سنڌ سلامت جي چوٿين سالگره ۽ سنڌ سلامت جا ٽارگيٽ

سنڌ سلامت فورم جنهن طرح سان سنڌ ۽ سنڌي ماڻهن جي خدمت ۾ پيش پيش رهيو آهي اُهو هڪ وڏو ڪارنامو آهي۔ علم ۽ ادب کانسوا دنيا جي ڪا به قوم اڳتي نٿي وڌي سگهي۔ اڄ جو دور اليڪٽرانڪ جو دور آهي۔ علم حاصل ڪرڻ جا نِت نوان طريقا وجود ۾ اچي چُڪا آهن۔ ڪمپيوٽر هاڻ هر ماڻهو جي کيسي ۾ پيو آهي۔ياد رکڻ گُهرجي ته دنيا جي ترقي سان ڪنڌوڪنڌي ۾ ملائي هلڻ کانسوا ٻيو ڪو رستو نه آهي۔ اهي قومون جن وقت سان گڏوگڏ پنهنجي حالت ۾ تبديليون ڪيون، علم کي عام ماڻهن تائين پهچايو، اُهي اڄ ترقي يافته سڏائجن ٿيون۔ سنڌ پنهنجي تاريخ ۽ ثقافت تي ڪيستائين ناز ڪندي رهندي۔ اسان کي جديد دور جي گُهرجن کي اپنائڻو پوندو۔ هر سنڌي کي ڪمپيوٽر، انٽرنيٽ ۽ ان تي موجود مسلسل شامل ٿيندڙ هر هڪ نئين ڄاڻ کي سکڻو پوندو۔ سنڌ ۾ علم جي روشني ڦيلائيڻ ۾ سنڌ سلامت جو ڪردار ناقابلِ فراموش آهي۔ ڪمپيوٽر تي سنڌ جو وجود ، سنڌ جي سڃاڻپ ، دنيا آڏو پڙهيل لکيل سنڌين جي حيثيت کي جنهن انداز سان سنڌ سلامت سامهون آندو آهي شايد ئي ڪنهن ٻي سنڌي سائيٽ ايئن ڪيو هُجي۔
اسان جو وجود سنڌ سان آهي۔ سنڌي ٻولي سان آهي۔ سنڌ امڙ جي شهرن، ڳوٺن، وسندين، باغن۔ ٻنين، وڻن، هڪ هڪ پتي ۾ اسان جو ساهه آهي۔ ان جي آجپي، ان جي ترقي۔ ان جي شان وڌائڻ لا اسان سڀن کي گڏجي ڪوششون ڪرڻيون پونديون۔ سنڌ سلامت هڪ اهڙو پليٽ فارم آهي جتي سنڌ جي روشن مستقبل لا سوچيو وڃي ٿو، عملي قدم کنيا وڃن ٿا۔ سنڌي ماڻهن کي ڪمپيوٽر تي سنڌي ٻولي ۾ ئي هر جديد علم سان روشناس ڪرائڻ۔ ان کي پڙهڻ، سمجهڻ ۽ حاصل ڪرڻ لا همٿايو وڃي ٿو۔اهڙي عظيم ڪارنامي تي منهنجو سنڌ سلامت جي سڄي سٿ کي سلام آهي۔
منزل اڃا پري آهي۔اسان کي اڃان گهڻو ڪجهه ڪرڻو آهي۔ رستو اڻانگو ضرور آهي پر انشاالله سڀني جي گڏيل ڪوششن سان اهو ڏينهن به ايندو جڏهن اسان فخر سان پاڻ کي سنڌي قوم جو فرد چئي دنيا جي ٻين قومن سان اکيون اکين ۾ مِلائي ڳالهائي سگهنداسين۔
سنڌ سلامت جي چوٿين سالگرهه جي مبارڪ نه صرف پوري انتظاميه کي هجي پر هر هڪ رڪن، هر هڪ سنڌي کي به دِل جي گهرائين سان مبارڪباد۔ شل الله پاڪ پنهنجي مِٺي محبوب مديني واري جي صدقي هن لاٽ کي هميشه روشن رکي۔آمين۔

 

