دادو جي دل دادو جو آواز احمد شاه استاد بخاريٌء تحرير۔۔۔ ممتاز علي وگهيو ضلعي دادو هميشه وڏيون شخصيتون پيدا ڪيون آهن۔جهڙوڪ علامه آء آء قاضي، علامه ڊاڪٽر عمر بن محمد دائودپوٽه محترم سائين غلام مرتضه شاه جي ايم سيد تاج محمد صحرائي محسن ڪڪڙائي احمد ّخان مدهوش ڪماالدين سولنگي محمد سليم سولنگي ماستر محمد اسماعيل وگهيوولد محمد قاسم وگهيو حڪيم فتح محمد سيوهاڻي محمد بخش سميجو ٽي وي پروڊيوسير نور محمد شاه لاشاري ٽي وي اداڪار سيد ثابت علي شاه سنڌي مرثئي جو پهريو شاعر ۽ انهن شخصيتن مان سنڌ جو عظيم عوامي شاعر ۽ عظيم انسان احمد شاه استاد بخاري پڻ هڪ آهن . احمد شاه استاد بخاريٌء هڪ عّظيم انسان ء عّظيم فقير صفت شاعر هو سندس شاعري هر طبقي ۾ ٻڌي ء پڙهي وڄي ٿي، استاد بنيادي طرح هڪ سونهن پسند شاعر هو مگر کيس سنڌه سان بيحد محبت ء پيار هو، دادو سان ته عشق هو، بقول استاد بخاري ” پنهنــــــــــــــــــــــجي دل جي نالي منهنـــــــــــــــــــــــجي دل دادو آهي دادو ســــــــــــــــــــــنڌ جي دل آهي ۽ سنڌ وري ڪائنات جي دل آهي.“ استاد بخاري پنهنجي زندگي جي شروعات هڪ پارائمري استاد جي حيثيت سان ڪئي. ۽ آخر تائين استاد جي پيشي سان وابسته رهيا ۽ دادو ڊگري ڪاليج ۾ پروفيسر جا فرائض پورا ڪيائون. ۽ پوء دادو ڊگري ڪاليج جو نالو پڻ سندس ئي نالي سان رکيو ويو استاد بخاري جي سادگي جو انداز اهيو هو جو بخاري صاحب دادو ڪاليج ڪڏهن پيرين پنڌ، ته ڪڏهن سائيڪل تي. ته ڪڏهن ٽانگي ۾ ايندا هئا. ۽ ڪچهري جا ڪوڏيا ۽ محفل جا مور هوندا هئا ڪڏهن هوٽل ۾ ته ڪڏهن روڊ رستن تي ماڻهن سان پيا ڪچهري ڪندا هئا. دادو شهر ۾ اڪثر اسٽيج پروگرام گهڻا ٿيندا هئا. جڏهن ڪي ٽي اين جا مشهور اداڪار منان عباسي ۽ عبدالله ملاح وارا اسٽيج پروگرام ڪرائيندا هئا ته ان ۾ هميشه خاص مهمان استاد بخاري صاحب جن هوندا هئا. دادو جا مانهون استاد بخاري جي تمام گهڻي عزت ڪندا هئا. هڪ دفعه اسٽيج پروگرام ۾ ڪرسين تان ڪجهه ماڻهون پاڻ ۾ وڙهي پيا ۽ انهن کي ڇڏائڻ ۽ پرچائڻ ۾ بارها ڪوشش ڪئي وئي مگر جهيڙو ختم ٿيڻ جو نالو ئي نه پيو وٺي.