ڪتاب ئي زندگيءَ جا بهترين ساٿي آهن. ڏسڻ ۾ ته ڪيترا گونگا، ٻوڙا، انڌا منڊا ۽ بيجان لڳن ٿا، مگر اکين ۽ اکرن وارن لاءِ جان آهن، پساهه آهن، سڏڪا ۽ ٽهڪ آهن، ننڊون ۽ اوجاڳا آهن، زندگيءَ جون لاهيون ۽ چاڙهيون آهن. مطلب ته ڪتابن ۾ انسان پنهنجي خوبين ۽ خامين سان لڪل ۽ ظاهر آهن. (تاج صحرائي) اهي ڪتاب ئي آهن، جن سان اسين خاص طور عظيم شخصيتن سان ميل جول رکي ساڻن گفتگو ڪري لطف اندوز ٿيون ٿا. بهترين ڪتابن ذريعي اسين اعليٰ انسانن سان ڪچهري ڪريون ٿا ۽ هو پنهنجن انمول خيالن کان اسان کي نوازين ٿا ۽ پنهنجا پاڪ روح اسان جي اندر ۾ اوتين ٿا۔ (وليم، ايلري، چٽنگ)
