گوگل جو هجر ۽ فراق سان ڀريل جذباتي اشتهار....

ڪالهه اربع ڏينهن گوگل انڊيا ”گوگل ڪمرشل: ري يونين“ نالي هڪ ڳوڙها ڏياريندڙ اشتهار رليز ڪيو۔۔۔ جنهن ۾ هڪ 3 منٽ ۽ ڪجهه سيڪنڊن جي ڪهاڻي ۾ ڏيکاريو ويو آهي ته ڪهڙي طرح گوگل ڳولا ڪم ڪري ٿي ۽ ان ذريعي ٻن ننڍپڻ جي يارن کي ٻيهر ملائي ٿي۔۔۔ جيڪي ورهاڱي کان پوءِ الڳ ٿي ويا هيا۔۔۔
وڊيو جي شروعات ٿئي ٿي سمن نالي هڪ نوجوان ڇوڪريء سان جنهن جو ڏاڏو پنهنجي آلين اکين سان کيس پنهنجيون يادگيريون ڏسيندي ٻڌائي ٿو ته ڪيئن هوُ ۽ سندس دوست يوسف لاهور ۾ ٻالڪپڻ ۾ موج مستيون ڪندا هئا۔۔۔ ۽ پوءِ ورهاڱي ڪري يوسف پاڪستان ۾ ۽ هُو انڊيا اچي نڪتو۔۔۔
ڇوڪري سمن پنهنجي ڏاڏي جي يادگيرين کان ڪافي متاثر ٿي ٿئي ۽ ائين گوگل تي سندس ڏاڏي طرفان ٻڌايل موچي گيٽ لاهور ۽ ان جي ويجهو مٺائي جي دڪان ڳولا ڪري ٿي۔۔۔ ۽ ڪجهه ئي سيڪنڊ ۾ پوري ڪهاڻي کي حقيقتن سان ڳنڍيندي لاهور ۾ يوسف جو پتو معلوم ڪري وٺي ٿي۔۔۔
گوگل جي هن اشتهار ۾ ايترو ته خوبصورتي سان گوگل ڳولا جي مقصد ۽ اهميت کي جذباتي انداز سمجهايو ويو آهي جو ڏسندڙ نه صرف کوئجي وڃي ٿو پر دلي جذبن کي سمجهڻ سان گڏو گڏ گوگل جهڙي عظيم سرچ جي اهميت کي پڻ سمجهي وڃي ٿو۔۔۔
هن اشتهار کي شايع ٿيندي هڪ ڏينهن مس گذريو آهي پر ڏسندڙن جو تعداد لکن کان وڌيڪ ٿي ويو آهي۔۔۔ دوستن جي دلچسپي خاطر گوگل جي ان اشتهار کي پيش ڪجي ٿو۔۔۔۔

​

 

گوگلنگ ته اوهان بهتر ڪري ئي ڄاڻو پر گوگل جا هي ڪن به ڳولي ونڊ ڪري ڄاڻو۔ زبردست