آخرڪار استاد بخاري صاحب هيٺان اٿي ۽ مٿي اسٽيج تي اچي اهيو چيو ته اسان سنڌين جو ڪم به ڪڪڙين وارو آهي. ۽ پوء خبر ئي نه پئي ته جهيڙو ڪيڏانهن ويو ۽ جهيڙي وارا ماڻهون ڪيڏانهن ويا. استادبخاري جي وري اهيا خوش قسمتي چئبي جو کيس سندس شاعري کي خوبصورت انداز ۾ ڳائڻ وارو سنڌ جو مشهور راڳي منظور سخيراڻي دادو شهر ۾ ئي ملي ويو. جنهن سندس جي شاعري کي پوري سنڌ جي ڳوٺ ڳوٺ شهر شهر ۾ پنهنجي جادوئي آواز ۽ انداز ۾ عام ڪري ڇڏيو. منظور جو انداز ۽ سڃاڻپ ڪجهه الڳ ئي حيثيت رکي ٿو جنهن استاد جي شاعري کي وري چوڏهن چنڊ لڳائي ڇڏيا. استاد بخاري کي مان تڏهن کان سڃاڻان، جڏهن مان (ممتاز علي وگهيو ) ننڍو هئس. ء ان وقت دادو جيل سامهون ڪچهري روڊ تي هڪ وڏي ڪچهري ٿيندي هئي جنهن ۾ استاد بخاري ، امام بخش گهرياڻي، حاڪم علي شاه بخاري(استاد بخاري جو ڀاء) محمد عثمان ميمڻ تاج محمد صحرائي.آندل خان حليو، سيد عبدالله شاه سابقه سنڌ جو وڏو وزير ۽ سائين حافّظ خليل احمد ملاح صاحب شامل ٿيندا هئا. ۽ هڪ علمي ادبي ۽ تمام سهڻي قرب محبت واري محفل مچندي هئي. جڏهن سيد عبدالله شاه سنڌ جو وڏو وزير هو تڏهن به ڪڏهن ڪڏهن اوچتو اچي دادو جيل سامهون وڪيل امام بخش گهرياڻي جي آفيس اڳيان گاڏي کي بريڪ هڻائيندو هو ان ڪچهري ۾ شامل ٿيڻ لاء ۽ پنهنجي دوست اما بخش گهرياڻي سان ملڻ لاء . ۽ وڏي وزير جو اهيو جوش جذبو ۽ عمل ڏسي کيس سان آيل پوري ٽيم حيران رهجي ويندي هئي. مگر ويو وقت گذري. بقول شيخ اياز صاحب ڪي ڏينهن هئا ۽ نينهن هئا. استاد بخاري جو مختصر تعارف اصل نالو ؛ احمد شاه والد جو نالو؛ سيد حاجن شاه ڄمڻ جي تاريخ؛ 16 جنوري 1930ع ڄمڻ جو هنڌ؛ ڳوٺ غلام چانڊيو ضلعه دادو پهرين نوڪري؛ تپيداري ( تنهنکانپوء استادي جو پيشو اختيار ڪيائين) شاعري جي شروعات؛ 1946ع نوٽ استاد کي مشهور شاعر عبدالله اثر جي صحبت متاثر ڪيوتنهن کانپوء سندس شاعري رنگ ڪڍڻ لڳي.. استاد جا تخلص؛ آسي، دردي، ۽آخر ۾ پوء استاد بڻيو. تعليم؛ سنڌي فائينل سان گڏ عالم فاضل واريو ڊگريون پڻ حاصل ڪيون( بقول حافظ خليل ته استاد کي فارسي تي پڻ سٺو عبور هو. ۽ ڪڏهن ڪڏهن مون کان حافظ شيرازي ۽ شيخ سعدي جي شاعري ٻڌندا هئا.۽ جهومندا هئا. نوڪري؛ استاد ڪڪڙ شهر ۽ پوء دادو ڊگري ڪاليج ۽ لاڙڪاڻه ڪاليج ۾ نوڪري جا فرائض انجام ڏنا........ موسيق؛ استاد شاعر سان گڏ هڪ وڏا موسيقار پڻ هئا ۽ پنهنجي ڪيترين ئي ڪلامن جون ڌنون پڻ تيار ڪيائون، . بقول منظور سخيراڻي ته استاد بخاري ڪيترين ڪلامن جي ڌن تيار ڪري ۽ پوء ان ڌن کي ڳائي ٻڌائيندا هئا ته هي ڌن هئين ڳائجهي. وغيره وغيره استاد بخاري جا ڪتاب؛ وفات: استاد بخاري کي سنڌ سان ٿيندڙ ناانصافين جي فڪر اچي وڪوڙيو ۽ انهن سوچن آخرڪار ڪينسر جهڙي موزي مرض کي جنم ڏنو،(ڪينسر تنهنجي ڪرت گر رهي اهيا ساڳي، ته نه بچندي ممتاز باقي خلقت هي خدا جي۔ ۽ 9 آڪٽوبر 1992 ۾ بخاري صاحب ڪراچي جي جناح اسپتال ۾ اسان کان هميشه هميشه لاء وڇڙي ويو۔( تنهنجو منهنجو ناتو رشتو شايد موت ڇني ) ....................................................................... استاد بخاري جون ڪجهه ناياب دلڪش تصويرن (ٻه البم) استاد بخاري جي شاعري جا ٽي مڪمل ڪتاب بخاريء جا قطعا هي گجرا هي گولا ڪاري ڪڪر هيٺ تمام ڪتاب PDF فائل فارميٽ ۾ آهن ۽ انهن کي پڙهڻ لاءِ توهان کي ايڊويب ايڪروبيٽ ريڊر جي ضرورت پوندي. جنهن کي ڊائون لوڊ ڪرڻ لاءِ هتي ڪلڪ ڪريو ڪتاب پڙهڻ لاء ڪتاب جي نالي مٿان ڪلڪ ڪري توهان ڪتاب پڙهي سگهو ٿا، استاد بخاري جي شاعري يوٽيوب ۾ http://www.youtube.com/watch?v=pycfHaqCEMM استاد بخاري جا چونڊ ڪلام http://www.youtube.com/watch?v=XLppqzu3zrM استاد بخاري جي آواز ۾ ماچيس جي ڌن تي ڳايل ڪلام (سچي پچي چين نه آيو ۽ ٻيو ڪجهه ) http://www.youtube.com/watch?v=fWqBLSGGsos http://www.youtube.com/watch?v=yaNKwPUen0Q&feature=related http://www.youtube.com/watch?v=amPgF7CSdxk http://www.youtube.com/watch?v=0pFClZWn4us http://www.youtube.com/watch?v=2pDAZ127FKI http://www.youtube.com/watch?v=_w9jaR1vdVk استاد لاء سنڌ جي مشهور راڳي منظور سخيراڻي جا الفاّظ http://www.youtube.com/watch?v=6KlwupIxLRE http://www.youtube.com/watch?v=BUDPpNJmFz4 http://www.youtube.com/watch?v=JmfKWKdK_5E استاد بخاري جي باري ۾ يوٽيوب رپورٽ http://www.youtube.com/watch?v=5fQ4UkW6Nro&NR=1 http://www.youtube.com/watch?v=Mxz4NfO1r14 طالب الموله هاء اسڪول دادو ۾ استاد بخاري جي ورسي جو پروگرام http://www.youtube.com/watch?v=BAVvjegIO40&NR=1 http://www.youtube.com/watch?v=AbinP9LqVFQ ممتاز مصطفه وگهيو لطيفي ڪراچي سنڌ
جواب: دادو جي دل دادو جو آواز احمد شاه استاد بخاري ادا ممتاز، يار هي ٿورا اصل ڪونه لاهبا ۽ نه وري لاهڻ جهڙا آهن، وڏي گهاٽي ڳالهه ته لفظ به ڪونه آهن جو اوهانجي هن ونڊ لئه ڪجهه چئي سگهجي ۔۔۔ بس لک ٿورا، قرب اوهانجا ۔۔۔ ويٺا پڙهنداسون ۽ ٻڌنداسون ۔۔۔ دعائن ۾ گڏ