مهربان دوست ذيشان رشيد اوهان تمام ڀلي آگاهي ڏني آهي اسان به انشاءِالله اوهان ڀائرن جا ٻانهن ٻيلي ٿي رهنداسين ۽ اوهان محترم استادن جي شفقت ۾ گهڻو ڪجهه سِکنداسين

 

سنڌ سلامت جي سهڻي دوست درويش جي عقيدت جا گل، ۽ سهڻي دوست رشيد سمون جا تفصيل جيڪي هنن ٻنهي دوستن سنڌ سلامت تي نڇاور ڪيا آهن، لفظن جا گل، جذبن جا گل، محبتن جا گل جيڪي آءُ ارپيان ٿو سنڌ سلامت سميت سڀني انهن دوستن کي جن سنڌي ٻوليءَ کي انٽرنيٽ تي وڌايو ۽ رچايو آهي، جن سنڌي ٻوليءَ جو پاڻي هڪ درياه مان کڻي ٻي درياهه ۾ وهايو آهي ... جن ڪتابن تان ادب کي کڻي انٽرنيٽ تي عام ڪري دنيا تائين پهچايو آهي.

سلام دوستو!

جيڪي ماڻهون پنهنجي ٻوليءَ جي حفاظت ڪن ٿا، اصل ۾ اهي پنهنجي ماتا جي لورين جو قرض ادا ڪنٿا ۽ قومي فرض ادا ڪنٿا ...

سنڌ سلامت ساٿ سلامت

 

بهترين ڪاوشون اسانجي سهڻن يارن جون ۽ انشاالله اڳتي به همٿ سان ڪم وٺبو ۽ وڌبو رهبو۔

آخر ته ٿيندو سوجهرو رهڻي ناهي رات
سنڌ سلامت جو ساٿ هميشه رهندي رڳ ۾

سڀني پيارن جي نا

سدائين گڏ

 

انهن ڏينهن ۾ مون به انٽرنيٽ تي سرچنگ ڪرڻ شروع ڪئي هئي.۽ مان انهن ڏينهن ۾سنڌي سائيٽن جي ڳولا ۾ رهندو هئس ۽ ائين ڳولا ڪندي ڪندي منهنجي نظر سنڌسلامت تي وڃي پئي ۽ شروع ۾ مون کي ڳالهه مڙوئي گهٽ پئي سمجهه اچي، پر پوءبه مون سنڌ سلامت کي ڏسڻ نه ڇڏيو.۽ انهن ڏينهن ۾ سنڌ سلامت جي سرواڻ رشيدسمون صاحب جن سان فون تي رابطو پڻ ٿيو ۽ انهيء دوران سمون صاحب مون کي سنڌسلامت جو ميمبر ٿيڻ لاء چيو ۽ ان جو طريقيڪار پڻ ٻڌايو ۽ اهڙي ريت مان سنڌسلامت جو ميمبر ٿئي ويس. ۽ مان ميمبر 14 فيبروري 2010ع ۾ ٿيس ۽ پوءڳالهه پسند آئي ۽ سنڌي ٻوليءَ جي خدمت واري جذبي سان سنڌ سلامت تي مون پڻ ڪجهه ڪوشش ڪئي ۽ ڪجهه ڪچا ڦڪا ليک ۽ تاثر پڻ لکندو رهيس جيڪي منهنجن سنڌ سلامت جي دوستن کي پسندبه آيا ته ناپسند به لڳا، جنهن جو اظهار انهن پنهنجن تاثرات ۾ پڻ ڪيو هو۔،۔۔۔۔۔۽ انهن ڏينهن ۾ مون کي ڪجهه وقت ملندو هو جنهن جي ڪري مان سنڌ سلامت کي مڙئي وقت گهڻو ڏئي سگهندو هئس مگر هاڻ آفيس جي ڪجهه ذميوارين جي وڌڻ جي ڪري سنڌسلامت کي وقت مڙئي گهٽ ٿو ڏئي سگهان، باقي سنڌ سلامت فورم سان محبت اهائي ساڳي آهي۔جيئن گهڙي جا ڪانٽا پنهنجو پاڻ ۾ ملندا ته ڪڏهن ڪڏهن آهن مگر هوندا سدائين گڏ آهن۔ جنهن لاء سنڌ سلامت جي دوستن ۽ انتظاميه کان پڻ معذرت ٿو ڪريان۔ انهن ڏينهن ۾ سمون صاحب به مونسان فون تي ڪافي وقت ڳالهه ٻولهه پڻ ڪندا رهندا هئا ۽ انهن ڏينهن ۾ سنڌ سلامت فورم جي ميمبرن کي هڪ هنڌ گڏ ڪري حال احوال ڪرڻ لاء سمون صاحب هڪ سلاطين هوٽل تي گڏجاڻي پڻ رکندا هئا مگر شايد وقت نه هجڻ جي ڪري هاڻي اهي عمل ٿيندي نظر اچي نه رهيا آهن ،يا وري اگر اهي عمل ٿئي به رهيا آهن ته ان جو مون کي علم نه رهيو آهي، مگر ادا اهيا حقيقت آهي ته انٽر نيٽ جي دنيا ۾ سنڌي کي عام ڪرڻ ۾ سنڌ سلامت جو وڏو ڪردار رهيوآهي، جنهن جي تعريف نه ڪرڻ پنهنجو پاڻ سان ناانصافي ڪرڻ آهي۔ دعا آهي تهشل سدائين اسان جي هي سنڌ ، سنڌي ٻولي، سنڌي ماڻهون ۽ سنڌ سلامت فورم آباد ۽ شاد رهي آميــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن

