمون]

اٺون گيت​

گُڏي​

(شاعر: نامعلوم)​

​

اچوڙي ڀينر راند رچايون​

ننڍڙي گُڏڙيءَ کي پرڻايون​

اچو گڏي کي زيور پايون​

ڀرت ڀريل پوشاڪ ڍڪايون​

گلن ڦلن جي سيج وڇايون​

ڏاج ڏيون ۽ گھور گھمايون​

گڏجي گيت خوشيءَ جا ڳايون​

ننڍڙي گُڏڙيءَ کي پرڻايون​

گُڏڙي پنھنجي گھر جي راڻي​

پڙھيل لکيل ۽ سگھڙ سياڻي​

کٽي نه ان جو ان ۽ پاڻي​

ڏين مبارڪ ٻايون دايون​

ننڍڙي گُڏڙيءَ کي پرڻايون​

(ڪلاس ٻيون ڪورس مان کنيل پيج نمبر: 40)​

​

[gmp3]fileden.com/files/2008/11/25/2199844/08%20Track%208.mp3[/gmp3]​

 

[رشيد سمون]

نائون گيت​

سائيڪل​

(شاعر: شمشير الحيدري)​

​

بابا ڏياري سائيڪل​

بابا ڏياري سائيڪل​

ڪير ھلي ھاڻي پيدل​

ڪير ھلي ھاڻي پيدل​

سائيڪل پنھنجي نئين نياري​

گھنٽي ھن جي ٽڻ ٽڻ واري​

واه ڦري ٿو ڪيئن ھينڊل​

بابا ڏياري سائيڪل​

مور نه ٿئي ٿي پنڪچر​

ائيڻ ڊوڙي جيئن لاري موٽر​

ھٿن مان ترڪي پيو ھينڊل​

بابا ڏياري سائيڪل​

سڀ کان سستي سولي سواري​

سارو ڏينھن گھمان چوڌاري​

ڪو نه ٿئي پيٽرول جو بل​

بابا ڏياري سائيڪل​

ڌيان سان روڊ تي ھلندو آھيان​

آسي پاسي ڏسندو آھيان​

تڪڙ ڪڏھن نه ڪريان مور​

بابا ڏياري سائيڪل​

ڳاڙھي بتيءَ تي بيھندو آھيان​

سائي بتي تي ھلندو آھيان​

ٽوڙيان ڪو نه ڪڏھن سنگنل​

بابا ڏياري سائيڪل​

​

[gmp3]fileden.com/files/2008/11/25/2199844/09%20Track%209.mp3[/gmp3]​

 

[رشيد سمون]

الف ب جي پٽي

ا | ب | ٻ | ڀ | ت | ٿ | ٽ
\ ٺ | ث | پ | ج | ڄ ۔ | جهه | ڃ ۔۔۔۔۔۔
\ چ | ڇ| ح | خ | د ۔ | ڌ | ڏ

\ ڊ | ڍ | ذ | ر | ڙ | ز | س

\ ش | ص | ض | ط | ظ ۔ | ع | غ

\ ف | ڦ | ق | ڪ | ک | گ | ڳ

\ گهه | ڱ | ل | م | ن ۔ | ڻ | و

\ هه | ء| ي || ۔ | |

[gmp3]fileden.com/files/2008/11/25/2199844/10%20Track%2010.mp3[/gmp3]

 

[نثارابڙو]

تمام سهڻو ڪم ڪيو اٿوَ ۔۔۔ پيارا رشيد ۔۔۔ هميشه جيئان ٻاراڻا گيت لڳائي سنڌ سلامت جي رونق وڌائي ڇڏي اٿوَ ۔۔۔ لک قرب

 

[رحيم بخش]

تمام بهترين محنت آهي علمي گيتن ۾ ٻارن ۾ شعور پيدا ڪرڻ جي ڪوشش ڪئي وئي آهي۔

 

[منظور ڪلهوڙو]

نهايت بهترين سائين لکين قرب جو اهڙي ناياب ونڊ اسان سان ڪئي وئي آهي۔ شل سدا سلامت رهو۔۔۔سائين اسان وٽ به ڪو جيڪڏهن آڊيو گيت هجي ته اهو سنڌ سلامت تي ڪئين اپلوڊ ڪجي؟؟؟ آگاهي ڏيندا۔

 

[ايس ايم درس]

مهرباني سائين رشيد صاحب، اڄ پنهنجن ننڍڙن ٻارن جي آواز ۾ ڳايل تعليمي گيت توهان جي ئي محنت ۽ ساٿ سان سنڌ سلامت تي آيا آهن۔ اميد تۡه توهان جو شفقت ڀريو ساٿ اسان سان هميشه رهندو۔

 

[سليمان وساڻ]

اهي گيت جيڪي ننڍي هوندي اسان به ياد ڪيا ۽ اسان به ڳايا، انهن جي سهڻي انداز ۽ مٺڙي آواز ۾ ٻڌي خوشي ٿي۔

 

[جان زريناڻي]

دل کي وڻندڙ ونڊ آهي ڏاڍي سُٺي ونڊ آهي وڏا مهرباني

 

[معصوم سنڌي]

چونڊ معياري آهي

 

[سليمان وساڻ]

رشيد سائين ھي اھم ٿريڊ آھي .... مھرباني ڪري آڊيو فائيل جا لنڪ سڌا ڪيو

 

[ايس ايم درس]

ادا رشيد صاحب گيتن جي سي ڊي ڀاءُ تائين پهچائي ڇڏي آهي.