ڪجهه به نه !

[مسيح مگسي]

مختصر ڪهاڻي

ڪجهه به نه ! ​

ساگر سهندڙو​

سانجهيءَ جي رومانوي لمحن ۾ ڪراچي جي مصروف علائقي جي سنيڪ بار جي خالي پيل ڳاڙهي ڪرسين تي ويهندي پڇيو مانس: فرينچ فرائيز کائيندي آن؟ ​

وراڻيائين: نه تون کإءُ​

پڇيومانس: ڀلا جيڪڏهن آئون فرينچ فرائيز کائيندس ته توکي ان جو ٽيسٽ محسوس ٿيندو؟​

چيائين: اهو ڪيئن ٿو ٿي سگهي، کائين تون ۽ ٽيسٽ مون کي اچي، ​

فرينچ فرائيز کائيندي، پڇيم: ڀلا جيڪڏهن آئون ڪنهن ٻي ڇوڪريءَ سان پيار ڪندس ته توکي ڇا ٿيندو؟​

پنهنجي پرس کي زور سان نپوڙيندي دير سان وراڻيائين: ڪجهه به نه ​

آئون نپوڙيل پرس کي نهاريندو خاموشي سان فرينچ فرائيز کائيندو رهيس.​