ڊًگهي جدائي  کان پو وري واپسي.

[عبدالڪريم چانڊيو]

ڪن اڻ ٽر سببن جي ڪري سنڌ سلامت جي دوستن کان ڊگهي عرصي تائين پري رهڻ جي دوستن کان معذرت۔ اوهان سڀني کي ياد ڪندو رهيس، خبر ناهي دوستن ياد ڪيو الائي نه ۔

اميد ته وري ساٿ سلامت رهندو۔

 

[رشيد سمون]

توهان هر ان موقعي تي ياد هوندا آهيو جڏهن سنڌ سلامت جي ڪچهرين جو ذڪر نڪرندو هجي يا وري ذڪر هجي سچل ڳوٺ جو۔۔۔
ٻيهر مرحبا۔۔۔
اميد ته ساٿ ٻيهر نه ٽٽندو۔۔۔!!

 

[عرس پريو]

ڪن اڻ ٽر سببن جي ڪري سنڌ سلامت جي دوستن کان ڊگهي عرصي تائين پري رهڻ جي دوستن کان معذرت۔ اوهان سڀني کي ياد ڪندو رهيس، خبر ناهي دوستن ياد ڪيو الائي نه ۔

اميد ته وري ساٿ سلامت رهندو۔

اڻ ٽر سبب ته اڃا به ڪو ٽريا هوندا، ٻيهر اچڻ تي ڀليڪار

سچل ڳوٺ جي ۽ سنڌ سلامت جي ڪچهري هجي ۽ ان ۾ توهان جو ذڪر نه هجي اهي ته ٿي ئي نٿو سگهي۔ ۔۔۔۔۔۔۔۔۔۔۔ توهان جو ذڪر بلڪل ائي هوندو آهي جئين هر فلم ۾ هيرو سان گڏ تنز مزاح لاءِ هڪ ساٿي هوندو آهي ۔۔۔۔۔۔۔۔۔
هههههههههههه اميد ته هاڻ دوريون نه رهنديون

 

[عبدالغني لوهار]

چاچا اوهان هميشه ياد هوندا آهيو ، الله پاڪ توهانکي تندرستي ۽ صحت سلامتي عطا فرمائي

 

[رحيم بخش]

ڪچهري جي مور جيان اوهان جي شخصيت اوهان جي گفتگو دوستن کي خوش ڪندي آهي خاص ڪري محترم سائين محمد سليمان جن جيڪي اوهان کي ڪمپيوٽر سيکاريندا آهن ۽ ان جي رد عمل ۾ اوهان جي موٽ ته ماحول ۾ مرڪون پکيڙي ڇڏيندي آهي۔ اوهان سان روبرو به ڪچهري جو شرف حاصل ٿيو اوهان ڀلا وسارڻ جهڙا ڪٿي آهيو اوهان الائي ڪيئن ايترو وقت پري رهيا۔ ليڪن دوستن جي دل ۾ اوهان موجود آهيو۔

 

[سليمان وساڻ]

چاچي ڪريم کي سنڌ سلامت تي ٻيهر ڀليڪار، باقي اڻٽر سبب ڪهڙا هيا، انهن جو ذڪر ئي ڪونه ٿيو۔

چون ٿا ته 65 سالن جي عمر ۾ جيڪڏهن فيسبوڪ تي ڪنهن سان پيار ٿي وڃي ۽ گهرواريءَ کي خبر پئجي وڃي ته پاڻ سمجهو ٿا۔ سو اسان واري چاچِي به شينهن آهي ۔۔۔۔ هاڻ سبب ته اڻٽر ئي ٿيا نه ۔۔۔۔ جيڪي ٽرندا ئي ڪونه۔

خير دوست عبدالحفيظ لغاري ۽ سائين نثارابڙو بهتر سمجهن ٿا جو اهي به چاچي ڪريم سان گهڻو ويجهو رهيا آهن۔ باقي منهنجي ته اوهان سان دلي همدردي آهي۔

 

[نثارابڙو]

هههههههههههههههههه ۔۔۔۔ مطلب ته اها ،،،،،”اڻٽر“ ،،،،، نالي ڪا مائي هئي جنهن سبب اسانجو پيارو ڪريم اسانکا پري ٿي ويو هو ۔۔۔۔ جواني جا سهڻا ڦوٽا، مٿان ڪراڙپ ۾ به 30 سالن جو ڏيک آخر ڪو ته نقصان ڏيندو ۔۔۔ ڀلا ڀاڄائي ان اڻٽر سبب کي ڀڄائي ڪڍيو يا اهو سبب اڃان ڪنهن ڪنڊ ۾ پيو ساهه کڻي ۔۔۔ الله خئير ڪري ۔۔۔۔ سليمان جي شاهدي ته ٻڌائي ٿي ته مامرو ڳرو آهي ۔۔۔ خئير آ به اچانٿو ۔۔۔ اچي پاڻ مامري جي تحقيق ڪندس ۔۔۔۔ الله ڪري ته اسانجو هو سهڻو من مهڻو دوست هميشه مسڪرائيندو رهي ۔۔۔ آمين

