نوجوان کي ڪار جي ٽڪر سان قتل ڪندڙ آزاد

[منظور ڪلهوڙو]

پهرين اپريل 2013 تي ڪراچي جي علائقي گلستان جوهر ۾ جوهر چورنگي لڳ ڪار جي زوردار ٽڪر لڳڻ سان شهيد ٿيندڙ 19 سالن نوجوان الطاف احمد عباسي ولد محمد يار عباسي جي وارثن پاران احتجاج..
ڪراچي؛ ڪراچي جي علائقي گلستان جوهر ۾ جوهر چورنگي لڳ ڪار جي زوردار ٽڪر لڳڻ سان شهيد ٿيندڙ 19 سالن جي نوجوان الطاف احمد عباسي ولد محمد يار عباسي جي وارثن پاران احتجاج ڪندي اهو چيو آهي ته انهن جي نوجوان جي قتل ۾ ملوث جوابدار کي پوليس پاران رشوت وٺي ڪيس ۾ هير ڦير ڪري جوابدار کي
ٻارهن ڏينهن جي اندر اندر 50 لک جي ضمانت جي عيوض آزاد ڪرائي ڇڏيو آهي، هوڏانهن پوليس کان معلوم ڪيو ويو ته انهن انڪار ڪندي اهو ئي چيو ته اسان قلم 322 جي تحت ڪيس درج ڪيو آهي، جيڪا ايف آئي آر ۾ پڻ درج ٿيل آهي، پوليس پاران شڪ ظاهر ڪندي چيو آهي ته ملزم جي وڪيل ۽ ريڊر وچ ۾ پيسن جي ڏيتي ليتي سبب ڪيس جي قلم کي 320 ۾ تبديل ڪري ضمانت جوڳو بڻائي ملزم کي ضمانت تي آزاد ڪرايو آهي، ان سلسلي ۾ فوتي نوجوان جي ڀاءِ پاران ٻيهر ڪيس کي هلائڻ ۽ ضمانت کي رد ڪرائڻ لاءِ اپيل درج ڪرائي آهي، جڏهن ته انويسٽگيشن آفيسر گلستان جوهر ٿاڻو ڪنهن به قسم جي ڪا به سهڪار نٿو ڪري، انصاف نه ٿيڻ جي صورت ۾ وارثن پاران سپريم ڪورٽ کي اپيل ڪرڻ جو ارادو ڪيو آهي.
.

 

[عتيق الرحمان]

بس ادا اصل ڪارڻ اهڙا قانون جا رکوالا آهن جيڪي انسانيت کي لڄائيندڙ واقعن ۾ ملوث هجن ٿا ،اهي رڳو پنهجا ڀڀ ڀرڻ لاء ،قانون انهن وٽ هٿيار انهن وٽ پوء انهن جي مرضي آهي جيئن ڪن ،نه خدا جو خوف نه پنهجي دين جي حرمت،خبر ناهي مسلمان ڇاکي ٿو چئجي ،جيڪي نه الله جي ڪنهن قانون کي مڃين نه الله جي رسول جي ڪنهن عمل کي ،بس الله ڪري ڪو اهڙو ٻانهو اچي جيڪو انهن کي سزا ڏئي،باقي نه ته قيامت تائين صبر ئي ڪرڻو پوندو۔

 

[سليمان وساڻ]

مان سمجهان ٿو ان سلسلي ۾ اسان کي ميڊيا جو سهاروو ٺڻ سان گڏ سڀني کي اي ميل به ڪرڻي پوندي۔ ٻيو ته اسانکي گهرجي ته قانون بابت ڄاڻ رکندڙ دوستن جي مدد وٺون۔

اسان اوهان سان هر حال ۾ گڏ آهيون۔

 

[منظور ڪلهوڙو]

مان سمجهان ٿو ان سلسلي ۾ اسان کي ميڊيا جو سهاروو ٺڻ سان گڏ سڀني کي اي ميل به ڪرڻي پوندي۔ ٻيو ته اسانکي گهرجي ته قانون بابت ڄاڻ رکندڙ دوستن جي مدد وٺون۔

اسان اوهان سان هر حال ۾ گڏ آهيون۔

سائين محترم سليمان وساڻ صاحب اوهان پاران صلاح ڏيڻ تي اوهان جو بيحد مشڪور آهيان۔ سچ پڇو ته اسين پڻ ان سلسلي ۾ گهڻا پريشان آهيون اهو ائين ته آخر قتل اهو ته ڪونهي جو ڪير ڪنهن کي گولي هڻي ماري وجهي يا ڪنهن جي ڪا دشمني پاڙي ته اهو قتل ليکيو وڃي۔ پر هي شهر ۾ سر عام قانون جي لتاڙ ڪندڙ اوباش تيز رفتار ڪارون هلائيندي ڪنهن بيگناهه معصوم شهري کي ماري وجهن ته ڇا اهو قتل ڪونهي، اهڙي ريت هن نوجوان جي وارثن سان به نهايت ظلم ٿيو آهي، ان ڪار واري نوجوان هڪ نه پر ٻن ماڻهن جو قتل ڪيو هو ان ڏينهن۔ آخر پو ان کي سزا ڪئين ملندي، ڪورٽ سڳوري ته ضمانت ڏئي آزاد ڪيو آهي آخر هن نوجوان جي وارثن سان انصاف ڪير ڪندو؟؟ مان اوهان کي عرض ڪندس ته مٿين خبر جيڪڏهن اوهان وس وارن اخبارن ۾ ڏياريو ته مهرباني ٿيندي، ان خبر جي تصديق ڪرڻ لا پهرين ۽ چوٿين اپريل جي ڪاوش، عوامي آواز، سوڀ، ۽ پاڪ وغيره تان وٺي سگهجي ٿي۔ وڌيڪ خبر ڏيڻ لا مان موجود آهيان۔۔مهرباني ڪري هن آواز کي ميڊيا تائين پهچائڻ ۾ اسان جي مدد ڪيو۔۔لک قرب سڄڻن جا۔