2548 اٽيچمينٽ ڏسو سنڌ سلامت سنڌي ٻوليء جي ڪتابن جي ذخيري کي دنيا جي ڪنڊ ڪڙڇ تائين پهچائڻ لاء ڊجيٽل بوڪ ايڊيشن متعارف ڪرائڻ جو جيڪو سسلو شروع ڪيو آهي، ان سلسلي جو اڻيتاليهون (39) ڪتاب ڪربلا اوهان اڳيان پيش ڪجي ٿو. ڪربلا سنڌ جي ناليواري ڪهاڻيڪاره ۽ ليکڪا نورالهديٰ شاهه جي 80 جي ڏهاڪي ۾ لکيل ڪهاڻين جو مجموئو آهي. سندس هن ڪتاب جا چئن کان مٿي ايڊيشن ڇپيا آهن. سڀ کان پهرين نيو فيلڊس پبليڪيسن پاران ڇپايو ويو ۽ آخري دفعو روشني پبليڪيشن پاران ڇپايو ويو. سندس هن ڪتاب ۾ سندس مشهور ڪهاڻيون منهنجو من ڀنڀور، زم زم، گورکن، پن ڇڻ جي رُت ۾ ۽ ڪربلا سميت يارنهن ڪهاڻيون شامل آهن. مهربانيون سنڌي ادبي بورڊ جي ويبسائيٽ جون جتي هي ڪتاب موجود آهي. ڪتاب جو ٽائيٽل سنڌ سلامت جي مانواري ميمبر آفتاب کوهارو ڊزائن ڪيو آهي. ڪتاب مان ورتل ٽڪرو هتي ڪلڪ ڪري ڪتاب ڊائونلوڊ ڪيو
ڪربلا ڪھاڻي پڙھي يقين ڪريو اکين ۾ لڙڪ ڇُلي آيا، اھڙا ڪيترا ئي گھر سنڌ ڌرتي تي آباد آھن جن ۾ اڄ به ڪربلا واقع آھي، غربت خاندان جي سربراھ ۽ خاندان جي ھر فرد کي اڏھي جيان کائي ويندي آھي، اسان 3 ويلا ماني کائڻ وارا جيڪڏھن پاڙي ڳوٺ ۾ ھڪ ويلو جو اڌھ به اھڙي خاندان کي ڏيو ته غربت ختم ٿي ويندي، پر اسان الائي ڇو پنھنجي حصي جي لٽي ليڙ به ڪنھن کي ڏيڻ کان ڪيبائيندا آھيون.
مون جڏهن هي ڪهاني پهريون دفعو پڙهي هئي ته ٻه ٽي ڏينهن منهنجي دماغ تي ڇانيل رهي .... اڄ به ڪهاڻي پڙهندي ڪنبي ويندو آهيان. اسان جي معاشري جي ڪهاڻين مان ئي ته آهي، سنڌ جي ڪهاڻي ئي ته آهي
