توهان اڪثر دوستن سان ڪچهري دوران ٻين ملڪن جي ڏوڪڙن ۽ انهن جي ريٽن تي گفتگو ٻڌي هوندي۔۔ ڪو آمريڪا جي ڊالر جي ڳالهه ڪندو هوندو ته ڪو وري انگلينڊ جي پائونڊ جو ۔۔۔ ڪي يورپ جي يورو ۾ دلچسپي رکندا آهن ته ڪي وري ڪويت جي دينارن ۾ ۔۔۔۔ اسان جو دوست علي علي ته هميشه ڊالر ڊالر پيو ڪندو آهي۔۔۔ جڏهن به پاڪستان اچي ته ڊالر جي قيمت گهٽ هجڻ جو روئڻ روئي ۽ وري جڏهن به ٻاهر وڃي ته ڊالر جي قيمت وڌڻ جا نعرا پيو لڳائيندو آهي۔۔۔ اهڙي طرح ڪافي دوست پنهنجي پئسن کي ٻاهرين ملڪن جي ڪرنسيء ۾ تبديل ڪري رکندا آهن۔۔ ته جيئن ان ملڪ جي سڪي جي قيمت چڙهندي ئي ان ڪرنسيء کي روپين ۾ تبديل ڪري فائدو حاصل ڪن۔۔۔ اهڙا اڪثر دوست صلاحيتون رکندڙ هوندا آهن ان ڪري ڪڏهن گهاٽي جو سودو ئي نه ڪن۔۔۔ پر جي اسان جهڙا اناڙي هن ميدان ۾ اچن ته اصل ڪلاڪن ۾ ئي پنهنجي ملڪيت وڃايو ويهي رهن۔۔۔ ڏوڪڙن جي مٽاسٽا واري اهڙي ڌنڌي کي فاريڪس ٽريڊنگ چيو ويندو آهي۔۔ يعني هن ڌنڌي ۾ هڪ ملڪ جي ڏوڪڙن جي بدلي ۾ ٻئي ملڪ جا ڏوڪڙ خريد ڪيا ويندا آهن۔۔۔ عالمي منڊيء ۾ هر ملڪ جي ڏوڪڙن (ڪرنسي) جي قيمت ٻئي ملڪ جي ڏوڪڙن (ڪرنسي) کان مختلف ٿيندي آهي۔۔ ۽ وقت سان گڏو گڏ ان ۾ وڌ گهٽائي ايندي رهندي آهي۔۔۔ جيڪڏهن توهان به گهر ويٺي پنهنجي بچت جي ڪمائي کي ڪنهن اهڙي ڌنڌي ۾ آڻي تڪڙا امير ٿيڻ جا خواب پيا ڏسو يا وري هن ڌنڌي کي سمجهڻ ٿا چاهيو ته منهنجو مشورو آهي ته پهريان وڏن جوارين وانگر پئسن بجاءِ ٺڪرن ۽ ڀترن سان کيڏو۔۔ جي ها منهنجي صلاح آهي ته توهان آن لائين فاريڪس ٽريڊنگ آزمايو ۽ ان لاءِ انتهائي مددگار ۽ آسان ترين ويب سائيٽ آهي ”اي ٽورو“۔۔ (ياد رهي ته هتي ٻنهي لفظن کي گڏي پڙهو۔۔ الڳ الڳ ڪري يا وقفي سان پڙهڻ دوران دوستن سان بدمزگي جو خدشو موجود آهي۔۔) هن سائيٽ تي اچي کاتو بڻايو ۽ پوءِ پريڪٽس ڪرڻ يا ٽريڊنگ سکڻ لاءِ توهان اصل پئسن بجاءِ ورچوئل پئسن (ٺڪر ڀتر) سان به ٽريڊنگ ڪري سگهو ٿا۔۔۔ هن ويب سائيٽ جو ٽريڊنگ سسٽم ويب بيسڊ آهي ۽ اينڊروائيڊ جي لاءِ ايپليڪيشن پڻ ڊائونلوڊ ڪري سگهجي ٿي۔۔۔ ڪروڙن جي تعداد ۾ ماڻهون هن سائيٽ کي استعمال ڪري رهيا آهن۔۔ جيڪو هن ويب سائيٽ جي ڪاميابي جو ثبوت آهي۔۔ ٽريڊنگ لاءِ بهترين فيچرس هن سائيٽ کي ٻين ويب سائيٽس کان ممتاز بڻائين ٿا۔۔۔ ڇو ته هتي آٽو آرڊر سيٽ ڪري سگهجي ٿو۔۔ ته جيئن فلاڻي ڪرنسي جڏهن فلاڻي جڳهه تي اچي ته آرڊر شروع ٿي وڃي۔۔۔ ان کان علاوه هتي ٻين يوزرس جا آرڊر به ڏسي سگهجن ٿا جنهن سان اندازو لڳائي سگهجي ٿو ٽريڊنگ ڪيئن ڪجي۔۔۔ ان کان علاوه هن سايئٽ جو سڀ کان بهترين آپشن اهو آهي ته جيڪڏهن ڏسندا هجو ته ڪو سليمان وساڻ جهڙو تيز واپاري بهترين ٽريڊنگ ڪري رهيو آهي ته توهان بس ان کي فالو ڪرڻ شروع ڪريو۔۔۔ هو جيڪو ڌنڌو (ٽريڊ) اوپن ڪري توهان به اهو ئي ڌنڌو شروع ڪريو۔۔۔ ان طرح ڏسندي ڏسندي ئي فاريڪس ٽريڊنگ جو تجربو نه هجڻ باوجود توهان ٻين جي تجربن مان فائدو حاصل ڪندي امير ٿيڻ شروع ٿي ويندو۔۔۔ ڏوڪڙن کان علاوه توهان هتي سون، چاندي، ۽ تيل سان پڻ ڌنڌو شروع ڪري سگهو ٿا۔۔۔ وقت آهر اي ٽورو ويب سائيٽ طرفان توهان لاءِ ڪئي انعام ۽ پروموشنز پڻ ڏنا ويندا آهن۔۔۔ ته پوءِ وک وڌايو هي آهي ”اي ٽورو“ www.etoro.com
اهو سڀ ايڏو سولو به ناهي۔ جڏهن مان اسٽاڪ ايڪسچينج ۾ ڪم شروع ڪيو هو ته شروع ۾ فائدو ٿيو ۽ پوء لاڳيتو نقصان۔ پر وقت سان گڏ سمجهه اچي وئي ۽ هاڻ محتطاط رهي ڪم ڪندا رهون ٿا۔ پر فاريڪس ٽريڊنگ سان الائي ڇو گهڻي ڪانه پئي ۽ دوستن جي اسرار باوجود به اوڏانهن نه ويس۔ هاڻي ڏسون ته هي ويب ڪيڏانهن ٿي وٺي وڃي۔
واپار ۾ نفعو يا نقصان برابر هوندو آهي ۽ ڪجھ حاصل ڪرڻ لا ڪجھ وڃائڻو به پوندو آهي، جيڪو رڳي فائدي جو سوچي اهو اهڙن ڪمن کان پري رهي! باقي ادا علي علي جي لا ته ڊالرن جي راند کٻي هٿ جي راند آهي
مون ڪافي سائيٽن تي ڊيمو اڪائونٽ ٺاهي ان ڪاروبار جي پريڪٽس ڪئي۔ڪافي رسڪي ڪم آهي۔سيڙايل پئسن تان هٿ کڻي پو ان ڪم ۾ هٿ وجهڻ کپي۔ ميٽا ٽريڊر 4 تي اهو ڪم ڪرڻ وڌيڪ آسان آهي۔گذريل سال هينٽيڪ وارن طرفان هڪ ڪامپيٽيشن ۾ به حصو ورتو هئم،جيڪو انڊيا جي هڪ ڇوڪري کٽيو هو۔ انسٽا فاريڪس ۔ڪام تي هر هفتي ڪامپٽيشن ۾ حصو وٺي سًگهجي ٿو۔مون ٿوري سيڙپ سان اهو ڪم ڪرڻ جو سوچيو پر پڇا ڪرڻ تي خبر پئي ته هتان اتي جي اڪائونٽ ۾ پئسا موڪلڻ ڏاڍا مشڪل آهن،ان جو ڪو طريقو هجي ته ان کان آگاه ڪندا۔
مونکي اهي ٺڪر ڀتر سمجهه ۾ ڪو نه آيا آهن۔۔ مطلب اصلي پيسن سان واپار ڪبو يا نقلي پيسن سان۔۔؟ معاف ڪجو۔۔مونکي انهي باري ۾ الف بي جي به خبر ناهي۔۔آن لائين بزنس بابت رڳو ٻڌو اٿم۔۔۔
