منهنجا گهڻا دوست سمارٽ فون جي بيٽري جو وقت گهٽ هجڻ بابت روئندا رهندا آهن۔۔۔ کين گُر جو ڳالهيون ڏس ته عمل به نه ڪندا آهن۔۔ هاڻي ته ليپٽاپ رکندڙ دوستن جون به ساڳيون دانهون آهن۔۔۔ ايسيتائين جو سنڌ سلامت جا انتظامي رڪن به هر دفعي لوڊشيڊنگ جو عذر ڏئي پنهنجي فرض کي ادا نه ڪرڻ جو ڏوهه بخشرايو وڃن۔۔۔ خير هتي مان ليپٽاپ رکندڙ ساٿين لاءِ ”Aerofoil “ نالي هڪ ننڍو سافٽويئر کڻي آيو آهيان جيڪو سندن ليپٽاپ جي بيٽري کي وڌيڪ دير تائين هلائڻ جي قابل بڻائيندو آهي۔۔ هن سافٽويئر جي ڪم ڪرڻ جو طريقي ڪار پڻ نرالو آهي۔۔ جڏهن ليپٽاپ چارج نه ٿيندو هجي ته هي ونڊوز جي ڪجهه فيچرس جهڙوڪ ايرو گلاس انٽرفيس، ونڊوز سائيڊ بار ۽ سائونڊ وغيره کي بند ڪندي بيٽري جي غير ضروري استعمال کي روڪيندو آهي۔۔۔ ان کان علاوه هي سافٽويئر توهان جي ليپٽاپ لاءِ پاور پلان پڻ ترتيب ڏيندو آهي۔۔۔ ته جڏهن ليپٽاپ چارج تي هجي يا نه هجي ته پاور کي ڪيئن استعمال ڪجي۔۔۔ هن سافٽويئر کي استعمال ڪرڻ کان پهريان اهو ضرور چيڪ ڪندا ته توهان جي ليپٽاپ ۾ ان قسم جو پهريان سافٽويئر ته انسٽال ٿيل ناهي۔۔۔ ڪجهه ڪمپنيون ان قسم جو ٽول اڳ کان ئي سسٽم ۾ رکنديون آهن۔۔ سافٽويئر ڊائونلوڊ ڪرڻ لاءِ هتي ڪلڪ ڪريو۔۔۔۔
اي پڻ چڱو ڪم ۔۔۔ ليپٽاپ کي گهٽ استعمال ڪندو آهيان، الائي ڇو لکڻ ڏکيائي ٿيندي آهي۔ پر پوء به جڏهن 6 ڪلاڪ بجلي هلي وڃي ته پوء ليپٽاپ کانسواء ڪو حل ناهي رهندو۔ سڄڻن جا ٿورا جو اسان لاء اهڙا سافٽويئر ڳولي آسانيون پيدا ڪندا رهن ٿا۔
مان تمام دوستن کي اهو پڻ ٻڌائيندو هلان ته ليپ ٽاپ هجي يا سمارٽ فون، هميشه بيٽري چارج ٿيڻ کان پو چارجنگ بند ڪريو ۽ ان کي استعمال ڪري ڊسچارج ٿيڻ ڏيو ايتري قدر جو اها 20 في سيڪڙو وڃي بچي، ان ريت ان جو چارج ڊسچارج سائيڪل برقرار رهندو بيٽري زياده ٽائيمنگ به ڏيندي ته جلد خراب به نه ٿيندي۔
سائين سافٽ وئير ته انسٽال ئي ڪونه ٿو ٿئي چئي ٿو توهان وٽ ايم ايس وي سي پي 100.ڊي ايل ايل فائل موجود نه آهي
