السلام عليڪم ، سڄڻون، منهنجو نالو جمال عبدالناصر عرف آصف آهي۔ ذات جو چارڻ آهيان۔ منهنجي پيدائش ضلع بدين تعلقي ماتلي ويجهو ٽالپر ميرن جي هڪ ڳوٺ ٽنڊو غلام علي ۾ 24 جنوري 1980 ۾ ٿي۔ آباڻو ڳوٺ دادو شهر آهي سو ٽنڊو غلام علي منهنجو روح ۽ دادو منهنجي دل آهي۔ تعليم : ماسٽرس (سوشيالاجي)، ايم۔بي۔اي (فائنانس)، ڊي۔ايڇ۔ايم۔ايس (ڪراچي)، ريڊ هيٽ لينڪس 9 (ڪراچي)، ڊي۔ سي۔ ايس (پيٽرومين ڪراچي)، ڊي۔آئي، ٽي (ڪراچي)۔۔۔۔۔۔ شوق : ڪامپيوٽر سائنس سان سر لڳي، ڪامپيوٽر تي مبني ڪتاب، ۽ پراڻا گانا۔۔۔ خواهش: شال سنڌي جيئي ، سنڌ جا سهڻا ماڻهو جيئن ۔۔۔ ڪامپيوٽر جي لغت (انگريزي کان سنڌي) ٺاهي پوري ڪرڻ برقي ٽپال : asif.charan@gmail.com
ماشاء الله ۔۔۔ لڳي ٿو ڊگريون حاصل ڪرڻ جو شوق رکو ٿا ۽ پورو به ڪريو پيا۔۔۔ اسان جا ڀلا ڀاڳ جو ڪمپيوٽر کان وٺي معاشيات تائين سڀ گُر رکندڙ گرو اسان جي ساٿ ۾ شامل ٿيا آهن۔۔۔ خوشي به ٿي ته ڪنهن کان ڪجهه سکڻ جي عادت پوري ٿيندي۔۔ لاڙ ڄائو اترادي دوست جي لکائي ۾ لفظن جي چونڊ جي به ڇا ڳالهه ڪجي۔۔ جو دل روبرو ڪچهري ڪرڻ لاءِ به اصل آتي آ۔۔ خير نينگر به ننڍي جمع به گهڻا جي پهاڪي وانگر تازو موڪل ڪاٽي واپس اچڻ باوجود وري وڃڻ واري سڪ هاڻي کان ئي چهڪائي وڌو آ۔۔ اچبو ته انشاء الله ضرور ملبو۔۔ جيڪڏهن توهان سنڌ سلامت تي بلڪل نوان آهيو تڏهن به ۽ جي اڳ مهمان طور تي ايندا رهيا آهيو تڏهن به توهان لاءِ اڳ جو ايندڙ ۽ مواد يقينن توهان کي هتان ڇڏڻ نه ڏيندو بس رڳو ڀيرو نه ڀڃجو۔۔
لاڙ ڄائو اترادي۔۔۔ تعارف جو عنوان پڙهي خوشگوار حيرت لڳي۔۔۔ماشاالله بلڪل منهنجي اُبتڙ۔۔ توهان جي ان ٽرمنالوجي مطابق مان وري اُترادي ڄائو لاڙي آهيان۔۔ ماشاالله توهان جون ايتريون ساريون ڊگريون ۽ ڪورسز پڙهي به خوشي ٿي۔۔سنڌ سلامت جي اڱڻ تي توهان کي دل سان ڀليڪار۔۔۔
وعليڪم السلام ، تمام گهڻي خوشي ٿي ، سنڌ جي هن سهڻي فورم تي ڀليڪار ، جمال عبدالناصر مصر جو هڪ انقلابي اڳواڻ هيو ، شال الله پاڪ اوهانجي وسيلي سنڌ ۾ انقلاب آڻي ۽ سنڌ ۾ خوشحالي آڻي ، سلامت رهو
ڊاڪٽر صاحب کي سنڌ سلامت تي اچڻ تي دل سان ڀليڪار چئجي ٿو اميد ته ڪمپيوٽر سان لڳاءُ مان اسان به ڪجهه فيضياب ٿينداسين سنڌ سلامت ساٿ سلانت
ادا ڀلي ڪري آيا۔ اوهان جي شوق پورو ڪرڻ لاءِ هي فورم بهترين آئي۔ لغت جو رهجي ويل ڪم اڳتي ڪرڻ ۾ هٿ ونڊايو ته واهه واهه
سائين جمال عبدالناصر عرف آصف صاحب سڀ کان پهرين ته توهان کي سنڌ سلامت جي فورم تي ڀلي ڪار ڪجي ٿي، اميد ته توهان هن سنڌ سلامت فورم جو ساٿ نڀائي ڪري توڙ نڀائيندا۔۔۔۔۔۔۔۔۔۔۔۔۔۔۔۔۔ ادا چارڻ اسان جي پاڙي دادو ڪاليج روڊ وٽ به رهندا آهن پير مظهرالحق ( سابقه وزير ) جي گهر جي ڀرسان توهان انهن مان ڪنهن کي سڃاڻو۔ سنڌ جا سڄڻون ۔۔۔۔۔۔ سنڌ جو لاڙ هجي يا اتر، ڪاڇو هجي يا ٿر، موئن جو دڙو هجي يا مڪلي،ڀٽ ساهه هجي يا سيوهڻ شريف، مطلب ته ڪراچي کان ڪشمور تائين، ڪيجهر کان ڪارونجهر تائين جا سڀ علائقه اسان جي اکين تي۔ ”سهڻا تون نه وڃ لاڙ، پکو مان جهليندي سانءِ لاڙ بابت تفصيلي مضمون پڙهڻ لاء هن عنوان تي ڪلڪ ڪري لاڙ بابت پڙهي سگهو ٿا (موجوده دور ۾ سنڌ جي لاڙ وارو ڀاکو)۔اتر:۔۔۔۔۔۔۔۔۔۔۔۔۔۔۔۔۔ چئن طرفن مان هڪ طرف آهي، اوڀر، اولهه، اتر ۽ ڏکڻ هي اهو طرف آهي جنهن ڏانهن قطب نما جي سئي هميشه منهن ڪندي آهي جنهن جي ذريعي بحري جهاز ۽ هوائي جهاز طرفن جو اندازو ڪندا آهن اتر ڏانهن منهن ڪرڻ سان ساڄي هٿ تي اوڀر ۽ کاٻي هٿ تي اولهه جو طرف ايندو ۽ پٺئين پاسي ڏکڻ جو طرف هوندو آهي. سنڌ ۾ اترادي انهن کي سڏيو ويندو آهي، جيڪي سنڌ جا اتريان علائقا آهن، مثلن دادو، لاڙڪاڻو، خيرپور ميرس، شڪارپور، سکر، وغيره سنڌي دنيا جي قديم ترين ٻولي آهي جيڪا گذريل پنج هزار سالن کان دائم ۽ قائم آهي. ايڏي ڊگهي عرصي دوران سنڌيءَ کان علاوه فقط فارسي، عربي ۽ چيني ٻوليون پاڻ بچائي سگهيون نه ته باقي دنيا جون قديم ۽ عظيم ٻوليون وقت سان گڏ فنا ٿي ويون ۽ اهيا به حقيقت آهي ته سنڌ جي هر علائقي جي سنڌي ٻولي جو لهجو پنهنجو لهجو آهي، ۽ هر علائقي جي لهجي بابت ماهرن ڪجهه ڪتاب به لکيا آهن۔ سنڌي اترادي لهجي بابت سنڌ جي هڪ دوست اديب ڊاڪٽر هدايت پريم پڻ هڪ ڪتاب لکيو آهي، ۔۔۔(اترادي ٻولي )۔۔۔۔۔ سنڌ جي اترواري علائقي جي حدن ۾ مروج خاص لهجي جي ڇنڊ ڇاڻ ۽ اڀياس تي مشتمل اترادي ٻولي‘ ڪتاب جو پهريون ڇاپو، مارچ 1995ع ۾ سنڌي ٻوليءَ اٿارٽي شايع ڪيو. هيءُ ڪتاب لسانيات جي موضوع تي ڊاڪٽر هدايت پريم جوتصنيف ڪيل آهي، جنهن ۾ هن سنڌي ٻوليءَ جي اترادي لهجي جو تعارف ڪرايو آهي. هن صاحب اترادي لهجي جي صوتيات، صرفيات، نحويات ۽ انهيءَ لهجي تي ٻين پاڙيسريٻولين بلوچيءَ ۽ براهويءَ وغيره جا اثر ڏيکاريا آهن ۽ پڻ اترادي لهجي جاپهاڪا، چوڻيون ۽ اصطلاح بيان ڪيا آهن. الله سنڌ جي باقي لهجن بابت به معلومات هن فورم تي ونڊ ڪبي۔ ادا منهنجي خيال ۾ جمال عبدالناصر جي نالي سان هڪ مشهور شخص آهي ، جيڪو مصر جو صدر رهيو آهي ڪٿي توهان ان جي نسبت سان ته پنهنجي نالي کي ناهي ڳنڍيو۔
ڊاڪٽر آصف صاحب جن کي هن پيار ڀرئي اڱڻ تي ڀلي ڪار ۔ سندن هن فورم جي فرد بنجڻ تي اسان کي خوشي آهي۔ اميد ته ساٿ ۾ قائم رهي سنڌي ٻوليء جي خدمت ۾ هٿ ونڊائيندا رهندا۔
ڀلي ڪري آيا ! تمام بهترين انداز سان تعارف ڪرايو اٿو۔ اميد آهي ته پنهنجن قيمتي مضمونن سان سند سلامت ۾ ڪردار نڀائيندا ايندا ۔ والسلام
ادا آصف کي اسان پنهنجي دل جي ڌرتي تي ڀلي ڪار ڪريون ٿا اميد آهي ته پنهنجن قيمتي مضمونن سان سند سلامت ۾ ڪردار نڀائيندا ايندا ۔ والسلام
محترم آصف صاحب اوهان کي سنڌ سلامت تي ڀليڪار ڪجي ٿي اوهان ڪمپيوٽر جو شوق رکو ٿا ۽ اها اميد ڪبي ته اوهان اسان سان بهترين شيئرنگ ڪمدا رهندا۔