eToro.com بهترين آهي۔ مان پاڻ پريڪٽس ڪريان پيو، اڃان پريڪٽس پڪي نه ٿي آهي جو اصل پئسن سان ڪم ڪجي، مان سمجهان ٿو گهٽ ۾ گهٽ هڪ کان ٽي مهينن تائين پريڪٽس ڪجي پو اصل آغاز ڪجي۔ جيڪي جيڪي دوست انهن تي ڪم ڪرن ٿا اهي هڪ ٻئي جي رهنمائي ڪندا رهن ته اسين هن سائيٽ تي اهڙي رهنمائي حاصل ڪري سگهون ۽ اهو ڪم ڪريون۔
فقير سائين اسان اوهان کي چڱي طرح سڃاڻو۔ ڪافي پراڻي واقفيت آهي، اوهان ته نالي جا فقير آهيو، اصل ۾ املهه آهيو، اوهان کي انهن ڪاغذي ڪرنسي جي ڪهڙي گهرج۔
سائين گل صاحب هن دنيا ۾ ڪاغذي ڪرنسي جي وڏي اهميت آهي بس جيئن لا۽ هٿ پير ته هڻڻو آهي نه ادا بهرحال ادا توهان مون کي ڪافي پراڻو سڄاڻو ٿا پر مون کي ذهن ۾ نه پيو اچي جيڪڏهن مهرباني ڪري پرسنل ميسيج ۾ ياد دهاني رائيندو ته مهرباني ٿيندي ۔ سدائين گڏ فقير
مون سڀني جون لکيل تحريرون پڙهيون پر مونکي هڪ ڳالهه سمجهه ۾ ڪونه آئي ته ڇا اهو ممڪن آهي ته بينڪ اڪائونٽ جو هجڻ لازمي آهي ڇا جيڪو پاڪستان جي ڪنهن به بينڪ ۾ هجي ۽ اڪائونٽ ۾ ڪيترا پيسا هجن جو ان کانپوء اهو ڪاروبار شروع ڪري سگهجي ٿو۔
ادابئنڪ ۾ اڪائونٽ هجڻ ته اڄڪلهه جي اهم ضرورت آهي، گهٽ ۾ گهٽ هڪ اڪائونٽ ته يقينا سڀني جو هوندو، باقي اگر نيٽ بينڪنگ اي ٽي ايم ڪارڊ ويزا انيبل هجي ته ڪهڙي به ملڪ جي فاريڪس اداري کي پيمنٽ ڪري سگهجي ٿي۔ يو يو بي ايل، سٽينڊرڊ چارٽرڊ بئنڪ الحبيب جا اي ٽي ايم ڪارڊ ويزا انيبلڊ آهن، باقي بي ڪافي بينڪن جا هوندا، مون وٽ يو بي ايل، سمت بئنڪ ۽ بئنڪ الفلاح جا اڪائونٽ آهن مگر انهن مان صرف يوبي ايل ويزا انيبلڊ آهي۔ باقي پئسا ڪيترا هجن، ان لا سائين جيترا زياده هوندا اوترو گهڻو فائدو ۽ گهڻو نقصان ٿي سگهندو آهي، منهنجي را آهي ته 10 کان 25 هزار تائين ڪم اسٽارٽ ڪجي، پر 50 سيڪڙو تي ڪم ڪجي ۽ 50 سيڪڙو بيڪ اپ رکجي ته اگر ڪنهن ڪرنسي جو ريٽ ڪجهه زياده ئي گهٽ ٿيڻ لڳي ته گهٽ ۾ گهٽ اهو ٽريڊ پئسن نه هجڻ ڪري بند نه ٿي سگهي۔ ان کان علاوه جيترا پئسا ان بزنس ۾ لڳائجن، جڏهن اوترو فائدو رسي ته مول واپس ڪڍي وٺجي ۽ پو پرافٽ سان ڪم ڪجي ته انشاالله الله ڀلائي ڪندو۔ اڪثر دوست هن بزنس کي جوا وانگر سمجهندا آهن ائين بالڪل نه آهي هن بزنس کي ڏاڍو سوچي سمجهي دنيا جي معاشي سياسي حالات تي نظر رکي ڪري ئي ڪري سگهبو آهي۔
