سنڌي قوم جي عجيب سوچ.........!!!

[عاشق سولنگي]

شاھزيب پنھنجي ڀيڻ جي حفاظت ڪندي ھڪ اوباش شاھ رخ جتوئي جي ھٿان قتل ٿي وڃي ٿو۔۔۔۔۔۔۔۔۔۔۔۔!!!!!!

​

 

[مست]

سهڻا عاشق۔ اسان سنڌي شاهزيب يا شاهه رخ سان ٻڌل ناهيون، نه اسان لاءِ شاهزيب هيرو يا ولن آهي نه وري اسان شاه رخ کي مٿي تي چاڙهيون ٿا پر ادا هڪ ڳالهه اسان سنڌين جي لاءِ وڏي ۾ وڏو ڏک ڏيندڙ آهي، اها هيءُ ته هن وقت تائين سنڌ جي ڪُسيل ڪونڌرن جو هڪ به ڪيس انهيءَ ساڳئي عدالتن ۾ تر جيترو اڳتي نه وڌيو آهي، ڪيترا سنڌي اڳواڻ مارجي ويا، ڪيترا سنڌي جوڌا اغوا ٿي ويا، ڪيترا اپاهج بڻايا ويا، نياڻين سان ڪيس ڪيا ويا پر انهن جي متعلق عدالتن جو رويو ايئن آهي ڄڻ اهي سنڌي نه پر بنگالي آهن۔
افسوس ۔۔ صد افسوس! اينٽي ٽيرارسٽ ڪورٽن ۾ سنڌين جا ڪيترائي ڪيس ساڳئي چيف جسٽس وٽ پيل آهن پر انهن جو ڪو تدارڪ نه ٿيو، هاڻِي دعا اها آهي ته ان ظالم ڪاڻي چيف جسٽس جي جڳهه تي جلد ئي ڪو ٻيو اچي ته ڀلا ڪجهه اميد پيدا ٿئي۔۔
رڳو شاه رخ جو پيءُ سرمائيدار ناهي پر شاهزيب جو پيءُ به وڏو اثر رسوخ رکندڙ آهي، نه ته الائي جي اهڙا ڪيترا ڪيس روز پيا ٿين۔۔ انصاف ٿيو آهي يا نه، اها اسان کي خبر ناهي۔۔۔۔ چيف جسٽس ان ڪيس ۾ رڳو ياري نڀائي آهي،

 

[مست]

​

ڪورٽن جو ڊبل اسٽينڊرڊ

 

[عاشق سولنگي]

مست۔۔۔۔۔۔۔!! اوھان جي جواب پڙھڻ کان بعد مان ائين ئي چوندس ته ھي گيم ٻن خاندانن جي آھي، ھن گيم ۾ اسان ڪنھن کي ھيرو نه بڻايون ته بھتر رھندو۔​

 

[سليمان وساڻ]

ڪورٽن جا ڊبل اسٽينڊرڊ پنهنجي جاء تي پر قاتل قاتل ئي آهي ۔۔۔ پوء ڀلي اهو ڪير به هجي۔

قاتل کي سزا اچڻ گهرجي ۔۔۔ جيڪڏهن وارث کيس معاف ڪن ٿا ته اها ٻي ڳالهه آهي ۔۔۔۔ باقي اسلام ۾ ۽ معاشرن ۾ قتل جو عيوض قتل ئي آهي۔

 

[ممتاز قريشي]

ادا مست توهان جي ڳالهين ۾ ئي توهان جي شڪايت جو جواب موجود آهي۔
رڳو شاه رخ جو پيءُ سرمائيدار ناهي پر شاهزيب جو پيءُ به وڏو اثر رسوخ رکندڙ آهي، نه ته الائي جي اهڙا ڪيترا ڪيس روز پيا ٿين۔۔
ادا۔۔جيستائين مظلومن جي ڪيسن کي مضبوط سپورٽ نه ملندي اهي ويچارا ايئن ئي انصاف لا در در جا ڌِڪا ۽ ٿاٻا کائيندا رهندا۔۔!! ان معاملي ۾ رڳو ڪورٽ کي قصوروار چوڻ منهنجي خيال ۾ درست نه آهي۔ اگر ڌريون ڪيس هلائڻ ۾ سستي نه ڪن ته ڪورٽ ڪيئن ٿي ڪيسن کي ليٽ ڪرائي سگهي۔۔؟ ٻي ڳالهه ته ڪورٽن ۾ پينڊنگ ۾ تمام گهڻا ڪيس هجڻ ڪري اُتي ورڪ لوڊ به ڪافي آهي۔ ها ڪٿي ڪٿي ڪرپٽ ججن جي موجودگي کان انڪار نٿو ڪري سگهجي پر اتي به اگر هڪ ڌر اسٽرانگ اسٽينڊ وٺي ته ڪيس جو فيصلو انصاف سان ممڪن ٿي سگهي ٿو۔ اسان وٽ اهڙي ڪا به فعال تنظيم يا پليٽ فارم موجود نه آهي جيڪو پراڻن ڪيسن ۾ مظلومن جو ساٿ ڏئي يا انهن جا ڪيس جلد اڪلائڻ ۾ پنهنجو ڪردار ادا ڪري۔ اڄ جي دور ۾ ميڊيا جو تمام وڏو اثر آهي۔ انڪري ميڊيا کي به پنهنجو ڪردار ادا ڪرڻ گهرجي۔ تازيون چٽ پٽيون خبرون ڳولهڻ سان گڏوگڏ پراڻيون وارداتون، قتل ۽ انهن مان مختلف خاندانن کي پهچندڙ نقصان ۽ سندن ڪيسن جي اپ ڊيٽ ڏيڻ به ميڊيا جو فرض ٿيي ٿو۔
باقي جن ها پروفائيل سياسي ڪيسن جو فيصلو نه ٿي سگهيو آهي انهن جي وارثن ڪڏهن سنجيدگي سان انصاف چاهيو ئي ناهي۔!!

 

[دوست محمد ڌامراه]

دوستو۔۔ اسان کي شاه رخ واري فيصلي تي ڪو اعتراض ڪونهي۔۔۔ اسان کي هن ملڪ جي عدليه جي تعصب پرستئَ واري رويي تي اعتراض آهي۔۔۔ مان شهري جي حيثيت ۾ اهو ٿو پڇان ته مان پنهنجي اکين سان 12 مئي 2007 ۽ 18 آڪٽوبر 2007 تي ڪراچي جي رستن تي هڪ ئي وقت تي نه ڄاڻ ڪيترن بيگناه شهيد ٿيلن جا لاش ڌٺا هئا۔۔۔۔۔۔
آخر انهن جو ڏوھ ڇا ھو؟؟؟؟
انهن جا قاتل ڪٿي آهن۔۔۔۔؟؟
ڇا هِي سڀ شاهزيب جيان پاڪستان جا شهري نه هئا۔۔؟؟
هن انڌي چيف جسٽس جي استقبال لاء 12 مئي تي ڪراچي ۾ جيڪي بيگناھ ماڻھون متحده قاتل موومينٽ جي ڪتن هٿان شهيد ٿيا۔۔۔ انهن جي ڪيس جو ڪهڙو فيصلو ڏنو آهي هن ڪاڻي دجال۔۔۔۔