جيڪڏهن منهنجي تباهيءَ ۾

[عابد بلوچ]

هن دل ۾ اِسرارن سَميت
تون ئي ته رهين ٿو
۽ هي گهر به
توکي هي ڀليڪار چَوي ٿو
اِنهي ۾ ڪو به راز ڪونهي ته
تو سواءِ هتڙي ..........
ڪو به __نه اٿئي
جنهن جي باري ۾
مون کي ايترو ويجهڙائيءَ کان
معلوم هجي
ڏسُ ۽ چتائي ڏسُ
هتي هن گهر ۾
ٻيو ڪو به نظر اچئي ٿو .......؟
وڇوڙي جي رات
ڀلي ڊگهي ٿي يا ننڊڙي هجي
پر اي منهنجي سڀني
آسرن جا مرڪز ،
هتي رڳو ........
تنهنجي ئي اميد ۽ يادگيري اٿئي
جيڪڏهن منهنجي تباهيءَ ۾ ئي
تنهنجي رضا شامل آهي
ته پوءِ آءُ به .........
انهي تي راضي آهيان