 

محترم سائين رشيد صاحب پاران سنڌ سلامت بابت تفصيلي ليک پڙهي ماضي ،حال ۽ مستقبل جي ڄاڻ پئجي وئي۔ اسان جي به اها ئي ڪوشش رهي آهي ته سنڌ سلامت سان ايڏو ئي چاهه رکجي جئين اسان پنهنجي بقا لا جاکوڙيون ٿا، ڇو ته ان ۾ ئي اسان جي به بقا آهي، جيڪڏهن هي ٻولي نه آهي ته هوند اسان جو وجود کوکلو ئي آهي، اڄ جيڪو ڪجهه به هي اکر اکر، سٽ، سٽ سنڌ سلامت تي سڀئي سڄڻ پاڻ ۾ ونڊ ڪري رهيا آهن يقينن اهو سڀ ڪجهه ايندڙ نسل لا وڏو هڪ علم جو خزانو معلوم ٿيندو، ائين سمجهو موئن جي دڙي جي تاريخ کي نئون نڪور ڪري اوهان سموري دنيا تائين پهچائي رهيا آهيو، يقينن جيڪي سنڌ کان ڏور رهن ٿا اهي جيڪڏهن سنڌ جا ماڳ گهمڻ هت نٿا اچي سگهن اهي سنڌ سلامت تي اچن ٿا ۽ پنهنجن ماڳن کي ڏسي سڪ لاهين ٿا۔ جيڪي پنهنجي ٻولي ۾ لکڻ پڙهڻ گهرن ٿا اهي سنڌ سلامت جو ڀيرو ڀري پنهنجي اُڃ اُجهائن ٿا، اڄ جي دور ۾ جتي ٻار ٻار کي ڪمپيٽر هٿ ۾ آهي اهي جيڪڏهن سنڌ سلامت سان واڳيل آهن ته سمجهو انهن کي ا ب ٻ ڀ واري پٽي پڙهڻ لا ڳوٺ جي ڏورانهين اسڪول ۾ وڃڻو ئي نه پوندو اهو سڀ ڪجهه سنڌ سلامت تي موجود آهي۔۔بس سائين رشيد واري اها ڳالهه ته تعليم بابت جيڪو پراجيڪٽ آهي ان سلسلي ۾ هر باشعور ميمبر کي سهڪار ڪرڻ گهرجي ته جئين اسان جي ڳوٺن جا ٻارڙا به سنڌ سلامت جي سونهن مان فيضياب ٿي سگهن۔۔۽ جيتري جاکوڙ تعليم جي واڌاري لا ڪبي سمجهو اوتري ئي ترقي سنڌ ۽ سنڌي قوم جي ٿيندي۔ ۽ هن کان به وڌيڪ ايندڙ وقت ۾ سنڌ سلامت انٽرنيٽ تي بي پناهه رنگن سان هميشه نروار رهندي ايندي۔ سهڻي فقير صفت دوست عمران درويش پاران سٽون هنيا ۾ گهر ڪري ويون آهن۔۔لک قرب سڄڻن جا۔۔ ساٿ سلامت، سنڌ سلامت