 

[عبدالحفيظ لغاري]

چاچا ڪريم جِن اکين ۾ آزاد سنڌ جا سَپنا سانڍ ويٺو آهي تِن اکين ۾ ڪيئي ڏهاڪن کان رُڳو لُڙڪ آهن۔ اهي لُڙڪ انهن نوجوانن جي افعالن جي ڪري آهن جيڪي انهي مقصد جي لاءِ ٺهيل ڌڙن جي نام نهاد قومپرستي جي آڙ ۾ پنهنجن جي دِل آزاري ڪرڻ وارا آهن۔ چاچا ڪريم جي اکين ۾ دَز ۽ ڌوڙ به جام پئي ٿي جيڪا بار بار صاف ٿيندڙ سچل جي گهٽين ۾ وري وري ٿيندڙ ڪچري جي ڪري ٿئي ٿي۔ چاچا ڪريم جون ٿَڪل اکيون انهي سڀ هوندي به حُسن جي شناس به رکن ٿيون۔ چاچا جي اک حُسن جا سڀ رنگ ڍنگ ۽ انگ ڏِسڻ ۾ ڪمال مهارت رکي ٿي۔ ۽ اهو سڀ ڪندي چاچا هن مادي دنيا جو حصو ته بهرحال آهي سو نيٺ اکين تي اثر پيو۔
چاچا کي اکين جي علاج کان پوءِ حُسن ۽ ڪمپيوٽر کان پري رهڻو پيو۔ ۽ انهي سڄي عرصي دؤران کين رڳو هِڪ شينهن کي ئي ڏِسڻو ٿي پيو۔ اهڙي ۾ چاچا کي ڪڏهن ڪڏهن ڪاري چشمي جي پويان لڪل اکين هوندي ڏسبو هو پر گهڻو ڪچهري نه ٿيني هئي۔ يقينن چاچا به اسان کي ايئن ئي ياد ڪيو هوندو جيئن کيس اسان۔ خيرسان واپسي تي ڀليڪار۔

 

[عبدالڪريم چانڊيو]

انهن سڀني دوستن جو آ ٿورائتو آهيان جن مون کي ڊگهي جدائ کان پو ڀي ياد رکيو۔ ڪن ته ان جدائي جو سبب پڇيو ۽ ڪن ته وري منهنجي ڪيفيت ۽ حالتن جو اندازو لڳائي سبب ڀي ٻڌائي ڇڏيو ۔ مار نجومي ته منهنجي ڀر ۾ ويٺل هئا، جن سٺ سيڪڙو درست سبب ٻڌايا ، سڀني سڄڻن کي صلاح ته پنهنجي منجهيل معاملن جي حل لا طوطي وارن بدران انهن ڏانهن رجوع ڪن ،ته وڌيڪ خرچن کان بچي ويندا
۔ اصل سبب بڌايان ٿو ته فيس بوڪ تي هڪ خوبصورت ڇوڪري طرفا ن دوستي واري وڌايل هٿ کي بغير ڪنهن ڇنڊ ڇاڻ جي قبولي ورتو، اها ڇوڪري ڪا انڊين اداڪارا هئي جنهنجو نالو نرگس فخري آهي ۔ ان سان ڪنهن ڀي قسم جي ڪا اخلاق کان ڪريل ڳاله ٻوله ته ڪانه ٿي ،پر منهنجي ٻارن وڃي پنهنجي ما کي ٻڌايو، بس پو ته زالاڻي ساڙ ۽ قومي غيرت پنهنجو رنگ ڏيکاريو، نه پڇا نه ڳاڇا ،گهر جو جيڪوبه ٿان هٿ لڳس اهو راڪيٽ لانچر وانگر پيو وسي ، پاڻ ته ٻه ٽي سهائي ٻاهر نڪتس شڪر جو گهر جو دروازو کليل هئو نه ته دوستن سان وري ملاقات نه ٿئي ها ، پر ويچاري ڪمپيوٽر جي شامت آئي ، ان جو ڪو به پرزو صحيح سلامت نه بچيو ۔ قومي جرگن کان پو مس وڃي ڪا معافي ملي آهي ۔ دوستن کي صلاح ته اهي ڀي احتيات ڪن ،متان مون وانگر دوستن کان دور رهڻ تي مجبور ٿين ۔

 

[غلام مصطفي ميمڻ]

سائين منهنجا اسلام عليڪم۔ شاه سائين جن سچ چيو آهي ته الله ڏهي ۾ ٿيان، ڏاهيون ڏک ڏسن۔ڪيو نيٽ تي ڇوڪرين سان دوستيون ۽ پوء ڏيو منهن ۔ ادا اميد ته اسان جي ڀا ڄائي جو هاڻي ته نشانو پڪو ٿئي ويو هوندو آخر اوهان تي ايڏي ٿانون اڇلائڻ جي پريڪٽس جو ڪئي اٿن۔( ادا مذاق پيا ڪيون دل ۾ نه ڪجو)