جواب: دادو جي دل دادو جو آواز احمد شاه استاد بخاري ادا ڀاء نثار ابڙا صاحب ادا توهان جا لک لائق جو مون جهڙي ڪم ضرف ماڻهون لاء تعريف جا ايڏا وڏا الفاظ استعمال ڪيا آهن۔ ادا انشاءالله مان سنڌ جي ٻين نالي وارين شخصيتن بابت پڻ پنهنجي ڪم علمي حيثيت جي حساب سان ڄاڻ ڏيڻ جي ڪوشش ڪندس۔ دعائن ۾ ياد رکندا۔ دعائن جو طالب ۽ دعاگو ممتاز علي وگهيو ڪراچي سنڌ وگهيه ويهه ويراڳن وٽ جيڪي پارکو اٿئي پيار جا انهئ حقيقي يار جا ٿو جيئاري جيڪو جهان کي
جواب: دادو جي دل دادو جو آواز احمد شاه استاد بخاري سائيم ممتاز وگهيو صاحب تمام زبردست توهان شيئرنگ ڪئي آهي، استاد بخاري جي ڇا ڳالهه ڪجي، منّظور سخيراڻي اڄ ڏينهن تائين استاد بخاري کي وساري نه سگهيو آهي، سندس اکين مان ته ڪنهن ڪنهن وقت لڙڪ لڙي ٿا اچن، استاد بخاري جي آخري آرام گاه (سيد واڌن شاه) مقام ۾ پڻ آهي، جڏهن سائين واڌن شاه پير جي ورسي ٿيندي آهي ته منظور سخيراڻي پڻ سائين جي حاضري ڀريندا آهن ۽ استاد بخاري جي ڏنل کينس کي شاعري کي پڻ ڳائيندا آهن۔ انشاالله آئون ٽائيم ڪڍي استاد بخاري جي آخري آرام گاه جون تصويرون توهان دوستن سان شيئر ڪندس! استاد بخاري جي شاعري جي ڪليڪشن آئون سنڌ سلامت تي اپلوڊ ڪئي آهي جنهن لنڪ هيٺ ڏنل آهي http://www.sindhsalamat.com/album.php?albumid=8
جواب: دادو جي دل دادو جو آواز احمد شاه استاد بخاري ادا ممتاز اوهان جس لهڻا استاد بابت اهڙي جامع رپورٽ پيش ڪرڻ تي
جواب: دادو جي دل دادو جو آواز احمد شاه استاد بخاري ادا تمام بهترين ناليج آهي ان جي ڪري ت چوندا آهن ت دادو ۾ آ جادو.
جواب: دادو جي دل دادو جو آواز احمد شاه استاد بخاري ادا عامر استاد بخاري جي برسي جو ڪوڙو ڏينهن ملهائبو آهي؟
جواب: دادو جي دل دادو جو آواز احمد شاه استاد بخاري ادا استاد بخاري جي ورسي تاريخ جي حساب سان ته 9 آڪٽوبر تي هر سال دادو م ملهائي ويندي آهي، پر باقي حالات جي حساب سان ڏينهن ۽ ورسي جو پروگرام کي اڳتي پوئتي ڪيو ويندو آهي۔
جواب: دادو جي دل دادو جو آواز احمد شاه استاد بخاري سائين توهان سچ لکيو آهي ته ادا ممتاز جون تحريرون بلڪل معلوماتي آهن۔ خاص ڪري استاد بخاري جي معلومات
جواب: دادو جي دل دادو جو آواز احمد شاه استاد بخاري استاد بخاري جي شخصيت ڪنهن تعارف جي محتاج ناهي، اڄ استاد بخاري جي ورسي جو ڏينهن آهي، ان جي نسبت سان هن مضمون کي وري مٿي آڻجي ٿو۔ تاڪه سنڌ سلامت جا دوست استاد جي شخصيت کي هڪ ڀيرو وري پڙهي سگهن۔