 

انشا الله تعالي سائين ذيشان کي وک وک تي ساٿ ڏبو۔ پنهنجي وس هر ذميواري پوري ڪبي۔ انهي سلسلي ۾ سائين ۽ منهنجي هڪ دوست سان گڏجاڻي رکيل هئي پر قسمت سان انهي دوست جي گهر ۾ ڪنهن ويجهي مائٽ جي فوت گي ٿي پئي جنهن ڪري ڳوٺ ويل هو۔ هاڻي هڪ ڏينهن سائين ۽ مان ساڻس هٿ فاتع به ڪنداسين ته پنهنجي ڪم لا به ڳالهه ٻولهه به ڪنداسين۔ توهان سڀني دوستن جون دعائون اسان سان گڏ آهن۔ انشا الله هڪ ڏينهن ضرور انهي نيڪ مقصد ۾ ڪاميابي ماڻينداسين۔ آمين۔

 

سنڌ سلامت جي سالگرهه جي موقعي تي سڀني پيارن کي مبارڪون هجن خصوصا سائين ذيشان رشيد جن کي جن جي ڪاوشن هن فورم کي هن منزل تائين پهچايو آهي ٻين پيارن به پنهنجو پاڻ ملهايو آهي سائين محمد سليمان وساڻ سائين نثار ابڙو ، سائين عبدالحفيظ لغاري۔ سائين غلام مصطفى ميمڻ ، محترم عامر ضياء چارڻ ، محترم سائين نثار ناز ، محترم سائين ابو واصف، محترم سائين ابو زين ، محترم عمران سومرو ، محترم زاهد سومرو، محترم عبدالوحيد ڦلپوٽو، محترم ممتاز وگهيو، محترم منظور عباسي، محترم ايس ايم درس، محترم ممتاز احمد قريشي، محترم طاهر سنڌي۔ محترم عرس پريو ۽ ٻيا ڪيترائي دوست شامل آهن جن فورم تي بهترين ڪم ڪيو آهي ۽ هر معاملي ۾ هر وقت مدد لاء تيار نظر ايندا آهن۔

 

واه واه اصل مزو اچي ويو ۔۔۔۔ توهان جس لهڻو

 

سائين امداد جن جي تحرير کي سنڌي ۾ تبديل ڪيو ويو آهي۔

 

مان شاباس ڏيندس ادا رشيد کي جنهن سنڌ سلامت کي منزل تائين پهڇايو آهي۔
ڇوٿين سالگره تي کيس منهنجي طرفان مبارڪ
اميد ته هٿي فورم تمام گهڻي ترقي ڪندو
سنڌ سلامت ساٿ سلامت

 

سائين سنڌ سلامت جي چوٿين سالگره تي ادا رشيد ۽ سڀني سينيئر رڪنن کي هي ناچيز مبارڪ باد ٿو پيش ڪري، ان اميد سان سنڌ سلامت اڃا وڌيڪ ترقي ماڻيندو۔

 

سنڌ سلامت جي چوٿين سالگره تي سڀني دوستن کي دل جي ًًگھرائين سان مبارڪون پيش ڪيون ٿا ۽ اسان اميد ٿا ڪيون ته سنڌ سلامت اڃا وڌيڪ بھتر کان بھتر ڪم ڪندو رھندو ۔انشاالله ۔

 

سنڌ سلامت جي سالگرهه جي موقعي تي سڀني پيارن کي مبارڪون

 

اهي به ڏينهن هوندا هئا جڏهن اهڙين تحريرن ۾ عبدالوهاب جو نالو به ايندو هو۔ پر مرحوم ويچارو۔

 

ادا رشيد، ايترو ڪمپيوٽر ته ڪونه ڄاڻيون، پر اوهان کي مشورا مفت ڏيئي ٿو سگهان۔

 

انهن سڀني دوستن کي جس ڏيان ٿو جن سنڌ سلامت جو خيال دل ۾ آندو ۽ ان خيال کي عملي جامو پهرايو۔