مائڪرو سافٽ ونڊوز 8 جو انٽر فيس سنڌيءَ ۾

2500 اٽيچمينٽ ڏسو ​

دوستو تمام گهڻي خوشي ٿي آهي جو ونڊوز 8 جو انٽرفيس مڪمل طور سنڌيء ۾ اچي ويو آهي۔ مان هيٺ سنڌي ڪمپيوٽنگ جي سرگرم دوست ۽ ٻوليء جي همدرد شبير ڪنڀار جي فيسبوڪ تي موڪليل شيئرن پيش ڪيان ٿو۔ مان ان موقعي تي سنڌي ڪمپيوٽنگ ۽ سائين عبدالماجد ماجد ڀرڳڙي صاحب جي سموري ٽيم کي واڌايون پيش ڪندي سلام پيش ڪيان ٿو۔
_______

هاڻي مائڪرو سافٽ ونڊوز 8 جو انٽر فيس سنڌيءَ ۾ ڪيو آهي، مطلب سڀڪجھ سنڌيءَ ۾ نه رڳو لکت بلڪ ونڊوز جو سٽاءَ ساڄي پاسي وارو ٿي ويو آهي ۽ گڏو گڏ انگ توڙي ڏينهن پڻ سنڌيءَ ۾ ٿي ويا آهن، نه رڳو اهو پر پينٽ وغيره پڻ مڪمل سنڌيءَ ۾ آهن۔

هن لنڪ تي وڃي لئنگويج جو پئڪ ڊائونلوڊ ڪري انسٽال ڪريو ۽ پوءِ مٺڙي سنڌي ٻوليءَ ۾ ڪمپيوٽر جا مزا ماڻيو، سولائيءَ سان ڪمپيوٽر کي سمجھو ۽ سهڻي سنڌي ٻوليءَ تي ڪم ڪريو. وڌيڪ تصويرون فيسبوڪ جي هن لنڪ تي موجود آهن۔

ڪنهن به مونجھاري جي صورت ۾ حاضر حال شبير ڪنڀار۔

 

هي صرف ونڊوز 8 ۾ ڪم ڪندي۔

 

ڪلهه ذيشان رشيد ۽ عرس پريو آيل هئا۔ ڳالهه ونڊوز 8 سنڌي جي نڪتي۔ عبدالڪريم چانڊيو المعروف چاچا ڪريم چانڊيو به هڪ دفعو ٻيهر ناڪام ٿيو ويٺو هو۔ (جي ها سليمان وساڻ هڪ دفعو وري سندس اها التجا اڻ ٻُڌي ڪري ڇڏي ته کيس ڪمپيوٽر جا دا پيچ سيکاري)۔
ڳالهه ونڊوز 8 سنڌي ۾ هُجڻ جي هئي پر بحث ٻولين تي اچي بيٺو۔ چاچا ڪريم جو خيال هو ته هن مُلڪ جي ٺهڻ کان پوءِ ڪنهن به صوبي ۾ نه ڳالهائي ويندڙ ٻولي کي قومي ٻولي قرار ڏيئي انهي ٻولي کي مارڪيٽنگ ٻولي بڻايو ويو۔ جڏهن ته تاج محمد جو نظريو هو ته چئني صوبن جي ٻولي الڳ الڳ هُجڻ ڪري ڪا هڪ اهڙي ٻولي رکڻ ضروري هو جيڪا سڀ سمجهن۔ ڪو سنڌي پشاور وڃي ته ڪهڙي ٻولي ڳالهائي؟ ڪو بلوچ بدين اچي ته ڪهڙي ٻولي ڳالهائي۔ هونئن به ڪُجهه صديون پوءِ سڄي دنيا جي ٻولي هڪ ئي ٿي ويندي۔ پر چاچا انهي دليل تي سرچڻ وارو ڪٿي هو۔
سليمان وساڻ ۽ منهنجي ڳالهه هڪ ئي هئي ته موجد پنهنجي ٻولي جو اثر رکي ٿو۔ جِن ٽي وي، ريموٽ، موبائيل، ڪمپيوٽر ٺاهيا اُهي انهي جا نالا سنڌي، بلوچي، ٽرڪش، فرينچ ۾ ڇو ڏين۔ جيئن اسان ڏاند گاڏي ٺاهي آهي ته پنهنجو نالو ڏنو آهي۔ تيئن انهن پنهنجين شين جا نالا پنهنجي ٻولي ۾ ڏنا آهن۔
رشيد جيڪو رڳو ٻنهي ڌرين جو ڳالهيون ٻُڌي ويٺي پئي کليو تنهن کڻي چيو ته نه پر مون محسوس ڪيو ته هُن جو نظريو اهو هو ته اسان کي به جدت ۾ حصو وٺندي سائنس جي ميدان ۾ اڳتي اچڻ گهُرجي۔ پر جيستائين اهو ٿئي وس ڪري ڌارين جي شين جو ڪو سنڌي نالو ڏجي۔ ڌارين جا ٺهيل ڪمپيوٽر سافٽويئر سنڌي رنگ ۾ رنگجن۔
پر پوءِ به اهو ڏاڍو ڏکيو آهي۔ اڄ به جڏهن برائوزر اپ ڊيٽ ٿا ٿين ته سنڌي ٻولي جي مطابقت (compatibility) هڪ جهنجهٽ ٿيو وڃي جيسين انهي کي درست ڪجي۔
ڪاش هي قوم به دنيا ۾ پاڻ مڃائي۔