سنڌي ٻوليءَ جي انٽر نيٽ / ويب تي سڌي سنئين (انسٽاليشن کانسواءِ) لکت جي لاءِ محترم عبدالماجد ڀرڳڙي صاحب ورچوئل ويب ڪيبورڊ ترتيب ڏنو آهي، جنهن وسيلي سسٽم ۾ سنڌي انسٽال ڪرڻ کانسواءِئي(انٽرنيٽ / ويب ۾) سنڌي لکڻ ممڪن ٿيو آهي، هي عام طور سڀني انٽرنيٽ جي صارفين لاءِ هڪ ڪمائتو ٽول آهي، جڏهن ته خاص طور انهن ڪمپيوٽرن جي لاءِ وڌيڪ ڪارآمد آهي جن کي ڪن سببن جي ڪري مهمان (Guest)طور استعمال ڪبو آهي، جيئن آفيسن، نيٽ ڪيفيز، عوامي هنڌن تي انٽرنيٽ جي سهوليتون آڇيندڙن جا يا وري ذاتي ڪمپيوٽر وغيره. مطلب ته اهڙا ڪمپيوٽر جن ۾ عام ماڻهن کي Administrativeحق حاصل نه هوندا آهن ۽ انهن تي ڪو واڌارو پروگرام لاڳو ڪري نه سگھبو آهي. مهمان طور فقط لاڳو ٿيل پروگرام ئي استعمال ڪري سگھبا آهن، تنهنڪري جيڪڏهن لاڳاپيل سسٽم ۾ ايم بي سنڌي لاڳو ٿيل نه هجي ته سنڌي لکڻ ئي محال ٿي ويندو آهي. سنڌي ويب ڪيبورڊ انٽرنيٽ تي سنڌي لکڻ جي مسئلي جو معقول حل آهي جنهن سان انٽرنيٽ استعمال ڪندي اسان هرهنڌ سنڌي لکڻ جي قابل ٿي وڃون ٿا، ان جي مدد سان جي ميل، هاٽ ميل ۽ ياهو وغيره ۾ اي ميل سنڌي ۾ لکي سگھجي ٿي، گوگل، بنگ وغيره جھڙين ڦولهيندڙ ويبسائٽس ۾ سنڌي ۾ ڳولها ڪري سگھو ٿا، سوشل ميڊيا فيسبوڪ، ٽئٽر ۽ ٻين فورمز يا ويب بلاگز تي پنهنجي مٺڙي مادري ٻوليءَ ۾ پنهنجا سنيها لکي سگھو ٿا. يقيناً هيءُويب ڪيبورڊ سنڌيءَ جي انٽرنيٽ تي استعمال لاءِ هڪ اهم سنگ ميل جي حيثيت رکي ٿو. ويب ڪيبورڊ کي استعمال کان پهرين سلسليوار ڪجھه سِٽاءَ ڪرڻا آهن، جن بعد انٽرنيٽ تي ڪيبورڊ فعال ٿي وڃي ٿو ۽ ان سان جتي ڪٿي سنڌي لکڻ ممڪن بڻجي ٿي. هونءَ ته انٽرنيٽ جي استعمال لاءِ عام طور ڪيترائي برائوزرس ڪتب اچن ٿا ۽ هر ماڻهو پنهنجي پسند ۽ ضرورت آهر انهن جي چونڊ ڪري ٿو. ويب ڪيبورڊ جي درست ۽ سولي استعمال لاءِ هيٺين مان ڪو به برائوزر منتخب ڪرڻ جي استعمال جي سفارش ڪجي ٿي: مڪمل پِي ڊي ايف پڙهڻ لاءِ منهنجي بلاگ جو ڦيرو ڀريو ، جنهن جي لنڪ آهي http://shabirkumbhar.blogspot.com/
تمام سٺو ڪم ۔۔۔ ٻولي جي بي لوث خدمت ۽ ترقي لاء سائين ماجد صاحب جون خدمتون تعريف کان مٿاهيون آهن۔ سنڌ سلامت جي دوست رشيد سمون پڻ ان قسم جو هڪ ايڊيٽر بوڪ مارڪليٽ متعارف ڪرايو هو جنهن ذريعي اسان اڪثر فائدو حاصل ڪندا رهون ٿا۔
قبلا! باقي هڪڙو قرب ڪيو ته واھ واھ!!!!!!! نوڪيا جي موبائيلن ۾ سنڌي لکجي نه ته به مڙئي خير پر صحيح نموني ماڻهو پڙهي سگهي
