وڏڙن کان ٻڌندا اچون پيا ته سنڌ قيامت کان گهڻو وقت اڳ ۾ تباهه ٿيندي۔۔۔ وڏڙا سچ چوندا هليا۔۔۔ هڪ صوفي سان ڪچهري ٿي جنهن چيو ته ” جڏهن کان مخدوم بلاول کي گهاڻي ۾ پيڙيو ويو آهي تڏهن کان سنڌ اونداهي طرف وڌندي پئي وڃي، نه ته اڳ سنڌ جهڙو خوشحال وطن ٻيو نه هو“۔۔۔۔ اسلام سلامتي امن جو مذهب آهي ۽ اسلام کي نيم مُلان خوار ڪري رهيا آهن۔ نيم ملان خطره ايمان، نيم حڪيم خطره جان۔ گذريل حج واري عيد تي اسان جي ڳوٺ جي هڪ نيم مُلان 9 ذوالحج تي ڪبوترن جي بازي لڳائڻ وارن تي تنقيد ڪئي ۽ کين ان جا گناهه ٻڌائڻ لڳو، اسان جي ڳوٺ وارا وچارا اڳئي اُن مُلي کي نه سهن سو انهن حج واري ڏينهن ڪبوترن جي بازي شرطن تي لڳائي ۽ آخر ڪار اُن (ملان) کي افسوس ڪرڻو پيو۔ معلوم ٿيو ته اڄ ڪلهه ماڻهن کي گناهه ڪرڻ جا عذاب ٻڌائينداسين ته ماڻهو چووندا ” اسان هون ڪهڙا نيڪ آهيون جو جنت ۾ وينداسين، هڪ گناهه ٻيو به ڪري وٺون“۔۔۔ انهن کي اگر اسان جا عالم سڳورا الله تعالى جي رحمت بيان ڪري ٻڌائين ته شايد اهي ماڻهو گناهن کي هٿ به نه لڳائين۔۔۔۔۔ اسان جي سنڌ کي شاهه لطيف، سچل سرمست ۽ ٻين اهڙن بزرگ هستين جهڙن عالمن جي ضرورت آهي جيڪي سنڌ کي خوشحال ڪري سًگهن ٿا۔۔۔۔۔