 

[عبدالڪريم چانڊيو]

سائين همت ڪري وري آيو آهيان ،ڏسان ته ڪهڙو ٿو حشر ٿئي ۔ حفيظ ته هن انارڪي ورتل ملڪ کان ٻاهر ڀڄي ويو آهي ، نثار ابڙي کي وري کٽي ٿي کڻي جو سعودي عرب جهڙي پرسڪون ملڪ کان ڪراچي اچي رهيو آهي ۔ پڪ سليمان آسرو ڏنو هوندس ۔اسان سڀني جا خير گهريا ۽ سڀني لا دعائون گهرندڙ، سڄي سنگت شر کان محفوظ رهي ،آمين ۔

 

[سليمان وساڻ]

هههههههههههههههههه ۔۔۔۔ مطلب ته اها ،،،،،”اڻٽر“ ،،،،، نالي ڪا مائي هئي جنهن سبب اسانجو پيارو ڪريم اسانکا پري ٿي ويو هو ۔۔۔۔ جواني جا سهڻا ڦوٽا، مٿان ڪراڙپ ۾ به 30 سالن جو ڏيک آخر ڪو ته نقصان ڏيندو ۔۔۔ ڀلا ڀاڄائي ان اڻٽر سبب کي ڀڄائي ڪڍيو يا اهو سبب اڃان ڪنهن ڪنڊ ۾ پيو ساهه کڻي ۔۔۔ الله خئير ڪري ۔۔۔۔ سليمان جي شاهدي ته ٻڌائي ٿي ته مامرو ڳرو آهي ۔۔۔ خئير آ به اچانٿو ۔۔۔ اچي پاڻ مامري جي تحقيق ڪندس ۔۔۔۔ الله ڪري ته اسانجو هو سهڻو من مهڻو دوست هميشه مسڪرائيندو رهي ۔۔۔ آمين

سائين اوهان به خير سان واپس آيا آهيو ۔۔۔ هاڻ انهن اڻٽر سببن جي جانچ ته ڪيو

 

[عبدالحفيظ لغاري]

اتفاق سان نثارابڙو صاحب جتان آيا آهن عبدالڪريم چانڊيو صاحب جي وبالِ جان اوڏانهن اُسهيل آهي۔ مون کان هاڻي نرگس فخري جا فوٽو پُڇڻ شروع ڪيا اٿس۔ هُما قريشي لاءِ چيم پر اک نه ٻُڌس۔

 

[سليمان وساڻ]

اتفاق سان نثارابڙو صاحب جتان آيا آهن عبدالڪريم چانڊيو صاحب جي وبالِ جان اوڏانهن اُسهيل آهي۔ مون کان هاڻي نرگس فخري جا فوٽو پُڇڻ شروع ڪيا اٿس۔ هُما قريشي لاءِ چيم پر اک نه ٻُڌس۔

هاهاهاها ۔۔۔ اڄڪلهه ڪريم صاحب گهڻو خوش آهي، ٻڌا ٽهڪ ٿو ڏي

 

[عاشق سولنگي]

سائين سنڌسلامت تي واپس اچڻ تي اوھانکي اسان ڀليڪار ٿا چئون۔

 

[نثارابڙو]

مون سوچيو هو ته عبدالڪريم صاحب جن جي ان اڻٽر مجبوري کي ڳولهي لهندس پر منهنجي تحقيق کان اڳ ئي ڏوهه باسي ويٺو آهي، ۽ مٿان وسندڙ ٿانون جو ذڪر خئير ڪري چڪو آهي، انڪري منهنجو ڪم پورو ٿي ويو آهي ۔۔۔ پر پو به آ سنڌ ۾ رهندڙ سڀني سنڌين کي انڪري به ڏوهي قرار نه ڏيندس جو جيڪي ماڻهون رهن ئي مدي خارج سماج ۾ ٿا ته انهن جا مسئلا به مدي خارج ضرور آهن ۔۔۔ عاشق مجبور آ، ڀل ڪيڏو به ڪنڌار هجي ۔۔۔

خئير ڪريم صاحب کي شابس آهي جو ٿانون جي ڀڄي پوڻ کان پو به کلندو لڏندو وتي ۔۔۔شايد ٿانوَ پنهنجا ورتل ڪون هيس ۔۔۔ ههههههههههه

 

[محمد اسلم عباسي]

ڪن اڻ ٽر سببن جي ڪري سنڌ سلامت جي دوستن کان ڊگهي عرصي تائين پري رهڻ جي دوستن کان معذرت۔ اوهان سڀني کي ياد ڪندو رهيس، خبر ناهي دوستن ياد ڪيو الائي نه ۔

اميد ته وري ساٿ سلامت رهندو۔

سائين ڀليڪار