بلوچستان پهريون ڀيرو سنڌ سان ملي ويو، موقف جي حمايت، پنجاب کي پاڻي نه ملندو

[ڦلپوٽو فقير]

بلوچستان، سنڌ جي موقف جي حمايت ڪندي چيو آهي ته پنجاب کي سنڌ جي پاڻي مان هڪ ڦڙو به کڻڻ جي اجازت نه ڏيندو، ڇاڪاڻ ته بلوچستان جو پاڻي نظام سنڌ سان واڳيل آهي، جيڪڏهن سنڌ جو پاڻي کنيو وڃي ٿو ته سڀ کان وڌيڪ متاثر بلوچستان ئي ٿيندو. ارسا جي صلاحڪاري ڪميٽي جي اجلاس کانپوءِ ميڊيا سان ڳالهائيندي بلوچستان جي آبپاشي واري سيڪريٽري چيو ته پنجاب حصي جو پاڻي کڻي چڪو آهي ۽ هاڻي کيس پاڻي نه ملندو. هن چيو ته بلوچستان، سنڌ جي موقف جي حمايت ڪري ٿو ۽ صلاحڪاري ڪميٽي ۾ به ان جي موقف جي تائيد ڪئي آهي. هڪ سوال جي جواب ۾ بلوچستان جي آبپاشي واري سيڪريٽري جو چوڻ هو ته پنجاب وٽ پاڻي موجود آهي، پهرين هو اهو استعمال ڪري ان کانپوءِ ٻئي پاڻي جي گهر ڪري. هن چيو ته ارسا تسليم ڪيو آهي ته بلوچستان سان زيادتي ٿي آهي، جنهن تي کين خاطري ڪرائي وئي آهي ته بلوچستان کي سندس حصي کان وڌيڪ هڪ هزار ڪيوسڪ پاڻي ڏنو ويندو


روزانه عوامي آواز جي ٿورن سان


sindhsalamatsaathsal
سدائين گڏ​

 

[رحيم بخش]

جواب: بلوچستان پهريون ڀيرو سنڌ سان ملي ويو، موقف جي حمايت، پنجاب کي پاڻي نه ملندو

سائين اوهان بهترين خبر شيئر ڪئي ٻه ته ٻارهن واري مصداق تحت هاڻي اسان جي مسئلي کي وڌيڪ اهميت ملندي انشآء الله سنڌ کي پنهنجو حق ملندو ۔

 

[ڦلپوٽو فقير]

جواب: بلوچستان پهريون ڀيرو سنڌ سان ملي ويو، موقف جي حمايت، پنجاب کي پاڻي نه ملندو

سائين اوهان بهترين خبر شيئر ڪئي ٻه ته ٻارهن واري مصداق تحت هاڻي اسان جي مسئلي کي وڌيڪ اهميت ملندي انشآء الله سنڌ کي پنهنجو حق ملندو ۔

آمين سائين

 

[نثارابڙو]

جواب: بلوچستان پهريون ڀيرو سنڌ سان ملي ويو، موقف جي حمايت، پنجاب کي پاڻي نه ملندو

رب العالمين ايئن ڪري جو هر ڏکئي وقت ۾ اهي ٻئي شاندار تاريخ رکندڙ قومون هڪ ٻئي جي مسئلن جي حمايت ڪن ۽ هر جدوجهد ۾ ڪلهو ڪلهي ۾ ملائي هلن ته هوند ٻيڙا ئي پار ۔۔۔