هڪ مهيني ۾ پئيسه ٻيڻا ...........................؟؟؟

[جان زريناڻي]

اڄ ڪلهه گهوٽڪي ڇا ويجهڙائي وارن سمورن ضلعن ۾ هر هڪ جي واتان رڳو امانت گولو يا ڊان گولو پيو ٻڌجي ،
ٻُڌوآهي
ته جيترا پئيسه رکي سگهو ،
امانت گولي وٽ رکي اچو
هڪ مهيني کانپوءِِ ٻيڻ تي وٺي سگهو ٿا
ڪافي مهينن کان اهو چرچو ٻُڌي رهيو آهيان ، اخبارن ۾ به ڪافي ڀيرا اچي چڪو آهي ، دل چيو دوستن سان ونڊ ڪندو هَلان
اِهو به ٻڌو آهي ته پوليس وارا ، صحافي ۽ ٻيا ڪامورا پئيسه ۽ گاڏيون فري ۾ ڪاهي ويا آهن ، امانت گولي واتان اهو ٻڌو پيو وڃي ته هو صرف غريبن جا پئيسه ٻيڻا ڪندو۔۔ـ
هُن وٽ ڪهڙي گيم آهي ، ڪنهن ٻي کي ڪابه ڄاڻ نه آهي
ڪئي ڀيرا اهو ٻڌو آهي ته هو پئيسه کڻي گُم ٿي ويو آهي ، پر اهو غلط نڪتو آهي
اڳتي ڇا ٿيندو انتظار آهي ،

 

[سليمان وساڻ]

يار هي ته نئين ڳالهه ٿي ۔۔۔۔ اڳي اسان ڊبل شاهه به ٻڌو هو پر اڃان ماڻهو بيوقوف پيا بڻجن اها وڏي ڳالهه آهي۔

 

[جان زريناڻي]

بِل آخر گهوٽڪي جو ڊان امانت گولو ڀڄي ويو ، هِن وقت گهوٽڪي ۾ هزارين ۽ لکين ماڻهون پريشان آهن ، سچ چوندا آهن لالچ بُري بَلا آهي ، سياڻو ڪانءُ ٻه ٽنگو ڦاسبو آهي ، لالچي ته ڦاٿا آهن ، باقي امانت گولي جي واري باقي آهي ،

 

[منظور ڪلهوڙو]

جتي لوڀي هجن اُتي ٺوڳي بوک نه مرن۔۔مشهر چوڻي آهي۔۔ان ڪري ڇڏي ڏيو انهن کي پنهنجي حال تي جيسين انهن جي دل م لوڀ ۽ لالچ آهي تيسيتائين پيا ٺڳبا رهندا۔۔پر مُڙندا اصل ڪون۔۔۔هئي ڙي هئي سنڌي قوم محنت ٺپ نه ڪن باقي نوسر بازي ۽ جوا تي لکين رپيا ڦُرايون اچن۔۔

 

[جان زريناڻي]

سچ ٿا چئو منظور صاحب لوڀ ۽ لالچ اسان کي تباه ڪري ڇڏيو آهي ، اڳ ۾ اِها خبر هئي ته پئسه ٻيڻا پيا ٿيئن ، اڄ ٿا چون ته ، منهنجا هڪ لک ويو ، ڪو پيو چوي پنج لک ويا ، ڪنهن جا ويهه هزار ويا ، بحرحال اڄ جووارين جي خوشي مري ويئي آهي

 

[جان زريناڻي]

امانت گولي سڀني کي چڪرائي ڇڏيو ۽ هڪ دفعو ٻيهر ڏهرڪي ۾ سرِعام اچي چيو ته مان ڪيڏانهن به ناهيان ڀڳو ، مان هتي ئي آهيان اوهان کي پنهنجا پنهنجا پئيسه ضرور ملندا، آخر ماجرا ڇاهي سوچڻ کان ڳالهه مٿي ٿيندي پئي وڃي ، اُن کان اڳ ڊان گولو جي ڀڄڻ جي خبرن تي ڪيترن ئي ماڻهن کي دل جو دورو به پيو ، خبر ناهي هي سُٽ ڪير سُلجهائيندو ؟​

 

[عبدالعزيز سمون]

اسان اڪثر سنڌي مانهو اهڙن ٺڳن جي چڪر ۾ اچي ويندا آهن ، سنڌي دوست کي عرض آهي ته ويهي کائڻ جا خواب ڇڏي ڏيو محنت مزدوري ڪرڻ بهتر اٿو

 

[جان زريناڻي]

سمون صاحب سچ ٿا چئو ، پر ادا هن پار اچي ڏسو ته سهي ڪهڙي حالت آهي ، گهرن ۾ ، اوطاقن ۾ ، هوٽلن ۾ ، آفيسن ۾ غريبن توڙي اميرن وٽ هڪڙو بحث آهي آخر امانت گولي وٽ ڪهڙو جادو آهي ، وري ڪو چوندو ته اوهان ڪيترا پئيسه رکيا آهن مان هيترا رکيا آهن ، مان ته اِهو چوڻ ۾ دير نه ڪندس ته گهوٽڪي ۾ 100 مان 80 ماڻهون هن جووا جي آثري ۾ ويٺا آهن ، الله سڀني کي سڌي واٽ تي هلڻ جي توفيق عطا فرمائي آمين

 

[سيد اياز علي شاه]

ادا لالچ جي پڙي ته انسان کي جنت مان بي دخل ڪرايو هئو سو هاڻ هن دنيا ۾ ڪهڙا ٻوٽا ٻاريندو انسان ويچارو پيو لوڀ سوڀ کي منهن ڏيندو لٽبو ڦربو ۽ هڪ ڏينهن ته ادا ڦلاڻو پيالو ڪري ويو! گهوٽڪي جهڙا واقعا وڏي سرپرستي ۾ پاڪستان سڄي ۾ پيا ٿين رڳو نظرن کان اوجهل آهن جي ڪنهن جي نظر پئي ته ٺيڪ نه ته چريا کريا آهن پيا رهزنن جي هٿان کسبا۔ بس آس پاس تي نظر رکو دوستن عزيزن کي آگاهي ڏيو، قانون جي تقاظا کي مد نظر رکندي انهن ڀوتارن کي لکت ۾ اطلاع ڪيو ته اسان جي معاشري ۾ اهڙي قسم جا بدگماني سان ڀرپور واقعا وقوع پذير ٿين پيا۔

قرب !!!

 

[عبدالعزيز سمون]

اسان سنڌين جون اهڙيون ئي حرڪتون ڏسي اسان جا دشمن سنڌين کي جاهل ۽ گڏه هڪلڻ واري قوم سمجهن ٿا ، ڪوبه سياڻو ماڻهو اهڙي لالچ ۾ نه ايندو

 

[عرس پريو]

حيرت آهي اڳي دهليء جا ٺڳ ٻڌنداد هئا سين ته ماڻهن کي طرح طرح جا جهانسا ڏئي ٺڳي ويندا هئا پر هن دور ۾ به اهڙا ماڻهو پيا آهن جيڪي اڄ جي دور ۾ ماڻهن کي پيا ٺڳن

الله سڀني کي پنهجي پناهه ۾ رکي