سنڌ سلامت ڪتاب گهر پاران علامہ صفي الرحمان مبارڪپوري رحہ جو سيرت النبي صہ تي لکيل اوارڊ يافتہ ڪتاب ”الرحيق المختوم“ جو سنڌي ترجمو اوهان اڳيان حاضر آهي، جنھن جو سنڌيڪار قاضي مقصود احمد آھي. الرحيق المختوم موجودہ دور ۾ سيرت نگاريءَ جو اھڙو معياري نمونو آھي، جيڪو انڌي عقيدت، مبالغہ آرائي ۽ فڪر پرستيءَ کان پاڪ آھي. ھن ڪتاب جي مشھوري ۽ مقبوليت جو اندازو ان ڳالھ مان لڳائي سگهجي ٿو تہ دنيا ۾ ڪابہ زبان ھن ڪتاب جي ترجمي کان خالي نہ رھي آھي. ھن ڪتاب جو سنڌي ترجمو 2008ع ۾ المرڪز الاسلامي للبحوث العلميہ، ڪراچي پاران ڇپايو ويو. ٿورائتا آھيون قاضي مقصود احمد جا جنھن ڪتاب سنڌ سلامت ۾ پيش ڪرڻ لاءِ موڪليو. هتي ڪلڪ ڪري ڪتاب ڊائونلوڊ ڪيو
جزاڪ الله خير، تمام قيمتي ڪتاب آهي، ان جا عربي ۽ اردو ايڊيشن ته ڪافي پهرين اچي چڪا هئا، اسان جي دل وارو ڪم ٿي ويو جو امت لا هن دوست اهڙو قيمتي ڪتاب سنڌي ۾ ترجمو ڪيو۔ وري مهرباني ادا وساڻ صاحب جن جي، جن جي ٿورن، مهربانين، قربن، ۽ سنڌ سان سچي عاشقي جو ثبوت ڏيندي دنيا جي پهري سنڌي فورم محبتي اڱڻ سنڌ سلامت تي دنيا جي سڀني سنڌي سڄڻن لا گهر ويٺي آڻي ڏنو، لک لائق ادا۔۔۔
اهو سنڌي ترجمي وارو ڪتاب مون وٽ موجود آهي،ان ۾ ڪو شڪ ناهي ته هي ڪتاب سيرت تي لکيل ڪتابن ۾ انتهائي لاجواب ڪتاب آهي،منهنجو پنهنجو خيال هو ته هي ڪتاب سنڌ سلامت تي آڻيان پر ڪمپوزنگ جي سگهه نه ساري سگهيس،تمام گهڻي خوشي ٿي توهان جي محنت جو رب پاڪ توهان کي اجورو ڏيندو۔۔
تمام سٺي ڪاوش آهي، سنڌ سلامت جو هي هڪ بهترين سلسو آهي جنهن وسيلي مناسب ۽ معياري ڪتابن جي ذخيري کي سنڌي ڳالهائڻ وارن تائين پهچايو وڃي ٿو۔ انهن مان به رسول اڪرم صلي الله عليه و آله و سلم جن جي عظيم الشان سيرت جي ڄاڻ اسان مسلمانن جي ذميواري آهي۔ ڌڻي در دعاڳو آهيان ته پاڪ پالڻهار اسان کي پنهنجي نبي ڪريم صلي الله عليه و آله و سلم جن جي پاڪ و پاڪيزه سيرت تي عمل ڪرڻ جي توفي ق عطا فرمائي۔
